|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6. Angulimalasuttavannana
[347] Evamme sutanti angulimalasuttam. Tattha angulinam malam dharetiti
kasma dhareti? acariyavacanena. Tatrayam anupubbikatha:-
@Footnote: 1 cha.Ma. apannasatta
Ayam kira kosalaranno purohitassa mantaniya nama brahmaniya
kucchismim patisandhim aggahesi. Brahmaniya rattibhage gabbhavutthanam ahosi.
Tassa matukucchito nikkhamanakale sakalanagare avudhani pajjalimsu, ranno
mangalasakuntopi 1- sirisayane thapita asilatthipi pajjali. Brahmano nikkhamitva
nakkhattam olokento coranakkhattena jatoti ranno santikam gantva
sukhaseyyabhavam pucchi.
Raja "kuto me acariya sukhaseyya, mayham mangalavudham pajjali, rajjassa
va jivitassa va antarayo bhavissati manne"ti. Ma bhayi maharaja, mayham
ghare kumaro jato, tassanubhavena na kevalam tuyham nivesane, sakalanagarepi
avudhani pajjalitaniti. Kim bhavissati acariyati. Coro bhavissati maharajati.
Kim ekacorako, udahu rajjadusako coroti. Ekacorako devati. Evam vatva ca
pana ranno manam ganhitukamo aha "maretha nam deva"ti. Ekacorako samano kim
karissati, karisasahasse khette ekam salisisam viya hoti, patijaggatha nan"ti. Tassa
namaggahanam ganhanta sayane thapitamangalaasilatthi, chadane thapita sara,
kappasapicumhi thapitam talavantakaranasatthakanti ete pajjalanta kinci na himsimsu,
tasma ahimsakoti namam akamsu. Tam sippuggahanakale takkasilam pesayimsu.
So dhammantevasiko hutva sippam patthapesi. Vattasampanno kimkarapatissavi
manapacari piyavadi ahosi. Sesaantevasika bahiraka ahesum, te "ahimsakamanavakassa
agatakalato patthaya mayam na pannayama, katham nam bhindeyyama"ti nisiditva
mantayanta "sabbehi atirekapannatta duppannoti na sakka vattum, vattasampannatta
dubbattoti na sakka vattum, jatisampannatta dujjatoti na sakka vattum,
kinti karissama"ti, tato ekam kharamantam mantayimsu "acariyassa 2- antaram katva
nam bhindissama"ti tayo rasi hutva pathamam ekacce acariyam upasankamitva
vanditva atthamsu. Kim tatati. Imasmim gehe eka katha suyyatiti. 3- Kim tatati.
Ahimsakamanavo tumhakam antare dubbhatiti 4- pajanamati. 5- Acariyo santajjetva
@Footnote: 1 Ma. mangalam karonto 2 Si. acariyinim 3 ka., Ma. ekam katham suyyamati
@4 Ma. dubbatiti 5 cha.Ma. mannamati
"gacchatha vasala, ma me puttam mayham antare paribhindatha"ti nitthubhi. Tato
itare, atha itareti tayopi kotthasa agantva tatheva vatva "amhakam
asaddahanta upaparikkhitva janatha"ti ahamsu.
Acariyo sinehena vadante disva "atthi manne santhavo"ti paribhijjitva
cintesi "ghatemi nan"ti. Tato cintesi "sace ghatissami, `disapamokkho
acariyo attano santikam sippuggahanattham agate manavake dosam uppadetva
jivita voropeti'ti puna koci sippuggahanattham na agamissati, evam me labho
parihayissati, atha nam sippapariyosanupacaroti vatva janghasahassam ghatehiti
vakkhami. Avassam ettha eko utthaya tam ghatessati"ti.
Atha nam aha "ehi tata janghasahassam ghatehi, evam te sippassa
upacaro kato bhavissati"ti mayam ahimsakakule jata, na sakka acariyati.
