ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 9 : PALI ROMAN Ma.A. (papa–ca.3)

                            2. Bhikkhuvagga
                    1. Cularahulovadasuttavannana 1-
      [107] Evamme sutanti cularahulovadasuttam. Tattha ambalatthikayam viharatiti
veluvanaviharassa paccante padhanagharasankhepe vivekakamanam vasanatthaya kate ambalatthikati
evamnamake pasade pavivekam bruhayanto viharati. Kantako nama jatakalato
patthaya tikhinova hoti, evameva ayampi ayasma sattavassikasamanerakaleyeva
pavivekam bruhayamano tattha vihasi. Patisallana vutthitoti phalasamapattito
vutthaya. Asananti pakatipannattamevettha asanam atthi, tam pappothetva thapesi.
Udakadaneti udakabhajane. "udakadhane"tipi 2- patho.
      Ayasmantam rahulam amantesiti ovadadanattham amantesi. Bhagavata hi
rahulattherassa sambahula dhammadesana kata. Samanerapanha therasseva
vutta. 3- Tatha rahulasamyuttam maharahulovadasuttam cularahulovadasuttam idam
cularahulovadasuttanti.
      Ayanhi ayasma sattavassikakale bhagavantam civarakanne gahetva "dayajjam
me samana dehi"ti dayajjam yacamano bhagavata dhammasenapatisariputtattherassa
niyyadetva pabbajito. Atha bhagava daharakumara nama yuttayuttam katham kathenti,
ovadamassa demiti rahulakumaram amantetva "rahulasamanerena nama tiracchanakatham
kathetum na vattati, tvam kathayamano evarupam katham katheyyasi"ti sabbabuddhehi
avijahitam dasapuccha 4- pancapannasavissajjanam "eko panho, eko uddeso,
ekam veyyakaranam, dve panha .pe. Dasa panha, dasa uddesa, dasa veyyakaranani. 5-
Ekannama kim, sabbe satta
@Footnote: 1 ka. ambalatthikarahulovada...  2 cha.Ma. udakatthanetipi
@3 cha.Ma. samanerapanham...vuttam  4 cha.Ma. dasapuccham  5 cha.Ma. veyyakaranati
Aharatthitika .pe. Dasa nama kim, dasahangehi samannagato arahati vuccati"ti 1-
imam samanerapanham kathesi. Puna cintesi "daharakumara nama piyamusavada
honti, aditthameva dittham amhehi, ditthameva na dittham amhehiti vadanti
ovadamassa demi"ti akkhihi oloketvapi sukhasanjananattham pathamameva catasso
udakadanupamayo, tato dve hatthiupamayo tato 2- ekam adasupamanca dassetva
imam suttam kathesi. Catusu pana paccayesu tanhavivattanam 3- pancasu kamagunesu
chandaragappahanam kalyanamittupanissayassa mahantabhavanca dassetva rahulasuttam 4-
kathesi. Agatagatatthane bhavesu chandarago na kattabboti dassetum rahulasamyuttam 5-
kathesi. Aham sobhami, mama vannayatanam pasannanti attabhavam nissaya
gehassitachandarago na kattabtoti maharahulovadasuttam kathesi.
      Tattha rahulasuttam imasmim nama kale vuttanti na vattabbam. Tanhi
abhinhovadavasena vuttam. Rahulasamyuttam sattavassikakalato patthaya yava
avassikabhikkhukala vuttam. Maharahulovadasuttam attharasavassikasamanerakale 6-
vuttam. Cularahulovadasuttam avassikabhikkhukale vuttam. Kumarakapanho 7-
ca idanca cularahulovadasuttam sattavassikasamanerakale vuttam. Tesu
rahulovadasuttam 8- abhinhovadattham, rahulasamyuttam, therassa vipassanagabbhagahanattham,
maharahulovadam gehassitachandaragavinodanattham, cularahulovadam therassa
pancadasavimuttiparipacaniyadhammaparipakakale arahattagahapanattham vuttam. Idanca pana
sandhaya rahulatthero bhikkhusamghamajjhe tathagatassa gunam kathento idamaha:-
             "kikiva bijam rakkheyya       camari valamuttamam *-
              nipako silasampanno       mamam rakkhi 9- tathagato"ti. 10-
@Footnote: 1 cha.Ma. khu.khu. 25/1-10/3 samanerapanha   2 cha.Ma. ayam patho na dissati
@3 ka. tanhavivajjanam 4 khu. su. 25/342/398 rahulasutta 5 sam.ni. 16/599/287 (sya)
@6 Ma. sattarasattharasa.... 7 cha.Ma. kumarakapanham   8 cha.Ma. rahulasuttam    9 Ma. dakkhi
@* 10 pali....andam rakkheyya camaririva valadhim....dakkhi mahamuni, khu. apa. 32/83/87
@rahulatherapadana
      Samanerapanho 1- ayuttavacanappahanattham idam cularahulovadasuttam
sampajanamusavadassa akaranattham vuttam.
      Tattha passasi noti passasi nu. Parittanti thokam. Samannanti samanadhammo.
Nikkujjitvati adhomukham katva. Ukkujjitvati uttanam katva.
      [108] Seyyathapi rahula ranno nagoti ayam upama sampajanamusavadasamvararahitassa
