AtthaPali Vol.55

20. Vippayuttapaccayaniddesavannana [20] Vippayuttapaccayaniddese rupino dhamma arupinanti idam tava hadayavatthuno ceva cakkhundriyadinanca vasena veditabbam. Rupadhammesu hi eteyeva cha kotthasa arupakkhandhanam vippayuttapaccaya ^1- honti. Rupayatanadayo pana arammanadhammapi kincapi vippayuttadhamma, vippayuttapaccaya pana na honti. Kimkarana? sampayogasankaya abhavato. Arupino hi khandha cakkhvadinam vatthunam Abbhantarato nikkhamanta viya uppajjantiti. Tattha asanka hoti "kinnu kho ete etehi sampayutta, udahu vippayutta"ti. Arammanadhamma pana vatthunissayena uppajjamananam arammanamattava ^2- hontiti natthi tesu sampayogasanka. Iti sampayogasankaya abhavato na te vippayuttapaccaya. Hadayavatthuadisu panayam vippayuttapaccayata veditabba. Vuttampi cetam panhavare:- vatthu kusalanam khandhanam @Footnote: ¹ cha.Ma. vippayuttapaccayena paccaya ² cha.Ma. va-saddo na dissati Vippayuttapaccayena paccayo. Vatthu akusalanam khandhanam vippayuttapaccayena paccayo. Cakkhvayatanam cakkhuvinnanassa vippayuttapaccayena paccayo. Sotaghanajivhakayayatanam sotaghanajivhakayavinnanassa vippayuttapaccayena paccayo. Vatthu vipakabyakatanam kiriyabyakatanam khandhanam vippayuttapaccayena paccayoti. Arupino dhamma rupinanti idam pana catunnam khandhanam vasena veditabbam. Arupadhammesu hi cattaro khandhava sahajatapurejatanam rupadhammanam vippayuttapaccaya honti, nibbanam pana arupampi samanam rupassa vippayuttapaccayena paccayo na hoti. "catuhi sampayogo catuhi vippayogo"ti hi vuttam. Iti catunnam arupakkhandhanamyeva vippayuttapaccayata veditabba. Vuttampi cetam panhavare:- sahajata kusala khandha cittasamutthananam rupanam vippayuttapaccayena paccayo. Pacchajata kusala khandha purejatassa imassa kayassa vippayuttapaccayena paccayo. Patisandhikkhane vipakabyakata khandha katattarupanam vippayuttapaccayena paccayo, khandha vatthussa ^1- vippayuttapaccayena paccayoti. Evam tavettha palivannana veditabba. Ayanca ^2- vippayuttapaccayo nama sankhepato pancavokarabhave vattamana ruparupadhamma. Tesupi rupam vatthuno cakkhvadinanca vasena chadha bhinnam, arupam pancavokarabhave uppannakusalakusalavipakakiriyavasena catudha bhinnam. Tassa bhumito kamavacaradivasena catudha ekadha tidha tidhati ekadasadha bhedo hoti. Arupavipakanhi vippayuttapaccayo na hotiti evamettha nanappakarabhedato vinnatabbo vinicchayo. Evam bhinne panettha pancavokarabhave uppannam catubhumikampi kusalanca akusalanca attana samutthapitacittasamutthanarupassa sahajatavippayuttapaccayena paccayo hoti. Uppadakkhanam pana atikkamitva thitikkhanam pattassa purejatassa catusamutthanikatisamutthanikarupakayassa pacchajatavippayuttapaccayena paccayo hoti. @Footnote: ¹ cha.Ma. vatthussati ² cha.Ma. ayam pana Ettha ca tisamutthanikakayoti aharasamutthanassa abhavato brahmaparisajjadinam kayo veditabbo. Kamavacararupavacaravipakam pana pavatte cittasamutthanarupassa patisandhiyam katattarupassa ca sahajatavippayuttapaccayena paccayo hoti. Lokuttaravipakam cittasamutthanarupasseva. Tividhampi panetam purejatassa catusamutthanikatisamutthanika- kayassa pacchajatavippayuttapaccayena paccayo. Tebhumikampi kiriyam cittasamutthanassa sahajatavippayuttapaccayena paccayo, purejatassa catusamutthanikatisamutthanikakayassa pacchajatavippayuttapaccayena paccayo. Chadha thitesu pana rupesu vatthurupam patisandhikkhane kamavacararupavacaravipakanam sahajatavippayuttapaccayena paccayo, pavatte uppajjamananam catubhumikakusalanam akusalanam dvipancavinnanavajjanam tebhumikavipakanam tebhumikakiriyananca purejatavippayuttapaccayena paccayo. Cakkhvayatanadini cakkhu vinnanadinam purejatavippayuttapaccayena paccayoti evamettha paccayuppannatopi vinnatabbo vinicchayoti. Vippayuttapaccayaniddesavannana nitthita. --------------

The Pali Atthakatha in Roman Book 55 page 437-439. http://84000.org/tipitaka/atthapali/read_rm.php?B=55&A=9877&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9877&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=526 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2637 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2708 The Pali Tipitaka in Roman Character :- http://84000.org/tipitaka/read/roman_read.php?B=36&A=2708 Contents of The Tipitaka Volume 36 http://84000.org/tipitaka/read/?index_36