Aladdhupacaram sippam phalam na deti tatati. So pancavudham gahetva acariyam vanditva
atavim pavittho. Atavipavisanatthanepi atavimajjhepi atavito nikkhamanatthanepi
thatva manusse ghateti. 1- Vattham va vethanam va na ganhati. Eko dveti
gahitamattameva karonto gacchati, gananampi na ugganhati. Pakatiyapi pannava esa,
panatipatassa pana cittam na patitthati. Tasma anukkamena gahanampi na sallakkhesi,
ekekam angulim chinditva thapeti. Thapitatthane anguliyo vinassanti, tato
vijjhitva angulinam malam katva dharesi. Teneva cassa angulimaloti sankha
udapadi, so sabbam arannam nissancaramakasi, daruadinam atthaya arannam
gantum samattho nama natthi.
Rattibhage antogamampi agantva padena paharitva dvaram ugghateti.
Tato sayiteyeva maretva eko ekoti gahetva 2- gacchati. Gamo osaritva
nigame atthasi, nigamo nagare. Manussa tiyojanato patthaya gharani pahaya
darake hatthesu gahetva agamma savatthim parivaretva khandhavaram bandhitva
@Footnote: 1 Si. ghatesi 2 Si. ganetva
Rajangane sannipatitva "coro te deva vijite angulimalo nama"tiadini
vadanta kandanti. Tato 1- "mayham putto bhavissati"ti natva brahmano 2-
brahmanim aha "bhoti angulimalo nama coro uppanno, so na anno, tava
putto ahimsakakumaro. Idani raja tam ganhitum nikkhamissati, kim kattabbanti.
Gaccha sami, puttam me gahetva ehiti. Naham bhadde ussahami, catusu hi janesu
vissaso nama natthi, coro me puranasahayoti avissasaniyo, sakha me
puranasanthatati avissasaniya, raja mam pujetiti avissasaniyo, itthi me
vasangatati avissasaniyati. Matuhadayam pana mudukam hoti. Tasma sa aha aham pana
gantva mayham puttam anessamiti nikkhanta.
Tamdivasam ca bhagava paccusasamaye lokam volokento angulimalam disva "mayi
gate etassa sotthi bhavissati. Agamake aranne thito catuppadikam gatham sutva
mama santike pabbajitva cha abhinna sacchikarissati. Sace na gamissami, matari
aparajjhitva anuddharaniyo bhavissati, karissamissa sangahan"ti pubbanhasamayam
nivasetva pindaya pavisitva katabhattakicco tam sanganhitukamo vihara nikkhami.
Etamattham dassetum "athakho bhagava"tiadi vuttam.
[348] Sangaritva sangaritvati 3- sanketam katva vaggavagga hutva.
Hatthattham gacchantiti hatthe attham vinasam gacchanti. Kim pana te bhagavantam
sanjanitva evam vadanti asanjanitvati, asanjanitva. Annatakavesena hi bhagava
ekakova agamasi. Coropi tasmim samaye digharattam dubbhojanena ca dukkhaseyyaya
ca ukkanthito hoti. Kittaka pananena manussa maritati. Ekenunasahassam.
So pana idani ekam labhitva sahassam puressatiti sanni hutva sayameva pathamam
passami, tam ghatetva gananam puretva sippassa upacaram katva kesamassum
karapetva 4- nahayitva vatthani parivattetva matapitaro passissamiti
atavimajjhato atavimukham agantva ekamantam thitova bhagavantam addasa. Etamattham
dassetum "addasa kho"tiadi vuttam.
