AtthaPali Vol.8

4. Culagopalakasuttavannana [350] Evamme sutanti culagopalakasuttam. Tattha ukkacelayanti ^4- evamnamake nagare. Tasmim kira mapiyamane rattim gangasotato maccho thalam patto, manussa celani telapatiyam ^5- temetva ukka katva maccham ganhimsu, nagare nitthite tassa namam karonte amhehi nagaratthanassa gahitadivase celukkahi maccho gahitoti ukkacelatvevassa namam akamsu. Bhikkhu amantesiti yasmim thane nisinnassa @Footnote: ¹ cha.Ma. pujeta ² cha.Ma. pujeti ^3-3 cha.Ma. ime patha na dissanti @⁴ ukkavelayanti pali. upari patho pana tikasameto ⁵ Si. telacatiyam

--------------------------------------------------------------------------------------------- page173.

Sabba ganga pakata hutva pannayati, tadise valikussade gangatitthe sayanhasamaye mahabhikkhusamghaparivuto nisiditva mahagangam paripunnam sandamanam olokento "atthi nu kho imam gangam nissaya koci pubbe vuddhiparihanim patto"ti avajjitva pubbe ekam balagopalakam nissaya anekasatasahassa gogana imissa gangaya avatte patitva samuddameva pavittha, aparam pana panditagopalakam nissaya anekasatasahassagoganassa sotthi jata vuddhi jata arogyam jatanti addasa, disva imam karanam nissaya bhikkhunam dhammam desessamiti cintetva bhikkhu amantesi. Magadhakoti magadharatthavaSi. Duppannajatikoti nippannasabhavo dandho mahajalo. ^1- Asamavekkhitvati asallakkhetva anupadharetva. Pataresiti taretum arabhi. Uttaram tiram suvidehananti gangaya orime tire magadharattham, parime tire videharattham, gavo magadharatthato videharattham netva rakkhissamiti uttaram tiram pataresi. Tam sandhaya vuttam "uttaram tiram suvidehanan"ti. Amandalikam karitvati mandalikam katva. Anayabyasanam apajjimsuti avuddhim vinasam papunimsu, mahasamuddameva pavisimsu. Tena hi gopalakena gavo otarentena gangaya orime tire samatitthanca asamatitthanca ^2- oloketabbam assa, majjhe gangaya gunnam visamatthanattham dve tini valikatthalani sallakkhetabbani assu. Tatha parimatire tini cattari titthani, imasma tittha bhattha imam tittham ganhissanti, imasma bhattha imanti. Ayam pana balagopalako orimatire gunnam otaranatittham samam va visamam va anoloketvava majjhe gangaya gunnam visamatthanattham dve tini valikatthalanipi asallakkhetvava paratire cattari panca uttaranatitthani asamavekkhitva atittheneva gavo otaresi. Athassa mahausabho javasampannataya ^3- ceva thamasampannataya ca tiriyam gangaya sotam chetva parimam tiram patva chinnatatanceva kantakagumbagahananca disva "dubbinivijjham ^4- etan"ti natva dhuraggapatitthanokasampi alabhitva @Footnote: ¹ ka. mahajano ² cha.Ma. visamatitthanca ³ cha.Ma. javanasampannataya @⁴ cha.Ma. dubbinivittham

--------------------------------------------------------------------------------------------- page174.

Patinivatti. Gavo mahausabho nivatto mayampi nivattissamati nivatta. Mahato ^1- goganassa nivattatthane udakam chijjitva majjhe gangaya avattam utthapesi. Gogano avattam pavisitva samuddameva patto. Ekopi gono arogo nama ^2- nahosi. Tenaha "tattheva anayabyasanam apajjimsa"ti. Akusala imassa lokassati idha loke khandhadhatayatanesu akusala accheka, paralokepi eseva nayo. Maradheyyam vuccati tebhumikadhamma. Amaradheyyam nava lokuttaradhamma. Maccudheyyampi tebhumikadhammava. Amaccudheyyam nava lokuttaradhamma. Tattha akusala accheka. Vacanatthato pana marassa dheyyam maradheyyam. Dheyyanti thanam vatthu nivaso gocaro. Maccudheyyepi eseva nayo. Tesanti tesam evarupanam samanabrahmananam, imina cha sattharo dassitati veditabba. [351] Evam kanhapakkham nitthapetva sukkapakkham dassento bhutapubbam bhikkhavetiadimaha. Tattha balavagavoti dantagone ceva dhenuyo ca. Dammagavoti dametabbagone ceva avijatagavo ca. Vacchatareti vacchabhavam taritva thite balavavacche. Vacchaketi dhenupage ^3- tarunavacchake. Kisabalaketi ^4- appamamsalohite mandathame. Tavadeva jatakoti tamdivase jatako. ^5- Matugoravakena vuyhamanoti mata purato purato humhunti goravam katva sannam dadamana urena udakam chindamana gacchati, vacchako taya goravasannaya dhenuya va urena chinnodakena gacchamano "matugoravakena vuyhamano"ti vuccati. [352] Marassa sotam chetvati arahattamaggena marassa tanhasotam chetva. Param gatati mahausabha nadiparam viya samsaraparam nibbanam gata. Param agamamsuti mahausabhanam param gatakkhane gangaya sotassa tayo kotthase atikkamma thita mahausabhe parappatte disva tesam gatamaggam patipajjitva param agamamsu. Param gamissantiti catumaggavajjhanam kilesanam tayo kotthase khepetva thita idani arahattamaggena avasesam tanhasotam chetva balavagavo viya nadiparam @Footnote: ¹ Ma. tato ² Si. ekampi golomam arogam nama, Ma. ekampi gonam arogyam @³ cha.Ma. dhenupake ⁴ cha.Ma. kisabalaketi ⁵ Si. tamdivasam jatako

--------------------------------------------------------------------------------------------- page175.

Samsaraparam nibbanam gamissantiti imina nayena sabbavaresu attho veditabbo. Dhammanusarino saddhanusarinoti ime dve pathamamaggasamangino. Janatati sabbadhamme janantena buddhena. Supakasitoti sukathito. Vivatanti vivaritam. Amatadvaranti ariyamaggo. Nibbanapattiyati tadatthaya vivatam. ^1- Vinalikatanti vigatamananalam katam. Khemam patthethati kattukamyatachandena arahattam patthetha, patthetukama ^2- nibbattetukama hothati attho. "pattattha"tipi patho, evarupam sattharam labhitva tumhe pattayeva namati attho. Sesam sabbattha uttanameva. Bhagava pana yathanusandhinava desanam nitthapesiti. Papancasudaniya majjhimanikayatthakathaya culagopalakasuttavannana nitthita. -----------

The Pali Atthakatha in Roman Book 8 page 172-175. http://84000.org/tipitaka/atthapali/read_rm.php?B=8&A=4410&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=8&A=4410&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=12&i=388 เนื้อความพระไตรปิฎกฉบับหลวง :- http://84000.org/tipitaka/read/r.php?B=12&A=7247 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=12&A=8445 The Pali Tipitaka in Roman Character :- http://84000.org/tipitaka/read/roman_read.php?B=12&A=8445 Contents of The Tipitaka Volume 12 http://84000.org/tipitaka/read/?index_12