AtthaPali Vol.55

9. Dhammayamaka 1. Pannattiuddesavaravannana [1-16] Idani tesanneva mulayamake desitanam kusaladidhammanam matikam thapetva cittayamakanantaram desitassa dhammayamakassa vannana hoti. Tattha khandhayamake vuttanayeneva palivavatthanam veditabbam. Yatheva ^1- hi tattha pannatti- varadayo tayo mahavara avasesa antaravara ca honti, tatha idhapi. "yo kusaladhammam bhaveti so akusaladhammam pajahati"ti agatatta panettha parinnavaro bhavanavaro namati veditabbo. Tattha yasma abyakato dhammo neva bhavetabbo, na pahatabbo, tasma tam padameva na uddhatam. Pannattivare panettha tinnam kusaladinam dhammanam vasena padasodhanavaro padasodhanamulacakkavaro suddhadhammavaro suddhadhammamulacakkavaroti imesu catusu varesu yamakaganana veditabba. 1. Pannattiniddesavaravannana [17-32] Pannattivaraniddese pana kusala kusaladhammati kusalanam ekantena kusaladhammatta "amanta"ti vuttam. Sesavissajjanesupi eseva nayo. @Footnote: ¹ cha.Ma. yatha Avasesa dhamma na akusala dhammati avasesa dhamma akusala na honti, dhamma pana hontiti attho. Imina nayena sabbavissajjanani veditabbani. Pannattivaravannana nitthita. ------------ 2. Pavattivaravannana [33-34] Pavattivare panettha paccuppannakale puggalavarassa anulomanaye "yassa kusala dhamma uppajjanti tassa akusala dhamma uppajjanti, yassa va pana akusala dhamma uppajjanti tassa kusala dhamma uppajjanti"ti kusaladhammamulakani dev yamakani, akusaladhammamulakam ekanti tini yamakani honti. Tassa patilomanayepi okasavaradisupi eseva nayo. Evamettha sabbavaresu tinnam tinnam yamakanam vasena yamakaganana veditabba. Atthavinicchaye panettha idam lakkhanam:- imassa hi dhammayamakassa pavattimahavare "uppajjanti nirujjhanti"ti imesu uppada- nirodhesu kusalakusaladhamma tava ekantena pavattiyamyeva labbhanti, na cutipatisandhisu. Abyakatadhamma pana pavatte ca cutipatisandhisu cati tisupi kalesu labbhanti. Evamettha yam yattha yattha labbhati, tassa vasena tattha tattha vinicchayo veditabbo. Tatridam nayamukham:- kusalakusalanam tava ekakkhane anuppajjanato "no"ti patisedho kato. Abyakato cati cittasamutthanarupavasena vuttam. [35-36] Yattha kusala dhamma nuppajjantiti asannibhavam ^1- sandhaya vuttam. Tenevettha "amanta"ti vissajjanam katam. Uppajjantiti idampi asannibhavamyeva sandhaya vuttam. Abyakatanam pana anuppattitthanassa abhava "natthi"ti patikkhepo kato. @Footnote: ¹ cha.Ma. asannabhavam. evamuparipi [49] Dutiye akusaleti bhavam assadetva uppannesu nikantijavanesu dutiye javanacitte. Dutiye citte vattamaneti patisandhito dutiye bhavangacitte vattamane, saha va patisandhiya bhavangam vipakacittavasena ^1- ekameva katva bhavanikantiya avajjanacitte. Tanhi kiriyacittatta abyakatajatiyam vipakato dutiyam nama hoti. [57] Yassa cittassa anantara aggamagganti gotrabhucittam sandhaya vuttam. Kusala dhamma uppajjissantiti te aggamaggadhammeyeva sandhaya vuttam. [79] Yassa cittassa anantara aggamaggam patilabhissanti tassa cittassa uppadakkhaneti idam cittajativasena vuttam. Tajjatikassa hi ekavajjanena uppannassa tato orimacittassa uppadakkhanepi etam lakkhanam labbhateva. [99] Nirodhavarepi kusalakusalanam ekato anirujjhanato "no"ti vuttam. Imina nayamukhena sabbattha vinicchayo veditabboti. Dhammayamakavannana samatta. -----------

The Pali Atthakatha in Roman Book 55 page 384-386. http://84000.org/tipitaka/atthapali/read_rm.php?B=55&A=8662&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=8662&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=189 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=771 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=814 The Pali Tipitaka in Roman Character :- http://84000.org/tipitaka/read/roman_read.php?B=36&A=814 Contents of The Tipitaka Volume 36 http://84000.org/tipitaka/read/?index_36