AtthaPali Vol.55

15. Aharapaccayaniddesavannana [15] Aharapaccayaniddese kabalinkaro aharoti catusantatisamutthane rupe oja aharo nama. So pana yasma kabalam katva ajjhoharitova @Footnote: ¹ cha.Ma. savasesavasena desana ² cha.Ma. sampayuttadhammanam @³ cha.Ma. sampayuttakkhandhananneva

--------------------------------------------------------------------------------------------- page432.

Aharakiccam karoti, na bahitthito, tasma aharoti avatva "kabalinkaro aharo"ti vuttam. Kabalam karitva ajjhoharitabbavatthukatta va kabalinkaroti namamattamevetam ^1- tassa. Arupino aharati phassacetanavinnanahaRa. Tamsamutthanananti idhapi kammasamutthanani gahitaneva. Vuttanhetam panhavare:- patisandhikkhane vipakabyakata ahara sampayuttakanam khandhanam katatta ca rupanam aharapaccayena paccayoti. Ayam tavettha palivannana. Ayam pana aharapaccayo sankhepato kabalinkaro aharo phasso cetana vinnananti cattarova dhamma honti. Tattha thapetva kabalinkaraharam sesa tayo arupahara jativasena kusalakusalavipakakiriyabhedato catudha bhijjanti. Puna bhumibhedena kusalo catudha, akusalo ekadha, vipako catudha, kiriya tidhati evam anekadha bhijjanti. Kabalinkaro aharo pana jatito abyakato, bhumito kamavacarovati evamettha nanappakarabhedato vinnatabbo vinicchayo. Evam bhinne panettha catubhumikapi tayo kusalahara pancavokare attana sampayuttadhammananceva cittasamutthanarupassa ca aharapaccayena paccayo, thapetva pana rupavacaram avasesa arupe sampayuttadhammananneva aharapaccayena paccayo. Akusalaharesupi eseva nayo. Catubhumikavipakahara pana sabbattha sampayuttakanam aharapaccaya honti. Kamavacararupavacaravipaka panettha pancavokare uppajjamana pavatte cittasamutthanarupassa patisandhiyam katattarupassapi aharapaccaya honti. Lokuttara pana cittasamutthanarupasseva, arupe uppanna rupassa paccaya na honti. Tebhumikapi tayo kiriyahara pancavokare sampayuttadhammananceva cittasamutthanarupassa ca, kamavacararupavacara pana arupe sampayuttadhammananneva aharapaccayena paccayo. Catusantatisamutthano kabalinkaraharo kincapi "imassa @Footnote: ¹ cha.Ma. namametam

--------------------------------------------------------------------------------------------- page433.

Kayassa"ti avisesato vutto, visesato panayamettha aharasamutthanarupassa janako ceva anupalako ca hutva aharapaccayena paccayo hoti, sesatisantati- samutthanassa anupalakova hutva aharapaccayena paccayo hotiti evamettha paccayuppannatopi vinnatabbo vinicchayoti. Aharapaccayaniddesavannana nitthita. -------------

The Pali Atthakatha in Roman Book 55 page 431-433. http://84000.org/tipitaka/atthapali/read_rm.php?B=55&A=9752&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9752&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=516 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2268 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2551 The Pali Tipitaka in Roman Character :- http://84000.org/tipitaka/read/roman_read.php?B=36&A=2551 Contents of The Tipitaka Volume 36 http://84000.org/tipitaka/read/?index_36