AtthaPali Vol.55

10. Purejatapaccayaniddesavannana [10] Purejatapaccayaniddese purejatapaccayena paccayoti ettha purejatam nama yassa paccayo hoti, tato purimataram jatam jatikkhanam atikkamitva thitikkhanappattam. Cakkhayatanantiadi vatthupurejatavasena vuttam. Rupayatanantiadi arammanapurejatavasena. Kanci kalam ^1- purejatapaccayenati pavattim sandhaya vuttam. Kanci kalam na purejatapaccayenati patisandhim sandhaya vuttam. Evam sabbathapi pancadvare vattharammanavasena, manodvare vatthuvasenevayam pali agata, panhavare pana "arammanapurejatam:- sekkha va puthujjana va cakkhum aniccato dukkhato anattato vipassanti"ti agatatta manodvarepi arammanapurejatam labbhateva. Idha pana savasesavasena desana katati ayam tavettha palivannana. Ayam pana purejatapaccayo suddharupameva hoti, tanca kho uppadakkhanam atikkamitva thitippattam attharasavidham ruparupameva. Tam sabbampi vatthupurejatam arammanapurejatanti dvidha thitam. Tattha cakkhvayatanam .pe. Kayayatanam vatthurupanti idam vatthupurejatam nama. Sesam imaya paliya agatanca anagatanca vanno saddo gandho raso catasso dhatuyo tini indriyani kabalinkaro aharoti @Footnote: ¹ cha.Ma. kincikale

--------------------------------------------------------------------------------------------- page426.

Dvadasavidham rupam arammanapurejatam ^1- namati evamettha nanappakarabhedato vinnatabbo vinicchayo. Evam bhinne panettha cakkhvayatanam dvinnam cakkhuvinnananam purejatapaccayena paccayo, tatha itarani cattari sotavinnanadinam. Vatthurupam pana thapetva dvipancavinnanani cattaro ca arupavipake sesanam sabbesampi catubhumikanam kusalakusalabyakatanam cittacetasikanam purejatapaccayo hoti. Rupadini pana panca arammanani dvipancavinnanananceva manodhatunanca ekanteneva purejatapaccayo hoti. ^2- Attharasavidhampi panetam ruparupam kamavacarakusalassa rupavacarato abhinnakusalassa akusalassa tadarammanabhavino kamavacaravipakassa kamavacarakiriyassa rupavacarato abhinnakiriyassati imesam channam rasinam purejatapaccayo hotiti evamettha paccayuppannatopi vinnatabbo vinicchayoti. Purejatapaccayaniddesavannana nitthita. -----------

The Pali Atthakatha in Roman Book 55 page 425-426. http://84000.org/tipitaka/atthapali/read_rm.php?B=55&A=9596&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9596&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=349 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=1482 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=1603 The Pali Tipitaka in Roman Character :- http://84000.org/tipitaka/read/roman_read.php?B=36&A=1603 Contents of The Tipitaka Volume 36 http://84000.org/tipitaka/read/?index_36