@Footnote: 1 cha.Ma. bhaggavo 2 cha.Ma. ayam patho na dissati
@3 Si. samharitva samharitvati 4 cha.Ma. oharetva
Iddhabhisankharam abhisankharesiti 1- mahapathavim ummiyo utthapento viya
sanharitva aparabhage akkamati, orabhage valiyo nikkhamanti, angulimalo
sarakkhepamattam muncitva gacchati. Bhagava purato mahantam anganam dassetva sayam majjhe
hoti, coro ante. So "idani nam papunitva ganhissami"ti sabbathamena
dhavati. Bhagava anganassa parimante hoti, coro majjhe. So "ettha nam
papunitva ganhissami"ti vegena dhavati. Bhagava tassa purato matikam va thalam va
dasseti, etenupayena tini yojanani gahetva agamasi. Coro kilami, mukhe
khelo sussi, kacchehi seda muccimsu. Athassa "acchariyam vata bho"ti etadahosi.
Migampiti migam kasma ganhati? chatakasamaye aharattham. So kira ekam gumbam
Ghattetva mige utthapeti. Tato cittaruciyam migam anubandhanto ganhitva pacitva
khadati. Puccheyyanti yena karanenayam gacchantova thito nama, ahanca thitova
atthito nama, yannunaham imam samanam tam tam karanam 2- puccheyyanti attho.
[349] Nidhayati yo vihimsanattham bhutesu dandopi pavattayitabbo
siya, tam nidhaya apanetva mettaya khantiya patisankhaya avihimsaya
saraniyadhammesu thito ahanti attho. Tuvamatthitositi panesu asannatatta ettakani
panasahassani ghatentassa tava metta va khanti va patisankha va avihimsa
va saraniyadhammo va natthi, tasma tuvam atthitosi, idani iriyapathena thitopi
niraye dhavissasi, tiracchanayoniyam pittivisaye asurakaye va dhavissasiti vuttam
hoti. Tato coro "maha ayam sihanado, mahantam gajjitam, na idam annassa
bhavissati, mahamayaya puttassa siddhatthassa samanaranno etam gajjitam, dittho
vatamhi manne tikhinacakkhuna 3- sammasambuddhena, sangahakaranattham me bhagava
agato"ti cintetva cirassam vata metiadimaha. Tattha mahitoti devamanussadihi
catupaccayapujaya pujito. Paccupaditi 4- cirassam kalassa accayena mayham sangahatthaya
imam mahavanam patipajji. Pajahissa papanti 5- pajahitva papam.
@Footnote: 1 Si. sankhatiti, cha.Ma. abhisankhasiti 2 cha.Ma. samanam tam karanam
@3 Ma. khinasavabhikkhuna 5 Ma. saccavadidi 5 Si. pahassam papanti,
@cha.Ma. pahaya papanti
Itvevati evam vatvayeva. Avudhanti pancavudham. Sobbheti samantato
chinne. Papateti ekato chinne. Naraketi phalitatthane. Idha pana tihipi imehi
padehi arannameva vuttam. Akiriti khipi chaddesi.
Tamehi bhikkhuti tada avocati bhagavato imam pabbajento kuhim satthakam
labhissami, kuhim pattacivaranti pariyesanakiccam natthi, kammam pana olokesi. Athassa
pubbe silavantanam atthaparikkharabhandakassa dinnabhavam natva dakkhinahattham
pasaretva "ehi bhikkhu svakkhato dhammo, cara brahmacariyam sammadukkhassa
antakiriyaya"ti aha. So saha vacaneneva iddhimayam pattacivaram patilabhi. Tavadevassa
gihilingam antaradhayi, samanalingam paturahosi.
"ticivaranca patto ca vasi suci ca bandhanam
parissavanena atthete yuttayogassa bhikkhuno"ti
evam vutta atthaparikkhara sarirapatibaddhava hutva nibbattimsu. Eseva
tassa ahu bhikkhubhavoti esa ehibhikkhubhavo tassa upasampannabhikkhubhavo ahosi,
na hi ehibhikkhunam visum upasampada nama natthi.
