ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 9 : PALI ROMAN Ma.A. (papa–ca.3)

                      5. Bodhirajakumarasuttavannana
      [324] Evamme sutanti bodhirajakumarasuttam. Tattha kokanadoti kokanadam
vuccati padumam. So ca mangalapasado olokanakam padumam 1- dassetva kato, tasma
kokanadoti sankham labhi.
      [325] Yava pacchimasopanakalevarati ettha pacchimasopanakalevaranti
pathamam sopanaphalakam vuttam. Addasa khoti olokanatthamyeva dvarakotthake thito
addasa. Bhagava tunhi ahositi "kissa nu kho atthaya rajakumarena ayam
mahasakkaro kato"ti avajjento puttapatthanaya katabhavam annasi. So hi
rajakumaro aputtako, puttapatthanena 2- ahosi "buddhanam kira adhikaram katva
manasa icchitam labhanti"ti. So "sacaham puttam labhissami, sammasambuddho mama
celapatikam 3- akkamissati. No ce labhissami, na akkamissati"ti patthanam katva
santharapesi. Atha bhagava "nibbattissati nu kho etassa putto"ti avajjetva
"na nibbattissati"ti addasa.
      Pubbe kira so ekasmim dipe vasamano samacchandena sakunapotake 4-
khadi. Sacassa matugamo annova bhaveyya, puttam labheyya. Ubhohi pana samanacchandehi
hutva papakammam katam, tenassa putto na nibbattissatiti annasi. Dusse
pana akkante "buddhanam adhikaram katva patthitapatthitam labhantiti loke anussavo,
maya ca mahaabhiniharo kato, na ca puttam labhami, tuccham idam vacanan"ti
micchagahanam ganheyya. Titthiyapi "natthi samananam akattabbam nama, celapatikam
maddanta ahindanti"ti ujjhayeyyum. Etarahi ca akkamantesu bahu bhikkhu
paracittaviduno, te bhabbamattam 5- janitva akkamissanti, abhabbam janitva na
akkamissanti. Anagate pana upanissayo mando bhavissati, anagatam na janissanti.
@Footnote: 1 Si. olambakapadumam      2 Si. sutavanto, cha.Ma. sutancanena     3 Si. celapattikam
@4 Si. cakorakasakunapotake  5 cha.Ma. bhabbam
Tesu akkamantesu sace patthitam ijjhissati, iccetam kusalam. No ce ijjhissati,
"pubbe bhikkhusamghassa abhiniharam katva icchiticchitam labhanti, tam idani na
labhanti. Teyeva manne bhikkhu patipattipuraka ahesum, ime patipattim puretum na
sakkonti"ti manussa vippatisarino bhavissantiti imehi karanehi bhagava
akkamitum anicchanto tunhi ahosi. Sikkhapadam pannapesi "na bhikkhave celapatika
akkamitabba"ti. 1- Mangalatthaya pannattam anakkamantesu pana akkamanatthaya
anupannattim thapesi "gihi bhikkhave mangalika, anujanami bhikkhave gihinam
mangalatthaya"ti. 2-
      [326] Pacchimam janatam tathagato apaloketiti 3- idam thero vuttesu
karanesu tatiyam karanam sandhayaha. Na kho sukhena sukhanti kasma aha?
kamasukhallikanuyogasanni hutva sammasambuddho na akkami, tasma ahampi satthara
samanacchando bhavissamiti mannamano evamaha.
      [327] So kho ahantiadi "yava rattiya pacchime yame"ti tava
mahasaccake 4- vuttanayena veditabbam. Tato param yava pancavaggiyanam asavakkhaya
pasarasisutte 5- vuttanayena veditabbam.
