AtthaPali Vol.55

Niddesavaravannana [50] Idani ye keci kusala dhammatiadina nayena niddesavaro araddho. Tattha ye keciti anavasesavacanam. Kusala dhammati kusalattikassa padabhajane vuttalakkhana anavajjasukhavipaka kusalasabhava. Sabbe te kusalamulati kinte sabbeyeva kusalamulati pucchati. Tineva kusalamulaniti na te sabbe kusalamulani, alobhadini pana tineva kusalamulaniti attho. Avasesa kusala dhamma na kusalamulati avasesa phassadayo kusala dhamma kusalamulani nama na honti. Athava avasesa phassadayo kusala dhammayeva nama, na kusalamulanitipi attho. Ye va pana kusalamulati ye va pana pathamapucchaya dutiyapadena kusalamulati tayo alobhadayo gahita. Sabbe te dhamma kusalati kinte sabbe tayopi dhamma kusalati pucchati. Amantati sabbesampi kusalamulanam kusalabhavam sampaticchanto aha. Ayam tava mulanaye mulayamakassa attho. Imina upayena sabbapucchasu vissajjananayo veditabbo. Yampana yattha visesamattam atthi, tadeva vannayissama. [51] Ekamulayamake tava sabbe te kusalamulena ekamulati gananatthena ekamulakam aggahetva samanatthena gahetabba. Ayanhettha attho:- sabbe @Footnote: ¹ cha.Ma. appatikkhipitabbena ² cha.Ma. veditabbo Te kusalamulena samanamula, yam phassassa mulam, tadeva vedanadinanti. Atha nesam tathabhavam sampaticchanto amantati aha. Kusalasamutthananti kusalacittasamutthanarupam dassitam. Ekamulanti alobhadina kusalamulena samanamulam. Yatheva hi phassadinam alobhadayo hetupaccayatta mulam, tatha tamsamutthanarupassapi, kusalalakkhanabhavena pana tam na kusalam. [52] Annamannayamake "ye keci kusala"ti apucchitva ye keci kusalamulena ekamulati puccha kata, kasma? iminapi byanjanena tassevatthassa sambhavato. Kusalamulaniti idam purimassa visesanam. "mulani yani ekato uppajjanti"ti hi vuttam, tani pana kusalamulanipi honti akusalabyakatamulanipi, idha kusalamulaniti visesanadassanattham idam ^1- vuttam. Annamannamulani cati annamannam hetupaccayena paccaya hontiti attho. Tasseva patilomapucchaya "sabbe te dhamma kusalamulena ekamula"ti avatva sabbe te dhamma kusalati vuttam, kasma? atthavisesabhavato. Kusalamulena ekamulati hi pucchaya kataya "mulani yani ekato uppajjanti"ti hettha vuttanayeneva vissajjanam katabbam bhaveyya, evanhi sati atthavisesabhavo hoti. Tasma tatha akatva evam puccha kata. Imina upayena mulamulanayadisupi annamannamulayamake pucchaviseso veditabbo. [53-55] Mulamulanaye sabbe te kusalamulamulati sabbe te kusalamulasankhata mulati pucchati. Ekamulamulati samanatthena ekameva mulamulam etesanti ekamulamula. Annamannamulamulati annamannassa mulam annamannamulam, annamannamulam hetupaccayatthena mulam etesanti annamannamulamula. [56] Mulakanaye kusalamulakati hetupaccayatthena kusalam mulam etesanti kusalamulaka. @Footnote: ¹ cha.Ma. visesadassanatthamidam [57-61] Mulamulakanaye kusalamulamulakati kusalanam mulam kusalamulam, hetu- paccayattheneva kusalamulam mulam etesanti kusalamulamulakati. Ayantava kusalapadam nissaya nayayamakapucchadisu ^1- visesattho. [62-73] Akusalapadadisupi eseva nayo. Ayampana viseso, ahetukam akusalanti vicikicchaya ceva uddhaccena ca sampayuttam moham sandhaya vuttam. [74-85] Ahetukam abyakatanti attharasa cittuppada rupam nibbananca. Abyakatamulena na ekamulanti idha pana thapetva sahetukaabyakatasamutthanarupam sesam labbhati. Sahetukaabyakatasamutthanarupam abyakatamulena ekamulam hoti, tam abboharikam katva ekato labbhamanakavaseneva cetam vissajjanam katam. [86-97] Nama dhammati namasankhata dhamma, te atthato cattaro arupino khandha nibbananca. Naveva namamulaniti kusalakusalabyakatamulavasena nava mulani. Ahetukam namam namamulena na ekamulanti ahetukam sabbampi attharasacittuppadavicikicchuddhaccasampayuttamohanibbanasankhatam namam namamulena na ekamulam. Na hi tam tena saddhim uppajjati. Sahetukam namam namamulenati padepi sahetukam namam namamulenati attho. Sesam sabbattha uttanatthamevati. Mulavaravannana nitthita. [98-99] Hetuvaradisupi iminava upayena attho veditabbo. Mulam hetu nidanancati gatha yathanidditthanam dasannampi varanam puna uddanavaseneva vuttati. Mulayamakavannana nitthita. ----------- @Footnote: ¹ cha.Ma. nayayamakapucchasu

The Pali Atthakatha in Roman Book 55 page 330-332. http://84000.org/tipitaka/atthapali/read_rm.php?B=55&A=7428&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=7428&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=2 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=68 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=20 The Pali Tipitaka in Roman Character :- http://84000.org/tipitaka/read/roman_read.php?B=36&A=20 Contents of The Tipitaka Volume 36 http://84000.org/tipitaka/read/?index_36