[350] Pacchasamanenati bhandaggahakena pacchasamanena, teneva attano
pattacivaram gahapetva tam pacchasamanam katva gatoti attho. Matapissa
atthausabhamattena thanena antarita "tata ahimsaka kattha thitosi, kattha nisinnosi,
kuhim gatosi, maya saddhim na kathesi tata"ti vadanti ahinditva apassamana
ettova gata.
Pancamattehi assasatehiti sace corassa parajayo bhavissati, anubandhitva
nam ganhissami. Sace mayham parajayo bhavissati, vegena palayissamiti sallahukena
balena nikkhami. Yena aramoti kasma aramam agamasi? so kira corassa bhayati,
corena 1- gantukamo na gacchati, garaha bhayena nikkhami. Tenadassa etadahosi
"sammasambuddham vanditva nisidissami, so pucchissati `kasma balam gahetva
nikkhantositi? athaham arocessami, bhagava hi mam na kevalam samparayikeneva
@Footnote: 1 cha.Ma. cittena
Atthena sanganhati, ditthadhammikenapi sanganhatiyeva. So sace mayham jayo bhavissati,
adhivasessati. Sace parajayo bhavissati `kim te maharaja ekam coram arabbha
gamanena'ti vakkhati. Tato mam jano evam sanjanissati `raja coram gahetum
nikkhanto, sammasambuddhena pana nivattito"ti garahamokkham sampassamano agamasi.
Kuto panassati kasma aha? api nama bhagava tassa upanissayam
Oloketva tam anetva pabbajeyyati bhagavato pariganhanattham aha. Rannoti
na kevalam rannoyeva bhayam ahosi, avasesopi mahajano bhito phalakavudhani chaddetva
sammukhasammukhatthaneva palayitva nagaram pavisitva dvaram pidhaya attalake aruyha
olokento atthasi. Evanca avoca "angulimalo `raja mayham santikam
agacchati'ti natva pathamataram agantva jetavane nisinno, raja tena gahito,
mayam pana palayitva mutta"ti. Natthi te ito bhayanti ayam hi idani
kuntha-kipillikam jivita na voropeti, natthi te imassa santika bhayanti attho.
Katham gottoti kasma pucchati? pabbajitam darunakammena uppannam namam
Gahetva voharitum na yuttam, matapitunam gottavasena nam samudacarissamiti
mannamano pucchi. Parikkharananti etesam atthaya aham ussukkam karissamiti
attho. Kathentoyeva ca udare baddhasatakam muncitva therassa padamule thapesi.
[351] Arannikotiadini cattari dhutangani paliyam agatani. Therena
pana terasapi samadinnaneva ahesum, tasma alanti aha. Yanhi mayam bhanteti kim
sandhaya vadati? "hatthimpi dhavantam anubandhitva ganhami"ti agatatthane ranna
pesita hatthadayo so evam aggahesi. Rajapi "hatthihiyeva nam parikkhipitva
ganhatha, asseheva, ratheheva"ti evam anekavaram bahu hatthadayo pesesi. Evam
gatesu panetesu "aham are angulimalo"ti tasmim utthaya saddam karonte ekopi
avudham parivattetum nasakkhi, sabbeva kottetva maresi. Hatthi arannahatthi,
assa arannaassa, rathapi tattheva bhijjantiti idam sandhaya raja evam vadati.
Pindaya pavisiti na idam pathamam pavisi. Itthidassanadivasam sandhaya panetam
vuttam. Devasikampi panesa pavisateva, manussa ca nam disva uttasantipi palayantipi
dvarampi thakenti, ekacce angulimaloti sutvava palayitva arannam va pavisanti,
gharam va pavisitva dvaram thakenti. Palayitum asakkonta pitthim datva titthanti.
Thero ulungayagumpi katacchubhikkhampi na labhati, pindapatena kilamati. Bahi alabhanto
nagaram sabbasadharananti nagaram pavisati, yena dvarena pavisati, tattha angulimalo
agatoti kutisahassanam bhijjanakaranam hoti. Etadahositi karunnappattiya ahosi.
