Atthakatha Book 55 : PALI ROMAN
Panca.A. (paramatthadi.)

                       7. Jhanantarikakathavannana
     [817-818] Idani jhanantarikakatha nama hoti. Tattha yesam samaye
"pancakanaye panca jhanani vibhattani, kevalam tayo samadhi uddittha"ti avitakka-
vicaramattassa samadhino okasam ajanantanam "pathamassa ca dutiyassa ca jhanassa
antare jhanantarika nama esa"ti laddhi seyyathapi samitiyananceva ekaccananca
andhakanam, te sandhaya puccha sakavadissa, patinna itarassa. Atha nam "jhanampi
cetasika dhamma, phassadayopi, tasma yadi jhanantarika nama bhaveyya,
phassantarikadihipi bhavitabban"ti codanattham atthi phassantarikatiadimaha.
     Dutiyassa ca jhanassati "yadi jhanantarika nama bhaveyya, dutiyatatiyadinipi
jhananeva, tesampi antarikaya bhavitabban"ti codanattham vuttam. So kevalam laddhiya
abhavena patikkhipati ceva patijanati ca. Pathamassa cati puttho laddhivasena
patijanati.
     [819] Savitakko savicarotiadi "tinnampi samadhinam samadhibhave samane
avitakko vicaramattova samadhi jhanantariko, na itaroti ko ettha visesahetu"ti
codanattham vuttam.
     [820-822] Dvinnam jhananam patuppannananti pathamadutiyani sandhaya
pucchati. Itaro "tesam patuppannanamyeva 1- antare avitakko vicaramatto samadhi
jhanantariko nama hoti"ti laddhiya patijanati. Pathamam jhanam niruddhanti puttho
tinnam ekakkhane pavatti na yuttati patijanati. Avitakko vicaramatto samadhi
pathamam jhananti catukkanayavasena pucchati. Sakavadi tasmim naye tassa abhava
patikkhipati. Nanu tayo samadhiti ettha ayamadhippayo:- yatha tesu tisu samadhisu
@Footnote: 1 cha.Ma. paccuppannanamyeva
Dve samadhi jhananeva, na jhanantarika, evam itarenapi jhaneneva bhavitabbam,
na jhanantarikayati.
                     Jhanantarikakathavannana nitthita.
                            ---------


             The Pali Atthakatha in Roman Book 55 page 301-302.
http://84000.org/tipitaka/atthapali/read_rm.php?B=55&A=6777&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=55&A=6777&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=36&i=
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=36&A=
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=36&A=
             The Pali Tipitaka in Roman Character :-
http://84000.org/tipitaka/read/roman_read.php?B=36&A=
             Contents of The Tipitaka Volume 36
http://84000.org/tipitaka/read/?index_36