AtthaPali Vol.55

6. Sahajatapaccayaniddesavannana. [6] Sahajatapaccayaniddese annamannanti annamannassa. ^4- Imina etesam ^5- dhammanam ekakkhane paccayabhavanceva paccayuppannabhavanca dipeti. Okkantikkhaneti pancavokare ^6- patisandhikkhane. Tasminhi khane namarupam okkantam viya pakkhandantam @Footnote: ¹ cha.Ma. kamavacarakiriyam ² cha.Ma. rupavacarakiriyam ³ cha.Ma. arupavacarakiriyam @⁴ cha.Ma. anno annassa ⁵ Si.,Ma. iminava tesam ⁶ cha.Ma. pancavokarabhave Viya paralokato imam lokam agantva pavisantam viya uppajjati, tasma so khano "okkantikkhano"ti vuccati. Ettha ca rupanti hadayavatthumattameva adhippetam. Tanhi namassa namanca tassa annamannam sahajatapaccayattham pharati. Cittacetasikati pavattiyam cattaro khandha. Sahajatapaccayenati ettha cittasamutthanarupa cittacetasikanam paccayattham na pharanti, tasma "annamannan"ti na vuttam. Tatha upadarupa bhutanam. Rupino dhamma arupinam dhammananti hadayavatthu catunnam khandhanam. Kinci kaleti kisminci kale. Sahajatapaccayenati patisandhim sandhaya vuttam. Na sahajatapaccayenati pavattim sandhaya vuttam. Ayam pana cattaro khandha arupino annamannam sahajatapaccayena paccayoti evam chahi kotthasehi thito. Tattha tayo kotthasa annamannavasena vutta, tayo na annamannavasena. Tattha pathamakotthase arupameva paccayo ceva paccayuppannanca, dutiye rupameva, tatiye namarupam, catutthe paccayo arupam, paccayuppannam rupam, pancame paccayopi paccayuppannampi rupameva, chatthe paccayo rupam, paccayuppannam arupanti ayam tavettha palivannana. Ayam pana sahajatapaccayo jativasena kusalo akusalo vipako kiriya ^1- rupanti pancadha bhijjati. Tattha kusalo bhumito catubbidho hoti, akusalo ekavidhova, vipako catubbidho, kiriyasankhato tividho, rupam ekavidham kamavacaramevati evam tavettha nanappakarabhedato vinnatabbo vinicchayo. Evam bhinne panettha catubhumikampi kusalam pancavokarabhave attana sampayuttadhammananceva cittasamutthanarupassa ca sahajatapaccayo hoti, tatha akusalam. Yam panettha arupe uppajjati, tam arupadhammanamyeva sahajatapaccayo hoti. Kamavacararupavacaravipakam cittasamutthanarupassa ceva sampayuttadhammananca sahajatapaccayo hoti. Yam panettha rupam na samutthapeti, tam sampayuttadhammananneva. @Footnote: ¹ cha.Ma. kiriyam Yam patisandhiyam uppajjati, tam katattarupanancapi sahajatapaccayo hoti. Arupavacaravipakam sampayuttadhammananneva. Lokuttaravipakam pancavokare sampayutta- dhammananceva cittasamutthanarupananca, catuvokare arupananneva. Kamavacara- rupavacarakiriya pancavokare sampayuttadhammananceva cittasamutthanarupananca sahajata- paccayo hoti, catuvokare arupananneva. Rupavacarakiriya sampayuttadhammananceva cittasamutthanarupananca ekantena sahajatapaccayo hoti. Catusamutthanikassa rupassa kammasamutthanarupe ekam mahabhutam tinnam, tini ekassa, dve dvinnam mahabhutanam, mahabhuta upadarupassa sahajatapaccayena paccayo hoti. ^1- Kamavacararupavacarapatisandhikkhane vatthurupam vipakakkhandhanam sahajatapaccayena paccayo. Utucittaharasamutthanesu pana mahabhutani annamannanceva upadarupassa ca sahajatapaccayena paccayoti evamettha paccayuppannatopi vinnatabbo vinicchayoti. Sahajatapaccayaniddesavannana nitthita. --------------

The Pali Atthakatha in Roman Book 55 page 418-420. http://84000.org/tipitaka/atthapali/read_rm.php?B=55&A=9444&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9444&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=224 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=960 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=1048 The Pali Tipitaka in Roman Character :- http://84000.org/tipitaka/read/roman_read.php?B=36&A=1048 Contents of The Tipitaka Volume 36 http://84000.org/tipitaka/read/?index_36