|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Mahasakuludayisuttavannana [237] Evamme sutanti mahasakuludayisuttam. Tattha moranivapeti tasmim thane moranam abhayam ghosetva bhojanam adamsu. 1- Tasma tam thanam moranivapoti sankham gatam. Annabharoti ekassa paribbajakassa namam tatha varataroti. 2- Anne cati na kevalam ime tayo, annepi abhinnata bahu paribbajaka. Appasaddassa vannavaditi idha appasaddavinitoti avatvava idam vuttam. Kasma? na hi bhagava annena vinito. [238] Purimaniti hiyyo divasam upadaya purimani nama honti, tato param purimatarani. Kutuhalasalayanti kutuhalasala nama paccekasala natthi, yattha pana nanatitthiya samanabrahmana nanavidham katham pavattenti, sa bahunnam "ayam kim vadati, ayam kim vadati"ti kutuhaluppattitthanato "kutuhalasala"ti vuccati. "kotuhalasala"tipi patho. Labhati ye evarupe samanabrahmane datthum panham pucchitum dhammakatham va nesam sotum labhanti, tesam angamagadhanam ime labhati attho. Sanghinotiadisu pabbajitasamuhasankhato samgho etesam atthiti sanghino. Sveva gano etesam atthiti. Ganino. Acarasikkhapanavasena tassa ganassa acariyati ganacariya. Natati pannata pakata. Yathabhuccagunehi ceva ayathabhutagunehi ca samuggato yaso etesam atthiti yasassino. Puranadinanca "appiccho santuttho, appicchataya vatthampi na nivaseti"tiadina nayena yaso samuggato, tathagatassa itipi so bhagava"tiadihi yathabhutagunehi. Titthakarati laddhikaRa. Sadhusammatati ime sadhu sundara sappurisati evam sammata. Bahujanassati assutavato ceva andhabalaputhujjanassa medhavino 3- ca panditajanassa. Tattha titthiya balajanassa evam sammata, tathagato panditajanassa. Imina nayena purano kassapo sanghitiadisu attho veditabbo. Bhagava pana yasma atthattimsa arammanani vibhajanto bahuni nibbanam otaranatitthani akasi, tasma "titthakaro"ti vattum vattati. @Footnote: 1 Si. patthapesum 2 cha.Ma. varadharoti cha.Ma. vibhavino--------------------------------------------------------------------------------------------- page174.
Kasma panete sabbepi tattha osatati. Upatthakarakkhanatthanceva labhasakkararakkhanatthanca. 1- Tesam kira 2- hoti "amhakam upatthaka samanam gotamam saranam gaccheyyum, tepi rakkhissama. Samanassa ca gotamassa upatthake sakkaram karonte disva amhakampi upatthaka amhakam sakkaram karissanti"ti. Tasma yattha 3- bhagava osarati, tattha 4- sabbe osaranti. [239] Vadam aropetvati vade dosam aropetva. Apakkantati apagata, keci disam pakkanta, keci gihibhavam patta, keci imam sasanam agata. Sahitammeti mayham vacanam sahitam silittham, atthayuttam karanayuttanti attho. Asahitanteti tuyham vacanam asahitam. Adhicinnante viparavattanti yam tuyham digharattacinnavasena suppagunam, tam mayham ekavacaneneva viparavattam viparivattitva thitam, na kinci jatanti attho. Aropito te vadoti maya tava vade doso aropito. Cara vadappamokkhayati dosamocanattham cara vicara, tattha tattha gantum 5- sikkhati attho. Nibbethehi va sace pahositi atha sayam pahosi, idaneva nibbethehi. Dhammakkosenati sabhavakkosena. [240] Tanno sossamati tam amhakam desitam dhammam sunissama. Khuddamadhunti khuddakamakkhikahi katam dandakamadhum. Anelakanti niddosam apagatamacchikandakam. Pileyyati dadeyya. Paccasimsamanarupoti puretva nu kho no bhojanam dassatiti bhajanahattho paccasimsamano paccupatthito assa. Sampayojetvati appamattakam vivadam katva. [241] Itaritarenati lamakalamakena. Pavivittoti idam paribbajako kayavivekamattam sandhaya vadati, bhagava pana tihi vivekehi vivittova. [242] Kosakaharapiti pinda 6- danapatinam 7- ghare aggabhikkhathapanattham khuddakasaravakam hoti, 8- danapatino aggabhattam va tattha thapetva bhunjanti, @Footnote: 1 cha.Ma. labhasakkaratthanca 2 cha.Ma. hi evam 3 cha.Ma. yattha yattha @4 cha.Ma. tattha tattha 5 cha.Ma. gantva 6 cha. ayam patho na dissati @7 Ma. pindadanagahapatinam 8 cha.Ma. khuddakasarava honti--------------------------------------------------------------------------------------------- page175.
Pabbajite sampatte tam bhattam tassa denti. Tam saravakam kosakoti vuccati. Tasma ye ca ekeneva bhattakosakena yapenti, te kosakaharati. Beluvaharati beluvapattabhattahaRa. Samatittikanti otthavattiya hetthimalekhasamam. Imina dhammenati imina appaharatadhammena. Ettha pana sabbakareneva bhagava appaharoti 1- na vattabbo. Padhanabhumiyam chabbassani appaharova ahosi, veranjayam tayo mase patthodaneneva yapesi parileyyakavanasande tayo mase bhisamulaleheva 2- yapesi. Idha pana etamattham dasseti "aham ekasmim kale appaharo ahosim, mayham pana savaka dhutangasamadanato patthaya yavajivam dhutangam na bhindanti"ti. Tasma yadi te imina dhammena sakkareyyum, maya hi te visesataRa. Anno ceva pana dhammo atthi, yena mam te sakkarontiti dasseti. Imina nayena sabbavaresu yojana veditabba. Pamsukulikati samadinnapamsukulikanga. Lukhacivaradharati satasuttalukhani 3- civarani dharayamana. Nantakaniti antavirahitani vatthakkhandani, yadi hi nesam anto bhaveyya, pilotikati sankham gaccheyyum. Uccinitvati 4- phaletva dubbalatthanam pahaya thiratthanameva gahetva. Alabulomasaniti alabulomasadisasuttani. Sukhumaniti dipeti. Ettavata ca sattha civarasantosena asantutthoti na vattabbo. Adhimuttakasusanato 5- hissa punnadasiya parupetva patitasanapamsukulagahanadivase udakapariyantam katva mahapathavi akampi. Idha pana etamattham dasseti "aham ekasmimyeva kale pamsukulam ganhim, mayham pana savaka dhutangasamadanato patthaya yavajivam dhutangam na bhindanti"ti. Pindapatikati atirekalabham patikkhipitva samadinnapindapatikanga. Sapadanacarinoti loluppacaram patikkhipitva samadinnasapadanacaRa. Unchasake vate ratati unchacariyasankhate bhikkhunam pakativatte rata, uccanicagharadvaratthayino hutva kabaramissakabhattam 6- samharitva paribhunjantiti attho. Antaragharanti brahmayusutte @Footnote: 1 cha.Ma. anappaharoti 2 cha.Ma. bhisamuleheva 3 cha.Ma. satthasuttalukhani @4 Ma. ucchinditvati 5 cha.Ma. atimuttakasusanato 6 Si., ka. kacavaramissakabhattam--------------------------------------------------------------------------------------------- page176.
