ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 9 : PALI ROMAN Ma.A. (papa–ca.3)

                        7. Piyajatikasuttavannana
      [353] Evamme sutanti piyajatikasuttam. Tattha neva kammanta patibhantiti
na sabbena sabbam patibhanti, pakatiniyamena pana na patibhanti. Dutiyapadepi
eseva nayo. Ettha ca na patibhatiti na ruccati. Alahananti susanam. Annathattanti
@Footnote: 1 vi. mahavi. 1/195/126                     2 Si. savibhattesu, i. patibhattesu
Vivannataya annathabhavo. Indriyani nama manovinneyya dhamma, patitthitokasam
pana sandhaya idam vuttam. Piyajatikati piyato jayanti. Piyampabhavikati 1- piyato
pabhavanti.
      [355] Sace tam maharajati tassa attham asallakkhayamanapi satthari
saddhaya evam vadati. Cara pireti apehi amhakam pare, anajjhattikabhuteti attho.
Athava cara pireti parato gaccha, ma idha titthatipi attho.
      [356] Dvidha chetvati asina dve kotthase karonto chinditva.
Attanam upphalesiti 2- teneva asina attano udaram phalesi. Yadi hi tassa
sa appiya bhaveyya, idani annam matugamam ganhissamiti attanam na ghateyya.
Yasma panassa sa piya ahosi, tasma paralokepi taya saddhim samangibhavam
patthayamano evamakasi.
      [357] Piya te vajiriti evam kirassa ahosi "sacaham `bhutapubbam
maharaja imissayeva savatthiyam annatarissa itthiya'tiadikatham katheyyam, `ko
te evam akasi apehi natthi etan'ti mam patisedheyya, vattamaneneva nam
sannapessami"ti cintetva evamaha. Viparinamannathabhavati ettha maranavasena
viparinamo, kenaci saddhim palayitva gamanavasena annathabhavo veditabbo.
      Vasabhayati vasabha nama ranno eka devi, tam sandhayaha.
      Piya te ahanti kasma sabbapaccha aha? evam kirassa ahosi "ayam
Raja mayham kupito, sacaham sabbapathamam `piya te ahan'ti puccheyyam, `na me
tvam piya, cara pire'ti vadeyya, evam sante kathapatitthanam na labhissati"ti
kathaya patitthanattham sabbapaccha pucchi. Kasikosalesu chadditabhavena viparinamo,
patirajunam hatthagamanavasena annathabhavo veditabbo.
@Footnote: 1 ka. piyappabhutikati               2 Si.,i. opadesiti
      Acamehiti 1- acamanodakam dehi. Acamitva hatthapade dhovitva mukham
vikkhaletva sattharam namassitukamo evamaha. Sesam sabbattha uttanamevati.
                    Papancasudaniya majjhimanikayatthakathaya
                      piyajatikasuttavannana nitthita.
                           -----------



             The Pali Atthakatha in Roman Book 9 page 249-251. http://84000.org/tipitaka/atthapali/read_rm.php?B=9&A=6294&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=6294&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=13&i=535              เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=8452              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=10017              The Pali Tipitaka in Roman Character :- http://84000.org/tipitaka/read/roman_read.php?B=13&A=10017              Contents of The Tipitaka Volume 13 http://84000.org/tipitaka/read/?index_13

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com