บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Indriyabaddhakathavannana [786-787] Idani indriyabaddhakatha nama hoti. Tattha duvidham dukkham indriyabaddham anindriyabaddhanca. Indriyabaddham dukkhavatthutaya dukkham, anindriyabaddham udayabbayapatipilanatthena "yadaniccam tam dukkhan"ti sangahitatta dukkham. Imam vibhagam aggahetva "yassa parinnaya bhagavati brahmacariyam vussati, tam indriyabaddhameva dukkham, na itaran"ti yesam laddhi seyyathapi hetuvadanam, te sandhaya itarassapi 1- dukkhabhavam dassetum indriyabaddhannevati puccha sakavadissa, patinna itarassa. Atha nam "yasma bhagavata `yadaniccam tam dukkhan'ti vuttam, tasma indriyabaddheneva tena aniccena bhavitabban"ti codetum indriyabaddhanneva aniccantiadimaha. Nanu anindriyabaddham aniccanti nanu pathavipabbatapasanadi anindriyabaddhampi aniccanti attho. [788] Na vattabbam indriyabaddhanneva dukkhanti panhe amantati patinna sakavadissa. Anindriyabaddhanhi dukkhadomanassanam arammanam hoti. Unhakalasminhi aggi sitakale ca vato dukkhassarammanam, niccampi bhogavinasadayo domanassassa. Tasma vinapi aniccatthena anindriyabaddham dukkhanti vattabbam. Kammakilesehi pana anibbattatta dukkham ariyasaccanti na vattabbam, tatha maggena aparinneyyatta. Yasma pana tinakatthadinirodho va utubijadinirodho va dukkhanirodho 2- ariyasaccam nama na hoti, tasma indriyabaddham dukkhanceva @Footnote: 1 cha.Ma. tesam itarassapi 2 cha.Ma. dukkhanirodham Ariyasaccanca, itaram pana dukkhamevati idam nanattam dassetum patijanati. Yatha indriyabaddhassatiadivacanam indriyabaddhassa parinnaya brahmacariyavasam parinnatassa puna anuppattim dipeti. Tenevettha sakavadina patikkhepo kato, "yadaniccam tam dukkhan"ti vacanena pana sangahitassa anindriyabaddhassa dukkhabhavam patisedhetum na sakkoti, tasma asadhakanti. Indriyabaddhakathavannana nitthita. ------------The Pali Atthakatha in Roman Book 55 page 292-293. http://84000.org/tipitaka/atthapali/read_rm.php?B=55&A=6580&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=6580&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]