Ummarato patthaya antaragharam, idha indakhilato patthaya adhippetam. Ettavata ca sattha pindapatasantosena asantutthoti na vattabbo, appaharataya vuttaniyameneva pana sabbam vittharetabbam. Iti idhapi 1- etamattham dasseti "aham ekasmimyeva kale nimantanam na sadayim, mayham pana savaka dhutangasamadanato patthaya yavajivam dhutangam na bhindanti"ti. Rukkhamulikati channam patikkhipitva samadinnarukkhamulikanga. Abbhokasikati channanca rukkhamulanca patikkhipitva samadinnaabbhokasikanga attha maseti hemantagimhike mase. Antovasse pana civaranuggahattham channam pavisanti. Ettavata ca sattha senasanasantosena asantutthoti na vattabbo, senasanasantoso panassa chabbassikamahapadhanena ca parileyyakavanasandena ca dipetabbo. Idha pana etamattham dasseti "aham ekasmimyeva kale channam na pavisim, mayham pana savaka dhutangasamadanato patthaya yavajivam dhutangam na bhindanti"ti. Arannikati gamantasenasanam patikkhipitva samadinnaarannikanga. Samghamajjhe osarantiti abaddhasimaya kathitam, baddhasimayam pana vasanta attano vasanatthaneyeva uposatham karonti. Ettavata ca sattha no pavivittoti na vattabbo, "icchamaham bhikkhave addhamasam patisalliyitun"ti 2- evanhissa paviveko pannayati. Idha pana etamattham dasseti "aham ekekasminneva 3- tatharupe kale patisalliyim, mayham pana savaka dhutangasamadanato patthaya yavajivam dhutangam na bhindanti"ti. Mama savakati mayham 4- savaka. [244] Sanidananti sappaccayam. Kim pana appaccayam nibbanam na desetiti. No na deseti, sahetukam pana tam desanam katva desesi, no ahetukanti. Sappatihariyanti purimassevetam vevacanam, sakarananti attho. Tam vatati ettha vatati nipatamattam. @Footnote: 1 cha.Ma. idha pana 2 vi. mahavi. 1/162/93 3 cha.Ma. ekasmimyeva 4 cha.Ma. mam--------------------------------------------------------------------------------------------- page177.
[245] Anagatam vadapathanti ajja thapetva 1- sve va punadivase va addhamase va mase va samvacchare va tassa tassa panhassa upari agamavadapatham. Na dakkhatiti yatha saccako nigantho attano nigganhanattham agatakaranam visesetva vadanto na addasa, evam na dakkhatiti netam thanam vijjati. Sahadhammenati sakaranena. Antarantara katham opateyyunti mama kathavaram pacchinditva antarantare attano katham paveseyyunti attho. Na kho panaham udayiti udayi aham ambatthasonadandakutadantasaccaniganthadihi saddhim mahavade vattamanepi "aho vata me ekasavakopi upamam va karanam va aharitva vadeyya"ti 2- evam savakesu anusasanim na paccasimsami. Mamamyevati evarupesu pana 3- thanesu savaka mamayeva na anusitthim 4- ovadam paccasimsanti. [246] Tesaham cittam aradhemiti tesam aham tassa panhassa veyyakaranena cittam ganhami sampademi paripuremi, annam puttho annam na byakaromi, ambam puttho labujam viya labujam va puttho ambam viya. Ettha ca "adhisile sambhaventi"ti vuttatthane buddhasilam nama kathitam, "abhikkante nanadassane sambhaventi"ti vuttatthane sabbannutananam, "adhipannaya sambhaventi"ti vuttatthane thanuppattikapanna, "yena dukkhena"ti vuttatthane saccabyakaranapanna. Tattha sabbannutananam ca saccabyakaranapannanca thapetva avasesa panna adhipannam bhajati. 5- [247] Idani tesam tesam visesadhigamanam patipadam acikkhanto puna caparam udayitiadimaha. Tattha abhinnavosanaparamippattati abhinnavosanasankhatanceva abhinnaparamisankhatanca arahattam patta. Sammappadhaneti upayappadhane. Chandam janetiti kattukamyatakusalacchandam janeti. Vayamatiti vayamam karoti. Viriyam arabhatiti viriyam pavatteti. Cittam pagganhatiti cittam ukkhipati. Padahatiti upayappadhanam karoti. Bhavanaya paripuriyati vaddhiya @Footnote: 1 Si.,ka. thatva 2 cha.Ma. dadeyyati 3 cha.Ma. ayam saddo na dissati @4 cha.Ma. anusasanim 5 Si. bhajanti--------------------------------------------------------------------------------------------- page178.