Ekena unamanussasahassam ghatentassa ekadivasampi karunnam nahosi, gabbhamulhaya
itthiya dassanamatteneva katham uppannanti. Pabbajjabalena. Pabbajjabalanhi
etam.
Tenahiti yasma te karunnam uppannam, tasmati attho. Ariyaya jatiyati
angulimala etam tvam ma ganha, 1- nesa tava jati. Gihikalo esa, gihi nama
panampi hananti, adinnadanadinipi karonti. Idani pana te ariya nama
jati. Tasma tvam "yato aham bhagini jato"ti sace evam vattum kukkuccayasi,
tenahi "ariyaya jatiya"ti evam visesetva vadahiti uyyojesi.
Tam itthim etadavocati itthinam gabbhavutthanatthanam nama na sakka purisena
upasankamitum, thero kim karositi. Angulimalatthero saccakiriyam katva sotthikaranatthaya
agatoti arocapesi. Tato te saniya parikkhipitva therassa bahisaniyam
pithakam pannapesum. Thero tattha nisiditva "yato aham bhagini sabbannubuddhassa
ariyaya jatiya jato"ti saccakiriyam akasi, saha saccavacaneneva dhammakarakato
muttaudakam viya darako nikkhami. Matuputtanam sotthi ahosi. Idanca pana
parittam na kinci parissayam maddati, mahaparittam nametanti vuttam. Therena
nisiditva saccakiriyakatatthane pithakam akamsu. Gabbhasammulham tiracchanagatitthimpi
anetva tattha nisajjapenti. Tavadeva sukhena gabbhavutthanam hoti. Ya dubbala
hoti na sakka anetum, tassa pithakadhovanaudakam netva sise sincanti, tam
@Footnote: 1 cha.Ma. ganhi
Khanamyeva gabbhavutthanam hoti, annampi rogam vupasameti. Yava kappa
titthanakapatihariyam kiretam.
Kim pana bhagava theram vejjakammam karapesiti. Na karapesi. Theranhi
disva manussa bhita palayanti. Thero bhikkhaharena kilamati, samanadhammam katum
na sakkoti. Tassa anuggahena saccakiriyam karesi. Evam kirassa ahosi "idani
kira angulimalatthero mettacittam patilabhitva saccakiriyaya manussanam sotthibhavam
karotiti manussa theram upasankamitabbam mannissanti, tato bhikkhaharena akilamanto
samanadhammam katum sakkhissati"ti anuggahena saccakiriyam karesi. Na hi saccakiriya
vejjakammam hoti. Therassapi ca "samanadhammam karissami"ti mulakammatthanam gahetva
rattitthanadivatthane nisinnassa cittam kammatthanabhimukham na gacchati, ataviyam
thatva manussanam ghatitatthanameva pakatam hoti. "duggatomhi khuddakaputtomhi
jivitam me dehi sami"ti maranabhitanam vacanakaro ca hatthapadavikaro ca apatham
agacchati, so vippatisari hutva tatova utthaya gacchati, athassa bhagava tam jatim
abboharikam katva eva 1- vipassanam vaddhetva arahattam ganhissatiti ariyaya
jatiya saccakiriyam karesi. Eko vupakatthotiadi vatthasutte 2- vittharitam.
[352] Annenapi leddukhittoti kakasunakhasukaradinam patikkamapanatthaya
samanta parikkhepamatte 3- thane yena kenaci disabhagena khitto agantva
therasseva kaye patti. Kittake thane evam hoti.? ganthikam patimuncitva pindaya
caritva patinivattetva yava ganthikapatimukkatthanam agacchati, tava hoti.
Bhinnena sisenati mahacammam chinditva yava atthimariyadaya bhinnena.
