AtthaPali Vol.55

4. Anantarapaccayaniddesavannana [4] Anantarapaccayaniddese manodhatuyati vipakamanodhatuya. Manovinnana- dhatuyati santiranakiccaya ahetukavipakamanovinnanadhatuya. Tato param pana votthabbanajavanatadarammanabhavangakicca manovinnanadhatuyo vattabba siyum, ta avuttapi imina nayena veditabbati nayam dassetva desana sankhitta. "purima purima kusala dhamma"tiadike ca chatthe naye ta sangahitatipi idha na vuttati veditabba. Tattha purima purimati chasu dvaresupi anantaratita kusalajavanadhamma datthabba. Pacchimanam pacchimananti anantaram uppajjamanananneva. Kusalananti sadisakusalanam. Abyakatananti idam pana kusalanantaram tadarammanabhavangaphala- samapattivasena vuttam. Akusalamulake abyakatananti tadarammanabhavangasankhatananneva. Abyakatamulake abyakatananti avajjanajavanavasena va bhavangavasena va pavattanam kiriyavipakabyakatanam. Kiriyamanodhatuto patthaya pana yava votthabbanakicca manovinnanadhatu, tava pavattesu vithicittesupi ayam nayo labbhateva. Kusalananti pancadvare votthabbananantaranam manodvare avajjananantaranam pathamajavanakusalanam. Akusalananti padepi eseva nayo. Yesam yesanti idam sabbesampi anantarapaccayadhammanam sankhepalakkhananti ayam tavettha palivannana. Ayam pana anantarapaccayo nama thapetva nibbanam catubhumiko arupadhammarasiyevati veditabbo. So jativasena kusalakusalavipakakiriyabhedato ^1- catudha bhijjati. @Footnote: ¹ cha.Ma......vipakakiriyato

--------------------------------------------------------------------------------------------- page417.

Tattha kusalo kamavacaradibhedato catubbidho hoti, akusalo kamavacarova, vipako catubhumiko, kiriyanantarapaccayo pana tebhumikoti evamettha nanappakarabhedato vinnatabbo vinicchayo. Evam bhinne panettha kamavacarakusalo attana sadisasseva kamavacarakusalassa anantarapaccayo hoti. Nanasampayuttakamavacarakusalo pana rupavacarakusalassa arupavacarakusalassa lokuttarakusalassa cati ^1- imesam tinnam rasinam anantarapaccayo hoti. Kamavacarakusalo ca kamavacaravipakassa, rupavacaravipakassa, arupavacaravipakassa, nanasampayutto lokuttaravipakassapiti imesam catunnam rasinam anantarapaccayo hoti. Rupavacarakusalo rupavacarakusalassa nanasampayuttakamavacaravipakassa rupavacaravipakassa cati ^1- imesam tinnam rasinam anantarapaccayo hoti. Arupavacarakusalo tesam dvinnam vipakanam attano kusalassa vipakassa cati avisesena catunnam rasinam anantarapaccayo hoti. Visesena panettha nevasannanasannayatanakusalo anagamiphalasankhatassa lokuttaravipakassapi anantarapaccayo hoti. Lokuttarakusalo lokuttaravipakasseva anantarapaccayo hoti. Akusalo avisesena akusalassa ceva kusalakusalavipakassa ca. Visesena panettha sukhamajjhattavedanasampayutto akusalo rupavacararupavacara- vipakassapiti imesam catunnam rasinam anantarapaccayo hoti. Kamavacaravipakassa nanasampayutto va nanavippayutto va vipako kamavacarakiriyavajjanassa, nanasampayuttavipako panettha patisandhivasena uppajjamanassa rupavacararupavacaravipakassapiti imesam catunnam rasinam anantarapaccayo hoti. Rupavacaravipako sahetukakamavacaravipakassa rupavacaravipakassa arupavacaravipakassa kamavacarakiriyavajjanassa cati ^1- imesam catunnam rasinam anantarapaccayo hoti. Arupavacaravipako tihetukakamavacaravipakassa arupavacaravipakassa @Footnote: ¹ cha.Ma. ca-saddo na dissati

--------------------------------------------------------------------------------------------- page418.

Kamavacarakiriyavajjanassa cati imesam tinnam rasinam anantarapaccayo hoti. Lokuttaravipako tihetukakamavacaravipakassa rupavacararupavacaralokuttaravipakassa cati imesam catunnam rasinam anantarapaccayo hoti. Kamavacarakiriya ^1- kamavacarakusalassa akusalassa catubhumikavipakassa tebhumikakiriyassa cati navannam rasinam anantarapaccayo hoti. Rupavacarakiriya ^2- tihetukakamavacara- vipakassa rupavacaravipakassa rupavacarakiriyassa cati tinnam rasinam anantarapaccayo hoti. Arupavacarakiriya ^3- tihetukakamavacaravipakassa rupavacararupavacaralokuttara- vipakassa arupavacarakiriyassa cati pancannam rasinam anantarapaccayo hoti. Evamettha paccayuppannatopi vinnatabbo vinicchayoti. Anantarapaccayaniddesavannana nitthita. -------------

The Pali Atthakatha in Roman Book 55 page 416-418. http://84000.org/tipitaka/atthapali/read_rm.php?B=55&A=9385&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9385&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=187 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=748 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=774 The Pali Tipitaka in Roman Character :- http://84000.org/tipitaka/read/roman_read.php?B=36&A=774 Contents of The Tipitaka Volume 36 http://84000.org/tipitaka/read/?index_36