AtthaPali Vol.55

2. Khandhayamaka 1. Pannattiuddesavaravannana [1] Idani mulayamake desiteyeva kusaladidhamme khandhavasena sanganhitva mulayamakanantaram desitassa khandhayamakassa vannana hoti. Tattha palivavatthanam tava evam veditabbam:- imasminhi khandhayamake tayo mahavara honti pannattivaro pavattivaro parinnavaroti. Tesu pannattivaro khandhanam namabhidhanasodhanavaseneva katatta ^1- pannattivaroti vuccati. Pavattivaro tena sodhitanamabhidhananam khandhanam uppadanirodhavasena pavattim sodhayamano gato, tasma pavattivaroti vuccati. Parinnavaro iminanukkamena pavattanam khandhanam sankhepeneva tisso parinna dipayamano gato, tasma parinnavaroti vuccati. Tattha pannattivaro uddesaniddesavasena dvihakarehi vavatthito. Itaresupi visum uddesavaro natthi, adito patthaya pucchavissajjanavasena ekadha vavatthito. ^2- Tattha pancakkhandhati padam adikam katva yava na khandha na sankharati padam, tava pannattivarassa uddesavaro veditabbo. Pucchavarotipi tasseva namam. Tattha pancakkhandhati ayam yamakavasena pucchitabbanam khandhanam uddeso. Rupakkhandho .pe. Vinnanakkhandhoti tesanneva pabhedato namavavatthanam. [2-3] Idani imesam khandhanam vasena padasodhanavaro padasodhanamula- cakkavaro suddhakhandhavaro suddhakhandhamulacakkavaroti cattaro nayavara honti. Tattha rupam rupakkhandho, rupakkhandho rupantiadina nayena padameva sodhetva kato ^3- padasodhanavaro nama, so anulomapatilomavasena duvidho hoti. Tattha anulomavare "rupam rupakkhandho, rupakkhandho rupan"tiadini panca yamakani, @Footnote: ¹ cha.Ma. gatatta ² cha.Ma. vavatthita ³ cha.Ma. gato Patilomavarepi "na rupam na rupakkhandho, na rupakkhandho na rupan"tiadini panceva. Tato param tesanneva padasodhanavare sodhitanam khandhanam "rupam rupakkhandho, khandha vedanakkhandho"tiadina nayena ekekakkhandhamulakani cattari cattari cakkani bandhitva kato ^1- padasodhanamulakanam cakkanam atthitaya padasodhanamulacakkavaro nama, sopi anulomapatilomavasena duvidho hoti. Tattha anulomavare "rupam rupakkhandho, khandha vedanakkhandho"tiadini ekekakkhandhamulakani cattari cattari katva visati yamakani, patilomavarepi "na rupam na rupakkhandho, na khandha na vedanakkhandho"tiadini visatimeva. Tato param rupam khandho, khandha rupantiadina nayena suddhakhandhavaseneva gato suddhakhandhavaro nama. Tattha khandha rupantiadisu khandha rupakkhandho, khandha vedanakkhandhoti attho gahetabbo. Kasma? niddesavare evam vibhajitatta. ^2- Tattha hi "rupam khandhoti, amanta. Khandha rupakkhandhoti? rupakkhandho rupanceva rupakkhandho ca, ^3- avasesa khandha na rupakkhandho"ti evam "khandha rupan"tiadinam khandha rupakkhandhotiadina nayena padam uddharitva attho vibhatto. Teneva ca karanenesa suddhakhandhavaroti vutto. Vacanasodhane viya hi ettha na khandhati vacanam ^4- pamanam. Yatha yatha pana suddhakhandha labbhanti, tatha tatha atthova pamanam. Parato ayatanayamakadisupi eseva nayo. Esopi ca suddhakhandhavaro anulomapatilomavasena duvidho hoti. Tattha anulomavare "rupam khandho, khandha rupan"tiadini panca yamakani, patilomavarepi "na rupam na khandho, na khandha na rupan"tiadini panceva. Tato param tesanneva suddhakhandhanam rupam khandho, khandha vedanatiadina nayena ekekakkhandhamulakani cattari cattari cakkani bandhitva gato @Footnote: ¹ cha.Ma. gato ² cha.Ma. bhajitatta @³ cha.Ma. rupakkhandho khandho ceva rupakkhandho ca ⁴ cha.Ma. na vacanam Suddhakhandhamulakanam cakkanam atthitaya suddhakhandhamulacakkavaro nama. Tattha khandha vedanatiadinam ^1- khandha vedanakkhandhotiadina nayena attho veditabbo. Itaratha niddesavarena saddhim virodho hoti. Sopi anulomapatilomavasena duvidho hoti. Tattha anulomavare "rupam khandho, khandha vedana"tiadini ekekakkhandhamulakani cattari cattari katva visati yamakani, patilomavarepi "na rupam na khandho, na khandha na vedana"tiadini visatimeva. Evam tava ekena yamakasatena dvihi pucchasatehi ekekanayapucchaya ^2- sannitthanasamsayavasena dve dve atthe katva catuhi ca atthasatehi patimandito pannattivarassa uddesavaro veditabboti. Pannattiuddesavaravannana nitthita. ------------

The Pali Atthakatha in Roman Book 55 page 333-335. http://84000.org/tipitaka/atthapali/read_rm.php?B=55&A=7489&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=7489&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=167 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=657 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=650 The Pali Tipitaka in Roman Character :- http://84000.org/tipitaka/read/roman_read.php?B=36&A=650 Contents of The Tipitaka Volume 36 http://84000.org/tipitaka/read/?index_36