Paripuranattham. Apicettha "ya thiti, so asammoho 1- .pe. Yam vepullam, sa bhavanaparipuri"ti 2- evam purimam purimassa pacchimam pacchimassa 3- atthotipi veditabbam. Imehi pana sammappadhanehi kim kathitam? kassapasamyuttapariyayena savakassa Pubbabhagapatipada kathita. Vuttanhetam tattha:- "cattaro me avuso sammappadhana. Katame cattaro, idhavuso bhikkhu anuppanna me papaka akusala dhamma uppajjamana anatthaya samvatteyyunti atappam karoti. Uppanna me papaka akusala dhamma appahiyamana anatthaya samvatteyyunti atappam karoti. Anuppanna me kusala dhamma anuppajjamana anatthaya samvatteyyunti atappam karoti. Uppanna me kusala dhamma nirujjhamana anatthaya samvatteyyunti atappam karoti"ti. 4- Ettha ca papaka akusalati lobhadayo veditabba, anuppanna kusala dhammati samathavipassana ceva maggo ca, uppanna kusala nama samathavipassanava. Maggo pana sakim uppajjitva nirujjhamano anatthaya samvattanako nama natthi. So hi phalassa paccayam datvava nirujjhati. Purimasmimpi va samathavipassanava gahetabbati vuttam, tam pana na yuttam. Tattheva "uppanna samathavipassana nirujjhamana anatthaya samvattanti"ti. Atthassa avibhavattham idam vatthu:- eko kira khinasavatthero "mahacetiyanca mahabodhinca vandissami"ti samapattilabhina bhandagahakasamanerena saddhim janapadato mahaviharam agantva viharaparivenam 5- pavisi, sayanhasamaye mahabhikkhusamghe cetiyam vandamane cetiyavandanatthaya na nikkhami. Kasma? khinasavananhi tisu ratanesu mahanto garavo 6- hoti. Tasma bhikkhusamghe vanditva patikkante 7- manussanam sayamasam bhuttavelayam samanerampi ajanapetva "cetiyam vandissami"ti ekakova nikkhami. @Footnote: 1 cha.Ma. asammoso 2 abhi. vi. 35/406/252 3 Si. purimapurimam pacchimassa pacchimassa @4 sam.ni. 16/145/188-9 5 Ma., ka. civaraparivenam 6 cha.Ma. mahantam garavam @7 cha.Ma. patikkamante--------------------------------------------------------------------------------------------- page179.
Samanero "kim nu kho thero avelaya ekakova gacchati, janissami"ti upajjhayassa padanupadiko nikkhami. Thero anavajjanena tassa agamanam ajananto dakkhinadvarena cetiyanganam aruhi. Samaneropi anupadamyeva arulho. Mahathero mahacetiyam ulloketva buddharammanapitim gahetva sabbam cetasa 1- samannaharitva hatthappahattho cetiyam vandati. Samanero therassa vandanakaram disva "upajjhayo me ativiya pasannacitto vandati, kim nu kho pupphani labhitva pujam kareyya"ti cintesi. Thero vanditva utthaya sirasi anjalim thapetva mahacetiyam ulloketva thito. Samanero ukkasitva attano agatabhavam janapesi. Thero parivattetva olokento "kada agatosi"ti pucchi. Tumhakam cetiyam vandanakale bhante, ativiya pasanna cetiyam vandittha, kim nu kho pupphani labhitva pujeyyathati. Ama samanera imasmim cetiye viya annatra ettakam dhatunam nidhanam nama natthi, evarupam asadisam mahathupam pupphani labhitva ko na pujeyyati. Tenahi bhante adhivasetha, aharissamiti tavadeva jhanam samapajjitva iddhiya himavantam gantva vannagandhasampannapupphani parissavane 2- puretva mahathere dakkhinamukhato pacchimamukham asampatteyeva agantva pupphaparissavanam hatthe thapetva 3- "pujetha bhante"ti aha. Thero "atimandani no samanera pupphani"ti aha. Gacchatha bhante bhagavato gune avajjitva pujethati. Thero pacchimamukhanissitena sopanena aruyha kucchivedikabhumiyam pupphapujam katum araddho. Vedikabhumiyam paripunnani pupphani patitva dutiyabhumiyam jannuppamanena odhina purayimsu. 4- Tato otaritva padapitthikapantim puresi. 5- Sapi paripuri. Paripunnabhavam natva hetthimatale vikiranto agamasi. Sabbam cetiyanganam paripuri. Tasmim paripunne "samanera pupphani na khiyyanti"ti aha. Parissavanam bhante adhomukham karothati. Adhomukham katva calesi, tada pupphani @Footnote: 1 cha.Ma. cetaso 2 cha.Ma. parissavanam 3 Ma. gahetva 4 Ma. puppharasi purayimsu @5 cha.Ma. pujesi--------------------------------------------------------------------------------------------- page180.
Khinani. Parissavanam samanerassa datva saddhim satthihatthapakarena 1- cetiyam tikkhattum padakkhinam katva catusu thanesu vanditva parivenam gacchanto cintesi "tava 2- mahiddhiko vatayam samanero, sakkhissati nu kho imam iddhanubhavam rakkhitun"ti. Tato "na sakkhissati"ti disva samaneram aha "samanera tvam idani mahiddhiko, evarupam pana iddhim nasetva pacchimakale kanapesakariya hatthena madditam kanjiyam pivissasiti. Daharakabhavassa namesa dosoyam, so upajjhayassa kathaya samvijitva "kammatthanam me bhante acikkhatha"ti na yaci, amhakam upajjhayo kim vadatiti tam pana asunanto viya agamasi. Thero mahacetiyanca mahabodhinca vanditva samaneram pattacivaram gahapetva anupubbena kutelitissamahaviharam 3- agamasi. Samanero upajjhayassa padanupadiko hutva bhikkhacaram na gacchati, "kataram gamam pavisissatha 4- bhante"ti pucchitva pana "idani me upajjhayo gamadvaram patto bhavissati"ti natva attano ca upajjhayassa ca pattacivaram gahetva akasena gantva therassa pattacivaram datva pindaya pavisati. Thero sabbakalam ovadati "samanera ma evamakasi, puthujjaniddhi nama cala anibaddha, asappayam rupadiarammanam labhitva appamattakeneva bhijjati, santaya samapattiya parihinaya brahmacariyavaso santhambhitum na sakkoti"ti. Samanero "kim katheti mayham upajjhayo"ti sotum na icchati, tatheva karoti. Thero anupubena cetiyavandanam karonto kambabindaviharam 5- nama gato. Tattha vasantepi there samanero tatheva karoti. Athekadivasam eka pesakaradhita abhirupa pathamavaye thita kambabindagamato nikkhamitva padumasaram oruyha gayamana pupphani bhanjati. Tasmim samaye samanero padumasaramatthakena gacchati, gacchanto pana silesikaya 6- kanamacchika viya tassa gitasadde bajjhi. Tavadevassa iddhi antarahita, chinnapakkhakako viya ahosi. Santasamapattiphalena pana tattheva udakapitthe apatitva simbalitulam viya patamanam @Footnote: 1 cha.Ma. hatthipakarena 2 cha.Ma. yava 3 Si. kule... 4 cha.Ma. pavisatha @5 Si. kupuvenaviharam cha.Ma. kammubinduviharam, evamuparipi @6 cha.Ma. sakkaralasikaya, sam. vi. 406/315--------------------------------------------------------------------------------------------- page181.
