AtthaPali Vol.9

10. Vekhanasasuttavannana [278] Evamme sutanti vekhanasasuttam. Tattha vekhanasoti ayam kira sakuludayissa acariyo. So "sakuludayiparibbajako paramavannapanhe parajito"ti sutva "maya so sadhukam ugganhapito, tenapi sadhukam uggahitam, katham nu kho parajito, handaham sayam gantva samanam gotamam paramavannapanham pucchitva parijanissami"ti ^2- rajagahato pancacattalisayojanam savatthim gantva yena bhagava, tenupasankami, upasankamitva pana thitakova bhagavato santike udanam udanesi. Tattha purimasadisam vuttanayeneva veditabbam. [280] Panca kho imeti kasma arabhi? agariyopi ekacco Kamagaruko kamadhimutto hoti, ekacco nekkhammagaruko nekkhammadhimutto hoti. Pabbajitopi ca ekacco kamagaruko kamadhimutto hoti, ekacco nekkhammagaruko nekkhammadhimutto hoti. Ayam pana kamagaruko kamadhimutto hoti. So imaya @Footnote: ¹ Si. vattaniyasenasane ² cha.Ma. janissamiti Kathaya kathiyamanaya attano kamadhimuttatam sallakkhissati, evamassayam desana sappaya bhavissatiti imam desanam arabhi, kamaggasukhanti nibbanam adhippetam. [281] Papito bhavissatiti ajananabhavam papito bhavissati, ramakamyeva ^1- sampajjatiti niratthakam vacanamattameva sampajjati. Titthatu pubbanto titthatu aparantoti yasma tuyham atitakathaya anucchavikam pubbenivasananam natthi, anagatakathaya anucchavikam dibbacakkhunanam natthi, tasma ubhayampetam titthatuti aha. Suttabandhanehiti suttamayabandhanehi. Tassa hi arakkhanatthaya hatthapadesu ceva givaya ca suttakani bandhanti. Tani sandhayetam vuttam. Mahallakakale pana tassa tani sayam va putini hutva muncanti, chinditva va haranti. Evameva khoti imina idam dasseti:- daharassa kumarassa suttabandhananam ajananakalo viya avijjaya purimaya kotiya ajananam, na hi sakka avijjaya purima koti natum, mocanakale jananasadisam pana arahattamaggena avijjabandhanassa pamokkho jatoti jananam. Sesam sabbattha uttanamevati. Papancasudaniya majjhimanikayatthakathaya vekhanasasuttavannana nitthita. Tatiyavaggavannana nitthita. --------- @Footnote: ¹ cha.Ma. namakamyeva

The Pali Atthakatha in Roman Book 9 page 201-202. http://84000.org/tipitaka/atthapali/read_rm.php?B=9&A=5077&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=5077&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=13&i=389 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=6464 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=7538 The Pali Tipitaka in Roman Character :- http://84000.org/tipitaka/read/roman_read.php?B=13&A=7538 Contents of The Tipitaka Volume 13 http://84000.org/tipitaka/read/?index_13