Brahmanati khinasavabhavam sandhayaha. Yassa kho tvam brahmana kammassa
vipakenati idam sabhagaditthadhammavedaniyakammam sandhaya vuttam. Kammam hi kariyamanameva
tayo kotthase pureti. Sattasu cittesu kusala va akusala va pathamajavanacetana
ditthadhammavedaniyakammam nama hoti. Tam imasmimyeva attabhave vipakam deti, tatha
@Footnote: 1 Ma. katva etassa, cha. katvavayam 2 pali. vatthupamasutta...,Ma.mu. 12/70/48
@3 cha.Ma. sarakkhepamatte
Asakkontam ahosi kammam, nahosi kammavipako, na bhavissati kammavipako, natthi
kammavipakoti imassa tikassa vasena ahosikammam nama hoti. Atthasadhika
sattamajavanacetana upapajjavedaniyakammam nama. Tam anantare attabhave vipakam deti.
Tatha asakkontam vuttanayeneva tam ahosikammam nama hoti. Ubhinnamantare panca
javanacetana aparapariyavedaniyakammam nama hoti. Tam anagate yada okasam labhati,
tada vipakam deti. Sati samsarappavattiya ahosikammam nama na hoti. Therassa pana
upapajjavedaniyanca aparapariyavedaniyancati imani dve kammani kammakkhayakarena
arahattamaggena samugghatitani, ditthadhammavedaniyam atthi. Tam arahattappattassapi
vipakam detiyeva. Tam sandhaya bhagava "yassa kho tvan"tiadimaha. Tasma yassa
khoti ettha yadisassa kho tvam brahmana kammassa vipakenati evam attho
veditabbo.
Abbha muttoti desanasisamattametam, abbha mahika dhumo rajo rahuti
imehi pana upakkilesehi mutto candima idha adhippeto. Yatha hi evam
nirupakkileso candima lokam pabhaseti, evam pamadakilesavimutto appamatto bhikkhu
imam attano khandhayatanadhatulokam pabhaseti, vihatakilesandhakaram karoti.
Kusalena pithiyyatiti 1- maggakusalena pithiyyati apatisandhikam kariyyati. Yunjati
buddhasasaneti buddhasasane kayena vacaya manasa ca yuttappayutto viharati.
Ima tisso therassa udanagatha nama.
Disa hi meti idam kira thero attano parittanakaram karonto aha.
Tattha disa hi meti mama sapatta. Ye mam evam upavadanti "yatha mayam angulimalena
maritanam natakanam vasena dukkham vediyama, evam angulimalopi vediyatu"ti, te
mayham disa catusaccadhammakatham sunantuti attho. Yunjantuti kayavacamanehi
yuttappayutta viharantu. Ye dhammamevadapayanti santoti ye santo sappurisa
dhammamyeva adapenti samadapenti ganhapenti, te manuja mayham sapatta bhajantu
sevantu payirupasantuti attho.
@Footnote: 1 Si. pithiyatiti, cha.Ma. pidhiyatiti
Avirodhappasamsinanti 1- avirodho vuccati metta, mettapasamsanti 2- attho.
Sunantu dhammam kalenati khane khane khantimettapatisankhasaraniyadhammam sunantu.
Tanca anuvidhiyantuti tanca dhammam anukarontu purentu.
Na hi jatu so mamam himseti yo mayham diso, so mam ekamseneva na
himseyya. Annam va pana kinci nanti na kevalam mam, annampi pana kanci puggalam
ma vihimsantu ma vihethentu. Pappuyya paramam santinti paramam santibhutam nibbanam
papunitva. Rakkheyya tasathavareti tasa vuccanti satanha, thavara nittanha.
Idam vuttam hoti:- yo nibbanam papunati, so sabbam tasathavaram rakkhitum samattho
hoti. Tasma mayhampi sadisa nibbanam papunanti, 3- evam mam ekamseneva na
himsissantiti. Ima tisso gatha attano parittam katum aha.
Idani attanova patipattim dipento udakanhi nayanti nettikatiadimaha.