Anupubbena padumasaratire atthasi. So vegena gantva upajjhayassa pattacivaram datva nivatti. Mahathero "pagevetam maya dittham, nivariyamanopi na nivattissati"ti kinci avatva pindaya pavisi. Samanero gantva padumasaratire atthasi tassa paccuttaranam agamayamano. Sapi samaneram akasena gacchantanca puna agantva thitanca disva "addha esa mam nissaya ukkanthito"ti natva "patikkama samanera"ti aha. So patikkami. Itara paccuttaritva satakam nivasetva tam upasankamitva "kim bhante"ti pucchi. So tamattham arocesi. Sa bahuhi karanehi gharavase adinavam brahmacariyavase anisamsanca dassetva ovadamanapi tassa ukkanthim 1- vinodetum asakkunanti 2- "ayam mama karana evarupaya iddhiya parihino, na dani yuttam pariccajitun"ti idheva titthati vatva gharam gantva matapitunam tam pavattim arocesi. Tepi agantva nanappakaram ovadamana vacanam agganhantam ahamsu "tvam amhe uccakulati 3- sallakkhesi, mayam pesakaRa. Sakkhissasi pesakarakammam katun"ti. Samanero aha "upasaka gihibhuto nama pesakarakammam va kareyya nalakarakammam va, kim imina satakamattena lobham karotha"ti. Pesakaro udare baddhasatakam datva gharam netva dhitaram adasi. So pesakarakammam ugganhitva pesakarakehi 4- saddhim salaya kammam karoti. Annesam itthiyo patova bhattam sampadetva aharimsu, tassa bhariya na tava agacchati. So itaresu kammam vissajjetva bhunjamanesu tasaram vattento nisidi. Sa paccha agamasi. Atha nam so "aticirena agatasi"ti tajjesi. Matugamo ca nama api cakkavattirajanam attani patibaddhacittam natva dasam viya sallakkhesi. 5- Tasma sa evamaha "annesam ghare darupannalonadini sannihitani, bahirato aharitva dasapesanakarakapi 6- atthi, aham pana ekikava, tvampi mayham ghare idam atthi idam natthiti na janasi, sace icchasi, @Footnote: 1 cha.Ma. ukkantham 2 cha.Ma. asakkonti 3 Ma. uccakuleti @4 cha.Ma. pesakarehi 5 cha.Ma. sallakkheti 6 cha.Ma. dayaka pesanakarakapi--------------------------------------------------------------------------------------------- page182.
Bhunja, no ce icchasi, ma bhunja"ti. So "na kevalam ca ussure bhattam aharasi, vacayapi mam ghattesi"ti kujjhitva annam paharanam apassanto tameva tasaradandakam tasarato luncitva khipi. Sa tam agacchantam disva isakam parivatti. Tasaradandakassa ca koti nama tikhina hoti, sa tassa parivattamanaya akkhikotiyam pavisitva atthasi. Sa ubhohi hatthehi vegena akkhim aggahesi, bhinnatthanato lohitam paggharati. So tasmim kale upajjhayassa vacanam anussari "idam sandhaya mam upajjhayo `anagate kale kanapesakariya hatthehi madditam kanjiyam pivissasi'ti aha, idam therena dittham bhavissati, aho dighadassi ayyo"ti mahasaddena roditum arabhi. Tamenam anne "alam avuso ma rodi, akkhi nama bhinnam na sakka rodanena patipakatikam katun"ti ahamsu. So "naham etamattham rodami, apica kho imam sandhaya rodami"ti sabbam patipatiya kathesi. Evam uppanna samathavipassana nirujjhamana anatthaya samvattanti. Aparampi vatthu:- timsamatta bhikkhu kalyanimahacetiyam vanditva atavimaggena mahamaggam otaramana antaramagge jhamakkhette kammam katva agacchantam ekam manussam addasamsu. Tassa sariram masimakkhitam viya ahosi, masimakkhitamyeva ekam satakam 1- kaccham piletva nivattham, olokiyamano jhamakkhanuko viya khayati. So divasabhage kammam katva upaddhajhayamananam darunam kalapam ukkhipitva pitthiyam vippakinnehi kesehi kummaggena agantva bhikkhunam sammukhe atthasi, samanera disva annamannam olokayamana "avuso tuyham pita tuyham mahapita tuyham matulo"ti hasamana gantva "konamo tvam upasaka"ti namam pucchimsu, so namam pucchito vippatisari hutva darukalapam chaddetva vattham samvidhaya nivasetva mahathere vanditva "titthatha tava bhante"ti aha. Mahathera atthamsu. Daharasamanera agantva mahatheranam sammukhapi parihasam karonti. Upasako aha "bhante tumhe mam passitva parihasatha, ettakeneva matthakam @Footnote: 1 cha.Ma. kasavam--------------------------------------------------------------------------------------------- page183.