opammadassanattham vutta. Tattha isadantoti rathisasadisadanto. Urulhavati
abhivaddhito arohasampanno. Abhijatoti sujato jatisampanno. Sangamavacaroti
sangamam otinnapubbo. Kammam karotiti agatagate pavattanto pateti. 2-
Puratthimakayadisu pana puratthimakayena tava patisenaya phalakakotthakamundapakaradayo
pateti. Tatha pacchimakayena. Sisena kammam nama niyametva etam padesam maddissamiti
nivattitva oloketi, ettakena satampi sahassampi dvedha bhijjati. Kannehi kammam
nama agatagate sare kannehi paharitva 3- patanam. Dantehi kammam nama
patihatthiassahattharohaassarohapadadinam vijjhanam. Nangutthena kammam nama nangutthe
baddhaya dighasilatthiya va ayamusalena va chedanabhedanam. Rakkhateva sondanti sondam
pana mukhe pakkhipitva rakkhati.
      Tatthati tasmim tassa hatthino rakkhane. 4- Apariccattanti anissattham,
paresam jayam amhakanca parajayam passati manneti. 5- Sondayapi kammam karotiti
ayamuggaram va khadiramusalam va gahetva samanta attharasahattham thanam maddati.
Pariccattanti vissattham, idani hatthiyodhadisu nakutoci bhayati, amhakam jayam
paresanca parajayam passati manneti. 5- Nahantassa kinci papanti tassa
dukkatadiapattivitikkame va matughatakadikammesu va kinci papam akattabbam nama
natthi. Tasmatiha teti yasma sampajanamusavadino akattabbam papam nama natthi,
tasma taya hasayapi davakamyatayapi musa na bhanissamiti sikkhitabbam.
Paccavekkhanatthoti olokanattho, yam mukhe vajjam hoti, tassa dassanatthoti vuttam
hoti. Paccavekkhitva paccavekkhitvati oloketva oloketva.
@Footnote: 1 cha.Ma. samanerapanham     2 cha.Ma. pavattento ghateti   3 Ma. pariharitva
@4 cha.Ma. karane          5 cha.Ma. passiti mannati
      [109] Sasakkam na karaniyanti ekamseneva na katabbam. Patisamhareyyasiti
nivatteyyasi ma kareyyasi. Anupadajjeyyasiti anupadeyyasi upatthambheyyasi
punappunam kareyyasi. Ahorattanusikkhiti rattinca divasanca sikkhamano.
      [111] Attiyitabbanti attena pilitena bhavitabbam. Harayitabbanti lajjitabbam.
Jigucchitabbanti gutham disva viya jiguccha uppadetabba. Manokammassa
pana adesanavatthukatta idha desetabbanti na vuttam. Kittake pana thane
kayakammavacikammani sodhetabbani, kittake manokammanti. Kayakammavacikammani
tava ekasmim purebhatteyeva sodhetabbani. Bhattakiccam katva divatthane
nisinnena hi paccavekkhitabbam "arunuggamanato patthaya yava imasmim thane
nisajja atthi nu kho me imasmim antare paresam akappiyam kayakammam va
vacikammam va"ti. Sace atthiti janati, desanayuttam desetabbam, avikaranayuttam
avikatabbam. Sace natthi, teneva pitipamojjena vihatabbam. Manokammam pana
etasmim pindapatapariyesanatthane sodhetabbam. Katham? "atthi nu kho me ajja
pindapatapariyesanatthane rupadisu chando va rago va patigham va"ti. Sace
atthi, "na puna evam karissami"ti citteneva adhitthatabbam. Sace natthi, taneva
pitipamojjena vihatabbam.
      [112] Samana va brahmana vati buddha va paccekabuddha va
tathagatasavaka va. Tasmatihati yasma atitepi evam parisodhesum, anagatepi
parisodhessanti, etarahipi parisodhenti, tasma tumhehipi tesam anusikkhantehi
evam sikkhitabbanti attho. Sesam sabbattha uttanameva. Imam pana desanam bhagava
yava bhavagga ussitassa ratanarasino yojaniyamanikkhandhena kutam ganhanto viya
neyyapuggalavasena parinitthapesiti.
                    Papancasudaniya majjhimanikayatthakathaya
                    cularahulovadasuttavannana nitthita.
                              Pathamam.
                           -----------



             The Pali Atthakatha in Roman Book 9 page 93-96. http://84000.org/tipitaka/atthapali/read_rm.php?B=9&A=2337&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=2337&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=13&i=125              เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=2383              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=2518              The Pali Tipitaka in Roman Character :- http://84000.org/tipitaka/read/roman_read.php?B=13&A=2518              Contents of The Tipitaka Volume 13 http://84000.org/tipitaka/read/?index_13

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com