|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Pancavinnanasamangissamaggabhavanakathavannana
[576] Idani pancavinnanasamangissa maggabhavanakatha 1- nama hoti.
Tattha yesam "cakkhuna rupam disva na nimittaggahi hoti"ti suttam nissaya
"pancavinnanasamangissa atthi maggabhavana"ti laddhi seyyathapi mahasamghikanam,
te sandhaya puccha sakavadissa, patinna itarassa. Atha nam "sace tassa
maggabhavana atthi, pancavinnanagatikena va maggena maggagatikehi va
pancavinnanehi bhavitabbam, na ca tani maggagatikani anibbanarammanatta
alokuttaratta ca, na maggo pancavinnanagatiko tesam lakkhanena asangahitatta"ti
codetum nanu pancavinnana uppannavatthukatiadimaha. Tatrayamadhippayo:- yadi
pancavinnanasamangissa maggabhavana siya, yena manovinnanena maggo sampayutto,
tampi pancavinnanasamangissa siya. Evam sante yadidam "pancavinnana
uppannavatthuka"tiadi lakkhanam vuttam, tam evam avatva "../../bdpicture/chavinnana"ti vattabbam
siya. Tatha pana avatva "pancavinnana"tveva vuttam, tasma na vattabbam
"pancavinnanasamangissa atthi maggabhavana"ti. Yasma cettha ayameva adhippayo,
tasma sakavadi tam lakkhanam paravadim sampaticchapetva no ca vata re vattabbe
pancavinnanasamangissa atthi maggabhavanati aha.
Aparo nayo:- pancavinnana uppannavatthuka, maggo avatthukopi hoti.
Te ca uppannarammana, maggo navattabbarammano. Te purejatavatthukava, maggo
avatthukopi. Te purejatarammana, maggo apurejatarammano. Te ajjhattikavatthukava,
maggo avatthukopi hoti. Te ca rupadivasena bahiddharammana, maggo
nibbanarammano. Te aniruddham vatthum nissayam katva pavattanato asambhinnavatthuka,
maggo avatthukopi. Te aniruddhaneva rupadini arabbha pavattanato
@Footnote: 1 cha.Ma. maggakatha
Asambhinnarammana, maggo nibbanarammano. Te nanavatthuka, maggo avatthuko
va ekavatthuko va. Te nanarammana, maggo ekarammano. Te attano attanova
rupadigocare pavattanato na annamannassa gocaravisayam paccanubhonti, maggo rupadisu
ekampi gocaram na karoti. Te kiriyamanodhatum purecarikam katva uppajjanato
na asamannahara na amanasikara uppajjanti, maggo niravajjanova. Te
sampaticchannadihi vokinna uppajjanti, maggassa vokaroyeva natthi. Te annamannam
pubbacarimabhavena uppajjanti, maggassa tehi saddhim purimapacchimatava natthi tesam
anuppattikale tikkhavipassanasamaye tesam anuppattidese aruppepi ca uppajjanato.
Te sampaticchannadihi antaritatta na annamannassa samanantara uppajjanti,
maggassa sampaticchannadihi antaritabhavova natthi. Tesam annatra abhinipata
abhogamattampi kiccam natthi, maggassa kilesasamugghatanam kiccanti. Yasma cettha
ayamadhippayo, 1- tasma sakavadi imehakarehi paravadim maggassa apancavinnana-
gatikabhavam sampaticchapetva no ca vata ne vattabbe pancavinnanasamangissa
atthi maggabhavanati aha.
[577] Sunnatam arabbhati "yatha lokuttaramaggo sunnatam nibbanam
arabbha, lokiyo suddhasankharapunjam arabbha uppajjati, kinte evam cakkhu-
vinnanan"ti pucchati. Itaro "cakkhunca paticca rupe ca"ti vacanato patikkhipati.
Dutiyam puttho "na nimittaggahi"ti vacanato yam tattha animittam, tadeva sunnatanti
sandhaya patijanati. Cakkhunca paticcati panhadvayepi eseva nayo.
[578-579] Cakkhuvinnanam atitanagatam arabbhati ettha ayamadhippayo:-
manovinnanasamangissa atthi maggabhavana, manovinanananca atitanagatampi arabbha
@Footnote: 1 cha.Ma. ayampi adhippayo
Uppajjati, kinte evam cakkhuvinnanampiti. Phassam arabbhatiadisupi eseva nayo.
Cakkhuna rupam disva na nimittaggahiti ettha javanakkhane na nimittaggahita
vutta, na cakkhuvinnanakkhane. Tasma lokiyamattampi sandhayetam asadhakanti.
Pancavinnanasamangissamaggabhavanakathavannana nitthita.
--------------
The Pali Atthakatha in Roman Book 55 page 250-252.
http://84000.org/tipitaka/atthapali/read_rm.php?B=55&A=5628&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=55&A=5628&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=36&i=
เนื้อความพระไตรปิฎกฉบับหลวง :-
http://84000.org/tipitaka/read/r.php?B=36&A=
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=36&A=
The Pali Tipitaka in Roman Character :-
http://84000.org/tipitaka/read/roman_read.php?B=36&A=
Contents of The Tipitaka Volume 36
http://84000.org/tipitaka/read/?index_36
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]