      [343] Ankusagayhe sippeti ankusagahanakasippe. Kusalo ahanti cheko
aham. Kassa panayam santike sippam ugganhiti. Pitu santike, pitapissa pitu
santikeva ugganhi. Kosambiyam kira parantaparaja nama rajjam karesi. Rajamahesi
garugabbha akasangane 6- ranna saddhim balatapam tappamana rattakambalam
parupitva nisinna hoti, eko hatthilingasakuno "mamsapesi"ti mannamano
gahetva akasam pakkhandi. Sa "../../bdpicture/chaddeyya man"ti bhayena nissadda ahosi,
so tam pabbatapade rukkhavitape thapesi. Sa panissaram karonti mahasaddam
akasi. Sakuno palayi, tassa tattheva gabbhavutthanam ahosi. Tiyamarattim deve
@Footnote: 1 vi. cula. 7/268/33 khuddakavatthuni    2 vi. cula. 7/268/33    3 cha. anukampatiti
@4 Ma. mu. 12/364/328 mahayamakavagga  5 Ma. mu. 12/272/234 opammavagga
@6 cha.Ma. garubhara akasatale
Vassante kambalam parupitva nisidi. Tato ca avidure tapaso vasati. So
tassa saddena arune uggate rukkhamulam agato jatim pucchitva nissenim
bandhitva otaretva attano vasanatthanam netva yagum payesi. Darakassa
meghautunca pabbatautunca gahetva jatatta udenoti 1- namam akasi. Tapaso
phalaphalani aharitva dvepi jane posesi.
      Sa ekadivasam tapasassa agamanavelaya paccuggamanam katva itthikuttam
dassetva tapasam silabhedam apadesi. Tesam ekato vasantanam kale gacchante
parantaparaja kalamakasi. Tapaso rattibhage nakkhattam oloketva ranno matabhavam
natva "tuyham raja mato, putto te kim idha vasitum icchati, udahu pitu
santake 2- rajje chattam ussapetun"ti pucchi. Sa puttassa adito patthaya
sabbam pavuttim acikkhitva chattam ussapetukamatancassa natva tapasassa
arocesi. Tapaso ca hatthiganthasippam janati, kutonena laddham? sakkassa
santika. Pubbe kirassa sakko upatthanam agantva "kena kilamatha"ti pucchi. So
"hatthiparissayo atthi"ti arocesi. Tassa sakko hatthiganthanceva vinanca datva
"palapetukamataya sati imam tantim vadetva imam silokam vadeyyatha, pakkositukamataya
sati imam silokam vadeyyatha"ti aha. Tapaso tam sippam kumarassa adasi.
So ekam vatarukkham abhiruhitva hatthisu agatesu tantim vadetva silokam vadati,
hatthi bhita palayimsu.
      So sippassa anubhavam natva punadivase pakkosanasippam payojesi.
Jetthakahatthi agantva khandham upanamesi. So tassa khandhagato yuddhasamatthe
tarunahatthi uccinitva kambalanca muddikanca gahetva matapitaro vanditva
nikkhanto anupubbena tam tam gamam pavisitva "aham ranno putto, sampattiatthika
agacchantu"ti janasangaham katva nagaram parivaretva "aham ranno putto, mayham
chattam detha"ti asaddahantanam kambalanca muddikanca dassetva chattam ussapesi.
So hatthi cittako 3- hutva "asukatthane sundaro hatthi atthi"ti vutte
@Footnote: 1 Ma. utenoti    2 cha.Ma. pettike    3 cha.Ma. hatthivittako
Gantva ganhati. Candapajjoto "tassa santike sippam ganhissami"ti katthahatthim
sampayojetva 1- tassa anto yodhe nisidapetva tam hatthigahanatthaya agatam
ganhitva tassa santike sippagahanatthaya dhitaram uyyojesi. So taya saddhim
samvasam kappetva tam gahetva attano nagaramyeva agamasi. Tassa kucchiyam
uppanno ayam bodhirajakumaro attano pitu santike sippam ugganhi.
