AtthaPali Vol.55

11. Pacchajatapaccayaniddesavannana [11] Pacchajatapaccayaniddese pacchajatati yassa kayassa paccaya honti, tasmim uppajjitva thite jata. Purejatassati tesam uppadato pathamataram jatassa jatikkhanam atikkamitva thitippattassa. Imassa kayassati imassa catusamutthanikatisamutthanikabhutupadarupasankhatassa kayassa. Ettha ca tisamutthanikakayoti aharasamutthanassa abhavato brahmaparisajjadinam kayo veditabbo. Ayamettha palivannana. Ayam pana pacchajatapaccayo nama sankhepato thapetva arupavipake avasesa catubhumika arupakkhandha. So jativasena kusalakusalavipakakiriyabhedena catudha bhijjatiti evamettha nanappakarabhedato vinnatabbo vinicchayo. @Footnote: ¹ cha.Ma. arammanapurejatapaccayo ² cha.Ma. purejatapaccaya honti Evam bhinne panettha pancavokarabhave uppannam catubhumikakusalanca akusalanca uppadakkhanam atikkamitva thitippattassa catusamutthanikatisamutthanikarupakayassa pacchajatapaccayo hoti. Vipakepi thapetva patisandhivipakam avaseso kamavacara- rupavacaravipako tasseva ekantena pacchajatapaccayo hoti. Lokuttaropi pancavokare uppannavipako tasseva pacchajatapaccayo hoti. Tebhumikakiriyapi pancavokare uppannava vuttappakarassa kayassa pacchajatapaccayo hoti. Evamettha paccayuppannatopi vinnatabbo vinicchayoti. Pacchajatapaccayaniddesavannana nitthita. -----------

The Pali Atthakatha in Roman Book 55 page 426-427. http://84000.org/tipitaka/atthapali/read_rm.php?B=55&A=9625&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9625&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=405 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=1712 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=1874 The Pali Tipitaka in Roman Character :- http://84000.org/tipitaka/read/roman_read.php?B=36&A=1874 Contents of The Tipitaka Volume 36 http://84000.org/tipitaka/read/?index_36