Pattamhati ma sallakkhetha. Ahampi pubbe tumhadisova samano ahosim. Tumhakam pana cittekaggatamattakampi natthi, aham imasmim sasane mahiddhiko mahanubhavo ahosim, akasam gahetva pathavim karomi, pathavim gahetva 1- akasam. Duram 2- santikam karomi, santikam duram cakkavalasatasahassam khanena vinivijjhami. Hatthe me passatha, idani makkatahatthasadisa, aham imeheva hatthehi idha nisinnova candimasuriye paramasim. Imesamyeva padanam candimasuriye padakathalikam katva nisidim. Evarupa me iddhi pamadena antarahita, tumhe ma pamajjittha. Pamadena hi evarupam byasanam papunanti. Appamatta viharanta jatijaramaranassa antam karonti. Tasma tumhe manneva arammanam karitva appamatta hotha bhante"ti tajjetva ovadamadasi. Te tassa kathentasseva samvegam apajjitva vipassamana timsajana tattheva arahattam papunimsuti. Evampi uppanna samathavipassana nirujjhamana anatthaya samvattantiti veditabba. Anuppannanam papakananti cettha "anuppanno va kamasavo na uppajjati"tiadisu vuttanayena attho veditabbo. Uppannanam papakananti ettha pana catubbidham uppannam vattamanuppannam bhutva vigatuppannam, okasakatuppannam, bhumiladdhuppannanti. Tattha ye kilesa vijjamana uppadadisamangino, idam vattamanuppannam nama. Kamme pana javite arammanarasam anubhavitva niruddham vipakam 3- bhutva vigatam nama. Kammam uppajjitva niruddham bhutva 4- vigatam nama. Tadubhayampi bhutva vigatuppannanti sankham gacchati. Kusalakusalakammam annassa kammassa vipakam patibahetva 5- attano vipakassa okasam karoti, evam kate okase vipako uppajjamano okasakaranato patthaya uppannoti sankham gacchati. Idam okasakatuppannam nama. Pancakkhandha pana vipassanaya bhumi nama. Te atitadibheda honti. Tesu anusayitakilesa pana atita va anagata va paccuppanna vati na vattabba. Atitakkhandhesu anusayitapi hi appahinava honti, anagatakkhandhesu @Footnote: 1 cha.Ma. ayam patho na dissati 2 cha.Ma. duram ganhitva 3 cha.Ma. niruddhavipako @4 cha.Ma. bhavitva 5 cha.Ma. patibahitva--------------------------------------------------------------------------------------------- page184.
Paccuppannakkhandhesu anusayitapi appahinava honti. Idam bhumiladdhuppannam nama. Tenahu porana "tasu tasu bhumisu asamugghatitakilesa bhumiladdhuppannati sankhyam gacchantiti. Aparampi catubbidham uppannam samudacaruppannam, arammanadhigahituppannam, avikkhambhituppannam asamugghatituppannanti. Tattha samvattamanamyeva 1- samudacaruppannam nama. Sakim cakkhuni ummilitva arammane nimitte gahite anussaritanussaritakkhane kilesa nuppajjissantiti na vattabba. Kasma? arammanassa adhigahitatta. Yatha kim? yatha khirarukkhassa kuthariya ahatahatatthane khiram na nikkhamissatiti na vattabbam, evam. Idam arammanadhigahituppannam nama. Samapattiya avikkhambhita kilesa pana imasmim nama thane nuppajjissantiti na vattabba. Kasma? avikkhambhitatta. Yatha kim? yatha sace khirarukkhe kuthariya ahareyyum, imasmim nama thane khiram na nikkhameyyati na vattabbam, evam. Idam avikkhambhituppannam nama. Maggena asamugghatitakilesa pana bhavagge nibbattassapi uppajjantiti purimanayeneva vittharetabbam. Idam asamugghatituppannam nama. Imesu uppannesu vattamanuppannam bhutva vigatuppannam okasakatuppannam samudacaruppannanti catubbidham uppannam na maggavajjham, bhumiladdhuppannam arammanadhigahituppannam avikkhambhituppannam asamugghatituppannanti catubbidham maggavajjham. Maggo hi uppajjamano ete kilese pajahati. So ye kilese pajahati, te atita va anagata va paccuppanna vati na vattabba. Vuttampi cetam:- "hanci atite kilese pajahati, tena hi khinam khepeti, niruddham nirodheti, vigatam vigameti, atthangatam atthangameti. Atitam yam natthi, tam pajahati. Hanci anagate kilese pajahati, tena hi ajatam pajahati, anibbattam, anuppannam, apatubhutam pajahati. Anagatam yam natthi, tam pajahati, hanci paccuppanne kilese pajahati, tena hi @Footnote: 1 cha.Ma. sampati vattamanamyeva--------------------------------------------------------------------------------------------- page185.
Ratto ragam pajahati, duttho dosam, mulho moham, vinibaddho manam, paramattho ditthim, vikkhepanako uddhaccam, anitthangato vicikiccham, thamagato anusayam pajahati. Kanhasukka dhamma yuganaddha samameva vattanti. Sankilesika maggabhavana hoti .pe. Tenahi natthi maggabhavana, natthi phalasacchikiriya. Natthi kilesappahanam, natthi dhammabhisamayoti. Atthi maggabhavana .pe. Atthi dhammabhisamayo. Yatha katham viya, seyyathapi taruno rukkho ajataphalo .pe. Apatubhutayeva na patubhavanti"ti. 1- Iti paliyam ajataphalarukkho agato, jataphalarukkhena pana dipetabbam. Yatha hi saphalo tarunambarukkho, tassa phalani manussa paribhunjeyyum, sesani patetva pacchiyo pureyyum. Athanno puriso tam pharasuna chindeyya, tenassa neva atitani. Phalani nasitani honti, na anagatapaccuppannani nasitani. Atitani hi manussehi paribhuttani, anagatani anibbattani, na sakka nasetum. Yasmim pana samaye so chinno, tada phalaniyeva natthiti paccuppannanipi anasitani. Sace pana rukkho acchinno assa, 2- athassa pathavirasanca aporasanca agamma yani phalani nibbatteyyum, tani nasitani honti. Tani hi ajataneva na jayanti, anibbattaneva na nibbattanti, apatubhutaneva na patubhavanti, evameva maggo napi atitadibhede kilese pajahati, napi na pajahati. Yesam hi kilesanam maggena khandhesu aparinnatesu uppatti siya, maggena uppajjitva khandhanam parinnatatta te kilesa ajatava na jayanti, anibbattava na nibbattanti, apatubhutava na patubhavanti, tarunaputtaya itthiya puna avijayanattham, byadhitanam rogavupasamattham pitabhesajjehi 3- cati ayamattho vibhavetabbo. Evam maggo ye kilese pajahati, te atita va anagata va paccuppanna vati na vattabba, na ca maggo kilese na pajahati. Ye pana maggo kilese pajahati, te sandhaya "uppannanam papakanan"tiadi vuttam. @Footnote: 1 khu. pati. 31/699/605 (sya) 2 cha.Ma. ayam patho na dissati 3 Ma. vitarogabhesajjehi--------------------------------------------------------------------------------------------- page186.
