ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 55 : PALI ROMAN Panca.A. (paramatthadi.)

                        7. Iddhibalakathavannana
     [621-624] Idani iddhibalakatha nama hoti. Tattha iddhipada-
bhavananisamsassa attham ayoniso gahetva "iddhibalena samannagato kappam
tittheyya"ti yesam laddhi seyyathapi mahasamghikanam, te sandhaya iddhibalena
samannagato kappam tittheyyati puccha sakavadissa. Tattha kappo nama
mahakappo, kappekadeso, ayukappoti tividho. "cattarimani bhikkhave kappassa
asankheyyani"ti 1- ettha hi mahakappova kappoti vutto. "brahmakayikanam
devanam kappo ayuppamanan"ti 2- ettha kappekadeso. "kappam nirayamhi paccati,
kappam saggamhi modati"ti 3- ettha ayukappo, ayukappanam ayuvidhanam kammassa
vipakavasena va vassagananaya va ayuparicchedoti attho. Tesu mahakappam
sandhaya pucchati, itaro patijanati.
     Atha nam sakavadi "sace te iddhibalena samannagato `yo ciram jivati,
so vassasatam appam va bhiyyo'ti 4- evam paricchinna ayukappa uddham mahakappam
va mahakappekadesam va jiveyya, iddhimayikenassa ayuna bhavitabban"ti codetum
iddhimayiko so ayutiadimaha. Itaro "jivitindriyam nama iddhimayikam natthi,
kammasamutthanameva"ti vuttatta patikkhipati. Ko panettha iddhimato viseso, nanu
aniddhimapi ayukappam tittheyyati? ayam viseso:- iddhima hi yavatayukam
jivitassa pavattiya antarayakare dhamme iddhibalena patibahitva antara
akalamaranam nivaretum sakkoti, aniddhimato etam balam natthiti. 5- Ayametesam
viseso.
     Atitam anagatanti idam avisesena kappam tittheyyati patinnatatta
codeti. Dve kappetiadi "yadi iddhima jivitaparicchedam atikkamitum sakkoti, na
@Footnote: 1 an.catukka. 21/156/162  2 an.catukka. 21/123/142
@3 vinaYu. 7/354/149      4 sam.ni. 16/143/184   5 cha.Ma. natthi
Kevalam ekam anekepi kappe tittheyya"ti codanattham vuttam. Uppanno
phassotiadi na sabbam iddhiya labbhati, iddhiya avisayopi atthiti dassetum
vuttam. Sesamettha uttanatthamevati.
                      Iddhibalakathavannana nitthita.
                          ------------



             The Pali Atthakatha in Roman Book 55 page 258-259. http://84000.org/tipitaka/atthapali/read_rm.php?B=55&A=5808&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=5808&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=36&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=              The Pali Tipitaka in Roman Character :- http://84000.org/tipitaka/read/roman_read.php?B=36&A=              Contents of The Tipitaka Volume 36 http://84000.org/tipitaka/read/?index_36

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]