ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 7 : PALI ROMAN Ma.A. (papa–ca.1)

                        5. Anumanasuttavannana
     [181] Evamme sutanti anumanasuttam.
     Tattha bhaggesuti evamnamake janapade, vacanattho panettha vuttanusareneva
veditabbo. Sumsumaragireti 1- evamnamake nagare. Tassa kira nagarassa
vatthupariggahanadivase 2- avidure udakarahade sumsumaro saddamakasi, giram niccharesi. Atha
nagare nitthite 3- sumsumaragiramtvevassa namam akamsu. Bhesakalavaneti bhesakalanamake
vane. "bhesakalavane"tipi patho. Migadayeti tam vanam migapakkhinam abhayam dinnatthane
jatam, tasma migadayoti vuccati.
     Pavaretiti icchapeti. Vadantuti ovadanusasanivasena vadantu, ovadantu, 4-
anusasantuti attho. Vacaniyomhiti aham tumhehi vattabbo, anusasitabbo
ovaditabboti attho. So ca hoti dubbacoti so ca dukkhena vattabbo hoti,
vutto na sahati. Dovacassakaranehiti dubbacabhavakarakehi upari agatehi solasahi
dhammehi. Apadakkhinaggahi anusasaninti yo hi vuccamano tumhe mam kasma vadatha,
aham attano kappiyakappiyam savajjanavajjam atthanattham janamiti vadati, ayam
anusasanim padakkhinato na ganhati, vamato ganhati, tasma apadakkhinaggahiti
vuccati.
     Papikanam icchananti lamakanam asantasambhavanapatthananam. Patippharatiti
pativiruddho, paccaniko hutva titthati, apasadetiti kim nukho tuyham balassa
abyattassa bhanitena, tvampi nama bhanitabbam mannissasiti evam ghateti. 5-
Paccaropetiti tvampi khosi itthannamam apattim apanno, tam tava patikarohiti
evam patiaropeti.
     Annenannam paticaratiti annena karanena vacanena va annam karanam
vacanam va paticchadeti, "apattim apannosi"ti vutte "ko apanno, kim
@Footnote: 1 cha.Ma. susumaragireti evamuparipi   2 cha.Ma.....pariggahadivase   3 Si. nimmite
@4 cha.Ma. ayam patho na dissati      5 cha.Ma. ghatteti
Apanno, kismim apanno, kam bhanatha, kim bhanatha"ti va vadati, "evarupam kinci
taya ditthan"ti vutte "na sunami"ti sotam va upaneti. Bahiddha katham apanametiti
"itthannamam apattim apannosi"ti puttho "pataliputtam gatomhi"ti vatva
puna "na tava pataliputtagamanam pucchama, apattim pucchama"ti vutte "tato
rajageham gatomhi"ti, rajageham va yahi brahmanageham va, apattim apannositi.
Tattha me sukaramamsam laddhantiadini vadanto katham bahiddha vikkhipati.
     Apadaneti attano cariyayam. 1- Na sampayatiti avuso tvam kuhim vasasi,
kam nissaya vasasiti va, yam tvam vadesi "maya esa apattim apanno
dittho"ti. Tvam tasmim samaye kim karosi, aham kim karomi, 2- kattha va tvam acchasi,
kattha va ahanti 3- adina nayena cariyam puttho sampadetva kathetum na sakkoti.
     [183] Tatravusoti avuso tesu solasasu dhammesu. Attanava attanam
evam anumanitabbanti 4- evam attanava atta anumetabbo tuletabbo
tiretabbo.
     [184] Paccavekkhitabbanti paccavekkhitabbo. Ahorattanusikkhinati
divapi rattimpi sikkhantena, rattinca diva ca kusalesu dhammesu sikkhantena
pitipamojjameva uppadetabbanti attho.
     Acche va udakapatteti pasanne va udakabhajane. Mukhanimittanti
mukhapatibimbam. Rajanti agantukarajam. Angananti tattha jatakam tilakam va pilakam
va. Sabbepime papake akusale dhamme pahineti imina sabbam pahanam kathesi.
Katham? ettaka akusala dhamma pabbajitassa nanucchavikati patisankhanam uppadayato
Hi patisankhanappahanam kathitam hotiti. 5- Silam padatthanam katva kasinaparikammam
arabhitva atthasamapattiyo nibbattentassa vikkhambhanappahanam kathitam. Samapattim
padatthanam katva vipassanam vaddhentassa tadangappahanam kathitam. Vipassanam vaddhetva
@Footnote: 1 cha.Ma. cariyaya    2 cha.Ma. ayam kim karoti     3 cha.Ma. kattha va ayanti
@4 cha.Ma. anuminitabba...., Ma.mu. 12/183/148 samsandetabbam    5 cha.Ma. hoti
Maggam bhaventassa samucchedappahanam kathitam. Phale agate patipassaddhippahanam,
nibbane agate nissaranappahananti evam imasmim sutte sabbam pahanam kathitamva
hoti.
     Idam hi suttam bhikkhupatimokkham namati porana vadanti. Iti 1- divasassa
tikkhattum paccavekkhitabbam. Pato eva vasanatthanam pavisitva nisinnena "ime
ettaka kilesa atthi nu kho mayham natthi"ti paccavekkhitabbam. 2- Sace atthiti
passati, tesam pahanaya vayamitabbam. No ce passati, supabbajitosmiti attamanena
bhavitabbam. Bhattakiccam katva rattitthane va divatthane va nisiditvapi
paccavekkhitabbam. Sayam vasanatthane nisiditvapi paccavekkhitabbam. Tikkhattum
asakkontena dvikkhattum 3- paccavekkhitabbam. Dve vare asakkontena pana
avassam ekavaram paccavekkhitabbam, apaccavekkhitum na vattatiti. Vadanti sesam
sabbattha uttanatthamevati.
                    Papancasudaniya majjhimanikayatthakathaya
                      anumanasuttavannana nitthita.
                           -----------
@Footnote: 1 cha.Ma. idam       2 cha.Ma. paccavekkhitabba      3 cha.Ma. dve vare



             The Pali Atthakatha in Roman Book 7 page 389-391. http://84000.org/tipitaka/atthapali/read_rm.php?B=7&A=9940&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=7&A=9940&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=12&i=221              เนื้อความพระไตรปิฎกฉบับหลวง :- http://84000.org/tipitaka/read/r.php?B=12&A=3185              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=12&A=3849              The Pali Tipitaka in Roman Character :- http://84000.org/tipitaka/read/roman_read.php?B=12&A=3849              Contents of The Tipitaka Volume 12 http://84000.org/tipitaka/read/?index_12

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com