Na kevalanca maggo kileseyeva pajahati, kilesanam pana appahinatta ye ca uppajjeyyum upadinnakkhandha, tepi pajahatiyeva. Vuttampi cetam "sotapattimaggananena abhisankharavinnanassa nirodhena sattabhave thapetva anamatagge samsare ye uppajjeyyum namanca rupanca, etthete nirujjhanti"ti 1- vittharo. Iti maggo upadinnato anupadinnato vutthati. Bhavavasena pana sotapattimaggo apayabhavato vutthati, sakadagamimaggo sugatibhavekadesato, anagamimaggo sugatikamabhavato, arahattamaggo ruparupabhavato vutthati. Sabbabhavehi vutthatiyevatipi vadanti. Atha maggakkhane kathamanuppannanam uppadaya bhavana hoti, katham uppannanam va thitiyati, maggappavattiyayeva. Maggo hi pavattamano pubbe anuppannapubbatta anuppanno nama vuccati. Anagatapubbam hi thanam agantva ananubhutapubbam va arammanam anubhavitva vattaro bhavanti "anagatatthanam agatamha, ananubhutam arammanam anubhavimha"ti 2- ya cassa pavatti, ayameva thiti namati thitiya bhavetiti vattum vattati. Iddhipadesu sankhepakatha cetokhilasutte 3- vutta. Upasamamanam gacchati, kilesupasamattham va gacchatiti upasamagami. Sambujjhamanam 4- gacchati, sambodhatthaya va gacchatiti sambodhagami. Vivekanissitadini sabbasavasamvare vuttani. Ayamettha sankhepo, vittharato panayam bodhipakkhiyakatha visuddhimagge vutta. [248] Vimokkhakathayam vimokkheti kenatthena vimokkha, adhimuccanatthena. Ko panayam adhimuccanattho nama? paccanikadhammehi ca sutthu muccanattho, arammane ca Abhirativasena sutthu muccanattho, pituanke vissatthangapaccangassa darakassa sayanam viya aniggahitabhavena nirasankataya arammane pavattiti vuttam hoti. Ayam panattho pacchimavimokkhe natthi, purimesu sabbesu atthi. Rupi rupani passatiti ettha @Footnote: 1 khu. cula. 30/89/22 2 cha.Ma. anubhavamati 3 Ma.mu. 12/185/156 @4 cha.Ma. sambujjhamana--------------------------------------------------------------------------------------------- page187.
Ajjhattakesadisu nilakasinadivasena uppaditarupajjhanam rupam, 1- tadassa atthiti rupi. Bahiddha rupani passatiti bahiddhapi nilakasinadini rupani jhanacakkhuna passati. Imina ajjhatatbahiddhavatthukesu kasinesu uppaditajjhanassa puggalassa cattaripi rupavacarajjhanani dassitani. Ajjhattam arupasanniti ajjhattam na rupasanni, attano kesadisu anuppaditarupavarajjhanoti attho. Imina bahiddha parikammam katva bahiddhava uppaditajjhanassa rupavacarajjhanani dassitani. Subhanteva adhimutto hotiti iminava suvisuddhesu niladisu vannakasinesu jhanani dassitani. Tattha kincapi antoappanaya subhanti abhogo natthi, yo pana suvisuddham subhakasinam arammanam katva viharati, so yasma subhanti adhimutto hotiti vattabbattam apajjati. Tasma evam desana kata. Patisambhidamagge pana "katham subhanteva adhimutto hotiti vimokkho. Idha bhikkhu mettasahagatena cetasa ekam disam pharitva viharati .pe. Mettaya bhavitatta satta appatikkulava honti. Karunamuditaupekkhasahagatena cetasa ekam disam pharitva viharati karunamuditaupekkhaya bhavitatta satta appatikkula honti. Evam subhanteva adhimutto hotiti vimokkho"ti 2- vuttam. Sabbaso rupasannanantiadisu yam vattabbam, tam sabbam visuddhimagge vuttameva. Ayam atthamo vimokkhoti ayam catunnam khandhanam sabbaso vissatthatta vimuttatta atthamo uttamo vimokkho nama. [249] Abhibhayatanakathayam abhibhayatananiti abhibhavanakaranani. Kim abhibhavanti? Paccanikadhammepi arammananipi. Tani hi patipakkhabhavena paccanikadhamme abhibhavanti, puggalassa nanuttarikataya arammanani. Ajjhattam rupasannitiadisu pana ajjhattarupe parikammavasena ajjhattam rupasanni nama hoti. Ajjhattamhi nilaparikammam karonto kese va pitte va akkhitarakayam va karoti, pitaparikammam karonto mede va chaviya va hatthatalesu va padatalesu va akkhinam pitatthane va karoti, @Footnote: 1 Si. uppaditam rupam 2 khu. pati. 31/467/359-60--------------------------------------------------------------------------------------------- page188.
