ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 55 : PALI ROMAN Panca.A. (paramatthadi.)

                     15. Aharapaccayaniddesavannana
     [15] Aharapaccayaniddese kabalinkaro aharoti catusantatisamutthane
rupe oja aharo nama. So pana yasma kabalam katva ajjhoharitova
@Footnote: 1 cha.Ma. savasesavasena desana   2 cha.Ma. sampayuttadhammanam
@3 cha.Ma. sampayuttakkhandhananneva
Aharakiccam karoti, na bahitthito, tasma aharoti avatva "kabalinkaro
aharo"ti vuttam. Kabalam karitva ajjhoharitabbavatthukatta va kabalinkaroti
namamattamevetam 1- tassa. Arupino aharati phassacetanavinnanahaRa.
Tamsamutthanananti idhapi kammasamutthanani gahitaneva. Vuttanhetam panhavare:-
patisandhikkhane vipakabyakata ahara sampayuttakanam khandhanam katatta ca
rupanam aharapaccayena paccayoti. Ayam tavettha palivannana.
     Ayam pana aharapaccayo sankhepato kabalinkaro aharo phasso cetana
vinnananti cattarova dhamma honti. Tattha thapetva kabalinkaraharam sesa
tayo arupahara jativasena kusalakusalavipakakiriyabhedato catudha bhijjanti. Puna
bhumibhedena kusalo catudha, akusalo ekadha, vipako catudha, kiriya tidhati evam
anekadha bhijjanti. Kabalinkaro aharo pana jatito abyakato, bhumito
kamavacarovati evamettha nanappakarabhedato vinnatabbo vinicchayo.
     Evam bhinne panettha catubhumikapi tayo kusalahara pancavokare attana
sampayuttadhammananceva cittasamutthanarupassa ca aharapaccayena paccayo, thapetva
pana rupavacaram avasesa arupe sampayuttadhammananneva aharapaccayena paccayo.
Akusalaharesupi eseva nayo. Catubhumikavipakahara pana sabbattha sampayuttakanam
aharapaccaya honti. Kamavacararupavacaravipaka panettha pancavokare uppajjamana
pavatte cittasamutthanarupassa patisandhiyam katattarupassapi aharapaccaya honti.
Lokuttara pana cittasamutthanarupasseva, arupe uppanna rupassa paccaya na
honti. Tebhumikapi tayo kiriyahara pancavokare sampayuttadhammananceva
cittasamutthanarupassa ca, kamavacararupavacara pana arupe sampayuttadhammananneva
aharapaccayena paccayo. Catusantatisamutthano kabalinkaraharo kincapi "imassa
@Footnote: 1 cha.Ma. namametam
Kayassa"ti avisesato vutto, visesato panayamettha aharasamutthanarupassa
janako ceva anupalako ca hutva aharapaccayena paccayo hoti, sesatisantati-
samutthanassa anupalakova hutva aharapaccayena paccayo hotiti evamettha
paccayuppannatopi vinnatabbo vinicchayoti.
                   Aharapaccayaniddesavannana nitthita.
                          -------------



             The Pali Atthakatha in Roman Book 55 page 431-433. http://84000.org/tipitaka/atthapali/read_rm.php?B=55&A=9752&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9752&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=36&i=516              เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2268              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2551              The Pali Tipitaka in Roman Character :- http://84000.org/tipitaka/read/roman_read.php?B=36&A=2551              Contents of The Tipitaka Volume 36 http://84000.org/tipitaka/read/?index_36

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com