Tattha nettikati ye matikam sodhetva bandhitabbatthane bandhitva udakam nayanti.
Usukarati usukaraka. Namayantiti telakanjikena makkhetva kukkule tapetva
unnatunnatatthane namenta ujum karonti. Tejananti kandam. Tanhi issaso
tejam karoti, paranca tajjeti, tasma tejananti vuccati. Attanam damayantiti yatha
nettika ujumaggena udakam nayanti, usukara tejanam, tacchaka ca darum ujum
karonti, evameva pandita attanam damenti ujukam karonti nibbisevanam
karonti.
Tadinati itthanitthadisu nibbikarena "pancahakarehi bhagava tadi,
itthanitthe tadi, vantaviti tadi, cattaviti tadi, tinnaviti tadi,
tanniddesa tadi"ti 4- evam tadilakkhanappattena satthaRa. Bhavanettiti bhavarajju,
tanhayetam namam. Taya hi gona viya givayam rajjuya, satta hadaye baddha
tantam bhavam niyanti, tasma bhavanettiti vuccati. Phuttho kammavipakenati maggacetanaya
phuttho. Yasma hi maggacetanaya kammam paccati vipaccati dayhati, parikkhayam gacchati,
tasma sa kammavipakoti vutta. Taya hi phutthatta esa. Anano nikkileso
@Footnote: 1 Ma.,ka. avirodhappasamsananti 2 Ma., tika. tappasamsakaranti, cha.
@mettapasamsakananti 3 cha.Ma. papunantu 4 khu. maha. 29/180,895/138,562 (sya)
Jato, na dukkhavedanaya anano. Bhunjamiti cettha theyyaparibhogo inaparibhogo
dayajjaparibhogo samiparibhogoti cattaro paribhoga veditabba. Tattha dussilassa
paribhogo theyyaparibhogo nama. So hi cattaro paccaye thenetva bhunjati.
Vuttampi cetam "theyyaya vo bhikkhave ratthapindo bhutto"ti 1- silavato pana
apaccavekkhanaparibhogo inaparibhogo nama. Sattannam sekkhanam paribhogo
dayajjaparibhogo nama. Khinasavassa paribhogo samiparibhogo nama. Idha kilesainanam
abhavam sandhaya "anano"ti vuttam, "anino"tipi patho. Samiparibhogam sandhaya
"bhunjami bhojanan"ti vuttam.
Kamaratisanthavanti duvidhesupi kamesu tanharatisanthavam ma anuyunjatha ma
karittha. Nayidam dummantitam mamati yam maya sammasambuddham disva pabbajissamiti
mantitam, tam mama mantitam na dummantitam. Samvibhattesu 2- dhammesuti aham satthati
evam loke uppannehi ye dhamma suvibhatta, tesu dhammesu yam settham
nibbanam, tadeva aham upagamam upagato sampatto, tasma mayham idam agamanam
svagatam nama gatanti. Tisso vijjati pubbenivasadibbacakkhuasavakkhayapanna. Katam
buddhassa sasananti yam buddhassa sasane kattabbakiccam atthi, tam sabbam maya
katam. Tihi vijjahi navahi ca lokuttaradhammehi desanam matthakam papesiti.
Papancasudaniya majjhimanikayatthakathaya
angulimalasuttavannana nitthita.
-------------
The Pali Atthakatha in Roman Book 9 page 238-249.
http://84000.org/tipitaka/atthapali/read_rm.php?B=9&A=6010&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=9&A=6010&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=13&i=521
เนื้อความพระไตรปิฎกฉบับหลวง :-
http://84000.org/tipitaka/read/r.php?B=13&A=8237
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=13&A=9770
The Pali Tipitaka in Roman Character :-
http://84000.org/tipitaka/read/roman_read.php?B=13&A=9770
Contents of The Tipitaka Volume 13
http://84000.org/tipitaka/read/?index_13
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]