AtthaPali Vol.55

10. Jivitindriyakathavannana [540] Idani jivitindriyakatha nama hoti. Tattha yesam jivitindriyam nama cittavippayutto arupi dhammo, ^2- tasma rupajivitindriyam natthiti laddhi seyyathapi pubbaseliyananceva samitiyananca, te sandhaya puccha sakavadissa, patinna itarassa. Natthi rupinam dhammanam ayuti panhe upadinnarupanampi tinakatthadinampi santanavasena pavattimeva ayu thiti yapana yapana iriyana vattana palanati icchati, tasma patikkhipati. Atthiti panhepi imina karanena patijanati. Atthi arupajivitindriyanti panhepi arupadhammanam cittavippayuttam jivitindriya- santanam nama atthiti icchati, tasma patijanati. [541] Rupinam dhammanam ayu arupajivitindriyanti panhe sattasantane ^3- rupino va dhamma honti arupino va, ^3- sabbesam cittavippayuttam arupajivitindriyameva icchati, tasma patijanati. @Footnote: ¹ cha.Ma. vacikammakatha ² cha.Ma. arupadhammo ^3-3 cha.Ma. rupino va hontu arupino va [542] Nirodhasamapannapanhesupi cittavippayuttam arupajivitindriyameva ^1- sandhaya patikkhipati ca patijanati ca. Sakavadi pana tam asampaticchanto yam arupapavatte asati atthi, rupena tena bhavitabbanti codetum hancitiadimaha. Sankharakkhandhapanhe phassadisankharakkhandham sandhaya patikkhipati, kayakammadisankharak- khandham sandhaya patijanati. Kayavinnatti vacivinnatti sammavaca sammakammanto jivitindriyanti evamadayopi dhamma sankharakkhandhapariyapannati tassa ^2- laddhi. Sakavadi pana tam asampaticchanto yadi niruddhepi arupapavatte sankharakkhandho atthi, catunnampi khandhanam atthita hotuti codetum atthi vedanakkhandhotiadimaha, itaro antosamapattim sandhaya patikkhipati, samapajjantassa ca vutthahantassa ca pubbaparabhagam sandhaya patijanati. [543] Asannasattavarepi eseva nayo. Tassa ^3- hi laddhiya asannasattanam patisandhikale cittam uppajjitva nirujjhati, tena saha cittavippayuttam arupajivitindriyam uppajjitva yavatayukam pavattati. Tasma tesam jivitindriyam natthiti puttho patikkhipati, atthiti puttho patijanati. Vedanakkhandhadayopi tesam pavattivasena patikkhipati, patisandhivasena ^4- patijanati. Sakavadi pana tam anicchanto "sace tattha ekakkhanepi vedanadayo atthi, pancavokarabhavattam papunati"ti codetum pancavokarabhavoti aha. Itaro suttavirodhabhaya patikkhipati. [544-545] Ekadesam bhijjatiti panhe sampayuttam bhijjati, vippayuttam titthatiti tassa laddhi, tasma patijanati. Dve jivitindriyaniti puccha paravadissa, patinna sakavadissa. Ruparupavasena hi dve jivitindriyani, tehiyeva @Footnote: ¹ cha.Ma. arupajivitameva ² cha.Ma......pariyapannatissa @³ cha.Ma. tassa ⁴ cha.Ma. cutipatisandhivasena Satto jivati, tesam bhangena maratiti vuccati. Cutikkhanasminhi dvepi jivitani saheva bhijjantiti. Jivitindriyakathavannana nitthita. -----------

The Pali Atthakatha in Roman Book 55 page 239-241. http://84000.org/tipitaka/atthapali/read_rm.php?B=55&A=5389&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=5389&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36