      [344] Padhaniyanganiti padhanam vuccati padahanabhavo, padhanamassa atthiti
padhaniyo. Padhaniyassa bhikkhuno anganiti padhaniyangani. Saddhoti saddhaya
samannagato. Sa panesa agamanasaddha adhigamasaddha okappanasaddha pasadasaddhati
catubbidha. Tattha sabbannubodhisattanam saddha abhiniharato patthaya agatatta
agamanasaddha nama. Ariyasavakanam pativedhena adhigatatta adhigamasaddha nama.
Buddho dhammo samghoti vutte acalabhavena okappanam okappanasaddha nama.
Pasaduppatti pasadasaddha nama, idha pana okappanasaddha adhippeta. Bodhinti
catumaggananam tam supatividdham tathagatenati saddahati, desanasisameva cetam,
imina pana angena tisupi ratanesu saddha adhippeta. Yassa hi buddhadisu
pasado balava, tassa padhanaviriyam ijjhati.
      Appabadhoti arogo. Appatankoti niddukkho. Samavepakiniyati
samavipakiniya. 2- Gahaniyati kammajatejodhatuya. Natisitaya naccunhayati
atisitagahaniko hi sitabhiru hoti, accunhagahaniko unhabhiru tesam padhanam na
ijjhati. Majjhimagahanikassa ijjhati. Tenaha "majjhimaya padhanakkhamaya"ti.
Yathabhutam attanam avikattati yathabhutam attano agunam pakaseta udayatthagaminiyati
udayanca atthanca gantum paricchinditum samatthaya, etena pannasalakkhanapariggahikam
udayabbayananam vuttam. Ariyayati parisuddhaya. Nibbedhikayati anibbiddhapubbe
lobhakkhandhadayo nibbijjhitum samatthaya. Sammadukkhakkhayagaminiyati tadangavasena
kilesanam pahinatta yam dukkham khiyati, tassa dukkhassa khayagaminiya. Iti sabbehipi
@Footnote: 1 cha.Ma. payojatva     2 cha.Ma. samavipacaniya
Imehi padehi vipassanapannava kathita. Duppannassa hi padhanam na ijjhati.
Imina ca panca padhaniyangani lokiyaneva veditabbani.
      [345] Sayamanusittho pato visesam adhigamissatiti atthangate suriye
anusittho arunuggamane visesam adhigacchati. Patamanusittho sayanti arunuggamane
anusittho suriyatthangamanavelayam. Ayanca pana desana neyyapuggalavasena vutta.
Dandhapanno hi neyyapuggalo sattadivasehi arahattam papunati, tikkhapanno
ekadivasena, sesadivase majjhimapannavasena veditabbam. Aho buddho aho
dhammo aho dhammassa svakkhatatati yasma buddhadhammanam olarataya dhammassa
ca svakkhatataya patova kammatthanam kathapetva sayam arahattam papunati,
tasma pasamsanto evamaha. Yatra hi namati vimhayatthe nipato.
      [346] Kucchimatiti asannasatta. 1- Yo me ayam bhante kucchigatoti
kim panevam saranam gahitam hotiti. Na hoti. Acittakasaranagamanam nama natthi,
arakkho pana paccupatthitova hoti. Atha nam yada mahallakakale matapitaro
"tata kucchigatameva tam saranam ganhapayimha"ti sarenti, so ca sallakkhetva
"aham saranam gato upasako"ti satim uppadeti, tada saranam gahitam nama hoti.
Sesam sabbattha uttanamevati.
                    Papancasudaniya majjhimanikayatthakathaya
                    bodhirajakumarasuttavannana nitthita.
                             ------



             The Pali Atthakatha in Roman Book 9 page 234-238. http://84000.org/tipitaka/atthapali/read_rm.php?B=9&A=5890&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=5890&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=13&i=486              เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=7663              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=9020              The Pali Tipitaka in Roman Character :- http://84000.org/tipitaka/read/roman_read.php?B=13&A=9020              Contents of The Tipitaka Volume 13 http://84000.org/tipitaka/read/?index_13

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]