Lohitaparikammam karonto mamse va lohite va jivhaya va akkhinam rattatthane va karoti, odataparikammam karonto atthimhi va dante va nakhe va akkhinam setatthane va karoti. Tam pana sunilam supitakam sulohitakam suodatam na hoti, asuvisuddhameva 1- hoti. Eko bahiddha rupani passatiti yassetam parikammam ajjhattam uppannam hoti, nimittam pana bahiddha, so evam ajjhattam parikammassa bahiddha ca appanaya vasena "ajjhattam rupasanni eko bahiddha rupani passati"ti vuccati. Parittaniti avaddhitani. Suvannadubbannaniti suvannani va hontu dubbannani va, parittavaseneva idamabhibhayatanam vuttanti veditabbam. Tani abhibhuyyati yatha nama sampunnagahaniko 2- katacchumattam bhattam labhitva "kim ettha bhunjitabbam atthi"ti sankaddhitva ekakabalameva karoti, evamevam nanuttariko puggalo visadanano "kim ettha parittake arammane samapajjitabbam atthi, nayam mama bharo"ti tani rupani abhibhavitva samapajjati, saha nimittuppadenettha 3- appanam papetiti attho. Janami passamiti imina panassa abhogo kathito, so ca kho samapattito vutthitassa, na antosamapattiyam. Evamsanni hotiti abhogasannayapi jhanasannayapi evamsanni hoti. Abhibhavasanna hissa antosamapattiyampi atthi, abhogasanna pana samapattito vutthitasseva. Appamananiti vaddhitappamanani, mahantaniti attho. Abhibhuyyati ettha pana yatha mahagghaso puriso ekabhattavaddhitam 4- labhitva "annopi hotu, annopi hotu, kim esa 5- mayham karissati"ti tam na mahantato passati, evameva nanuttaro puggalo visadanano "kim ettha samapajjitabbam, nayidam appamanam, na mayham cittekaggatakarane bharo atthi"ti tani abhibhavitva samapajjati, saha nimittuppadenevettha appanam papetiti attho. @Footnote: 1 Si. avisuddhameva 2 cha.Ma. sampannagahaniko 3 cha.Ma....padenevettha @4 Si....tikam, cha.Ma. bhattavaddhitakam 5 cha.Ma. kimesa--------------------------------------------------------------------------------------------- page189.
Ajjhattam arupasanniti alabhitaya va anatthikataya va ajjhattarupe parikammasannavirahito. Eko bahiddha rupani passatiti yassa parikammampi nimittampi bahiddhava uppannam, so evam bahiddha parikammassa ceva appanaya ca vasena "uppannam 1- ajjhattam arupasanni eko bahiddha rupani passati"ti vuccati. Sesamettha catutthabhibhayatane vuttanayameva. Imesu pana catusu parittam vitakkacaritavasena agatam, appamanam mohacaritavasena, suvannam dosacaritavasena, dubbannam ragacaritavasena. Etesam hi etani sappayani. Sa ca nesam sappayata vittharato visuddhimagge cariyaniddese vutta. Pancamabhibhayatanadisu nilaniti sabbasangahikavasena vuttam. Nilavannaniti vannavasena nilani. 2- Nilanidassananiti nidassanavasena. Apannayamanavivarani asambhinnavannani ekanilaneva hutva dissantiti vuttam hoti. Nilanibhasaniti idam pana obhasavasena vuttam, nilobhasani nilapabhayuttaniti attho. Etena tesam suvisuddhatam dasseti. Visuddhavannavaseneva hi imani cattari abhibhayatanani vuttani. Umapupphanti 3- etam hi puppham siniddham mudum dissamanampi nilameva hoti. Girikannikapupphadini pana dissamanani setadhatukani honti. Tasma idameva gahitam, na tani. Baranaseyyakanti baranasiyam bhavam. 4- Tattha kira kappasopi mudu, suttakantikayopi tantavayapi cheka, udakampi suci siniddham, tasma vattham ubhatobhagavimattham hoti, dvisu passesu mattham mudu siniddham khayati. Pitanitiadisa iminava nayena attho veditabbo. "nilakasinam ugganhanto nilasmim nimittam ganhati pupphasmim va vatthasmim va vannadhatuya va"tiadikam panettha kasinakarananceva parikammanca appanavidhananca sabbam visuddhimagge vittharato vuttameva. Abhinnavosanaparamippattati ito pubbesu satipatthanadisu te dhamme bhavetva arahattapattava abhinnavosanaparamippatta nama honti, imesu pana atthasu abhibhayatanesu cinnavasibhavayeva abhinnavosanaparamippatta nama. @Footnote: 1 cha.Ma. ayam patho na dissati 2 cha.Ma. ayam patho na dissati @3 Si., Ma. ummapupaphanti 4 ka. katam--------------------------------------------------------------------------------------------- page190.
[250] Kasinakathayam sakalatthena kasinani, tadarammananam dhammanam khettatthena adhitthanatthena va ayatanani. Uddhanti uparigaganatalabhimukham. Adhoti hettha bhumitalabhimukham. Tiriyanti khettamandalamiva samanta paricchinditva. Ekacco hi uddhameva kasinam vaddheti, ekacco adho, ekacco samantato. Teneva karanena 1- evam pasareti alokamiva rupadassanakamo. Tena vuttam "pathavikasinameko sanjanati uddham adho tiriyan"ti. Advayanti disanudisasu advayam. Idam pana ekassa annabhavanupagamanattham vuttam. Yatha hi udakam pavitthassa sabbadisasu udakameva hoti anannam, evameva pathavikasinam pathavikasinameva hoti. Natthi tassa anno kasinasambhedoti. Esa nayo sabbattha. Appamananti idam tassa tassa pharanaappamanavasena vuttam. Tanhi cetasa pharanto sakalameva pharati, ayamassa adi, idam majjhanti pamanam na ganhatiti. Vinnanakasinanti cettha kasinugghatimakase pavattam vinnanam. Tattha kasinavasena kasinugghatimakase, kasinugghatimakasavasena tattha pavattavinnane uddhamadhotiriyata veditabba. Ayamettha sankhePo. Kammatthanabhavananayena panetani pathavikasinadini vittharato visuddhimagge vuttaneva. Idhapi cinnavasibhaveneva abhinnavosanaparamippatta hontiti veditabba. Tatha ito anantaresu catusu jhanesu. Yam panettha vattabbam, tam mahaassapurasutte vuttameva. [252] Vipassananane pana rupitiadinam attho vuttoyeva. Ettha sitam ettha patibaddhanti ettha catumahabhutike kaye nissitanca patibaddhanca. Subhoti sundaro. Jotimati suparisuddhaakarasamutthito. 2- Suparikammakatoti sutthu kataparikammo apanitapasanasakkharo. Acchoti tanuccho tanucchavi. Vippasannoti sutthu vippasanno. Sabbakarasampannoti dhovanavijjhanadihi 3- sabbehi akarehi sampanno. Nilantiadihi vannasampattim dasseti. Tadisam hi avutam pakatam hoti. Evameva khoti ettha evam upamasamsandanam veditabbam:- mani viya hi karajakayo. Avutam suttam viya vipassanananam. Cakkhuma puriso viya vipassanalabhi @Footnote: 1 cha.Ma. tena tena karanena 2 Si., Ma. suparisuddhaakarasamutthito @3 cha.Ma. dhovanavedhanadihi--------------------------------------------------------------------------------------------- page191.
