ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 8 : PALI ROMAN Ma.A. (papa–ca.2)

                      9. Mahasaropamasuttavannana
    [307] Evamme sutanti mahasaropamasuttam. Tattha acirapakkanteti samgham
bhinditva ruhiruppadakakammam katva nacirapakkante salingeneva patiekke jate.
    Idha bhikkhave ekacco kulaputtoti kincapi asukakulaputtoti na niyamito,
devadattamyeva pana sandhaya idam vuttanti veditabbam. So hi asambhinnaya
mahasammatapaveniya okkakavamse jatatta jatikulaputto. Otinnoti yassa
jati anto pavittha, 1- so jatiya otinno nama. Jaradisupi eseva nayo.
Labhasakkaradisupi labhoti cattaro paccaya. Sakkaroti tesamyeva sukatabhavo.
Silokoti vannabhananam. Abhinibbattetiti uppadeti. Apannatati dvinnam jananam
thitatthane na pannayanti. Ghasacchadanamattampi na labhanti. Appesakkhati
appaparivara, purato va pacchato va gacchantam na labhanti.
@Footnote: 1 cha.Ma. anupavittha
    Sarena sarakaraniyanti rukkhasarena kattabbam akkhacakkayuganangaladikam yankinci.
Sakhapalasam aggahesi brahmacariyassati maggaphalasarassa 1- sasanabrahmacariyassa
cattaro paccaya sakhapalasam nama, tam aggahesi. Tena ca vosanam apaditi
teneva ca alamettavata saro me pattoti vosanam apanno.
    [310] Nanadassanam aradhetiti devadatto pancabhinno, dibbacakkhu
ca pancannam abhinnanam matthake thitam, tam imasmim sutte "nanadassanan"ti vuttam.
Ajanam apassam viharantiti kinci sukhumam rupam ajananta antamaso pamsupisacakampi
apassanta viharanti.
    [311] Asamayavimokkham aradhetiti "katamo asamayavimokkho, cattaro ca
ariyamagga cattari ca samannaphalani nibbananca, ayam asamayavimokkho"ti 2- evam
vutte navalokuttaradhamme aradheti sampadeti patilabhati. Lokiyasamapattiyo hi
appitappitakkhaneyeva paccanikadhammehi vimuccanti, tasma "katamo samayavimokkho,
catasso 3- rupavacarasamapattiyo 3- catasso ca arupavacarasamapattiyo, ayam
samayavimokkho"ti 2- evam samayavimokkhoti vutta. Lokuttaradhamma pana kalena kalam
vimuccanti, sakim vimuttani hi maggaphalani vimuttaneva honti. Nibbanam
sabbakilesehi accantam vimuttamevati ime nava dhamma asamayavimokkhoti vutta.
    Akuppa cetovimuttiti arahattaphalavimutti. Ayamattho etassati etadattham,
arahattaphalattham idam brahmacariyam, ayam etassa atthoti vuttam hoti. Etam saranti
etam arahattamaggaphalam 4- brahmacariyassa saram. Etam pariyosananti etam arahattaphalam
brahmacariyassa pariyosanam, esa koti, na ito param pattabbam atthiti yathanusandhinava
desanam nitthapesiti.
                    Papancasudaniya majjhimanikayatthakathaya
                    mahasaropamasuttavannana  nitthita.
                          -------------
@Footnote: 1 Ma. aggaphalasarassa     2 khu. pati. 31/478/361 vimokkhakatha (sya)
@3-3 pali.,cha.Ma. cattari jhanani     4 cha.Ma. arahattaphalam



             The Pali Atthakatha in Roman Book 8 page 138-139. http://84000.org/tipitaka/atthapali/read_rm.php?B=8&A=3545&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=8&A=3545&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=12&i=347              เนื้อความพระไตรปิฎกฉบับหลวง :- http://84000.org/tipitaka/read/r.php?B=12&A=6309              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=12&A=7337              The Pali Tipitaka in Roman Character :- http://84000.org/tipitaka/read/roman_read.php?B=12&A=7337              Contents of The Tipitaka Volume 12 http://84000.org/tipitaka/read/?index_12

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]