Bhikkhu. Hatthe karitva paccavekkhato "ayam kho mani"ti manino avibhutakalo viya vipassanananam abhiniharitva nisinnassa bhikkhuno catumahabhutikakayassa avibhutakalo. "tatridam suttam avutan"ti suttassa avibhutakalo viya vipassanananam abhiniharitva nisinnassa bhikkhuno tadarammananam phassapancamakanam va sabbacittacetasikanam va vipassanananasseva va avibhutakaloti. Kim panetam nanassa avibhutam, puggalassati. Nanassa, tassa pana avibhavatta puggalassa avibhutava honti. Idanca vipassanananam maggassa anantaram, evam santepi yasma abhinnavare araddhe etassa antaravaro 1- natthi, tasma idheva dassitam. Yasma ca aniccadivasena akatasammasanassa dibbaya sotadhatuya bheravasaddam sunato pubbenivasanussatiya bherave khandhe anussarato dibbena cakkhuna bheravam rupam passato bhayasantaso uppajjati, na aniccadivasena katasammasanassa, tasma abhinnapattassa bhayavinodakahetusampadanatthampi idam idheva dassitam. Idhapi arahattavaseneva abhinnavosanaparamippatta veditabba. [253] Manomayiddhiyam cinnavasitaya. Tattha manomayanti manena nibbattam. Sabbangapancangiti sabbehi angehi ca pancangehi ca samannagatam. Ahinindriyanti. Santhanavasena avikalindriyam. Iddhimata nimmitarupam hi sace iddhima odato, tampi odatam. Sace aviddhakanno, tampi aviddhakannanti evam sabbakarehi tena sadisameva hoti. Munjamha isikantiadi upamattayampi tamsadisabhavadassanatthameva vuttam. Munjasadisaeva hi tassa anto isika hoti. Kosasadisoyeva asi, vattaya kosiya vattam 2- asimeva pakkhipanti, satthakaya satthakam. 3- Karandati idampi ahikancukassa namam, na vilivakarandakassa. Ahikancuko hi asina sadisova hoti. Tattha kincapi "puriso ahim karanda uddhareyya"ti hatthena uddharamano viya dassito, athakho cittenevassa uddharanam veditabbam. Ayam hi ahi nama sajatiyam thito, katthantaram va rukkhantaram va nissaya, @Footnote: 1 Si. anantaravaro 2 ka. vaddhaya kosiya vaddham 3 cha.Ma. patthataya patthatam--------------------------------------------------------------------------------------------- page192.
Tacato sariranikkaddhanapayogasankhatena thamena, sariram khadamanam viya puranatacam jigucchantoti imehi catuhi karanehi sayameva kancukam jahati, na sakka tato annena uddharitum. Tasma cittena uddharanam sandhaya idam vuttanti veditabbam. Iti munjadisadisam imassa bhikkhuno sariram, isikadisadisam nimmitarupanti idamettha opammasamsandanam. Nimmanavidhanam panettha parato ca iddhividhadipancabhinnakatha sabbakarena visuddhimagge vittharitati tattha vuttanayeneva veditabba. Upamamattameva hi idha adhikam. Tattha chekakumbhakaradayo viya iddhividhananalabhi bhikkhu datthabbo. Suparikammakatamattikadayo viya iddhividhananam datthabbam. Icchiticchitabhajana- vikatiadikaranam viya tassa bhikkhuno vikubbanam datthabbam. Idhapi cinnavasitavaseneva abhinnavosanaparamippatta veditabba. Tatha tato 1- parasu catusu abhinnasu. [255] Tattha dibbasotadhatuupamayam sankhadhamoti sankhadhamako. Appakasirenevati niddukkheneva vinnapeyyati janapeyya. Tattha evam catuddisa vinnapente sankhadhamake "sankhasaddo ayan"ti vavatthapentanam sattanam tassa sankhasaddassa avibhutakalo viya yogino durasantikabhedanam nibbananceva manusakananca saddanam avibhutakalo datthabbo. [256] Cetopariyananupamayam daharoti taruno. Yuvati yobbanena samannagato. Mandanakajatikoti yuvapi samano na alasiyo kilitthavatthasariro, athakho mandanakapakatiko, divasassa dve tayo vare nhayitva suddhavatthaparidahanaalankarakaranasiloti attho. Sakanikanti kalatilakavankamukhadusipilakadinam annatarena sadosam. Tattha yatha tassa mukhanimittam paccavekkhato mukhadoso pakato hoti, evam cetopariyananaya cittam abhiniharitva nisinnassa bhikkhuno paresam solasavidham cittam pakatam hotiti veditabbam. Pubbenivasupamadisu yam vattabbam, tam sabbam mahaassapure vuttameva. @Footnote: 1 cha.Ma. ito--------------------------------------------------------------------------------------------- page193.
[259] Ayam kho udayi pancamo dhammoti ekunavisati pabbani patipadavasena ekam dhammam katva pancamo dhammoti vutto. Yatha hi atthakanagarasutte ekadasa pabbani pucchavasena ekadhammo kato, mevamidha ekunavisati pabbani patipadavasena eko dhammo katoti veditabbani. Imesu ca pana ekunavisatiya pabbesu patipatiya atthasu kotthasesu vipassananane ca asavakkhayanane ca arahattavasena abhinnavosanaparamippatta veditabba, sesesu cinnavasibhavavasena. Sesam sabbattha uttanamevati. Papancasudaniya majjhimanikayatthakathaya mahasakuludayisuttavannana nitthita. -----------The Pali Atthakatha in Roman Book 9 page 173-193. http://84000.org/tipitaka/atthapali/read_rm.php?B=9&A=4350&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=4350&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=13&i=314 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=5498 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=6360 The Pali Tipitaka in Roman Character :- http://84000.org/tipitaka/read/roman_read.php?B=13&A=6360 Contents of The Tipitaka Volume 13 http://84000.org/tipitaka/read/?index_13
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]