ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 9 : PALI ROMAN Ma.A. (papa–ca.3)

                       10. Kannakatthalasuttavannana
      [375] Evamme sutanti kannakatthalasuttam. Tattha udannayanti 1-
udannati 2- tassa ratthassapi nagarassapi etadeva namam, bhagava udannanagaram
upanissaya viharati. Kannakatthale migadayeti tassa nagarassa avidure kannakatthalam
nama eko ramaniyo bhumibhago atthi, so miganam abhayatthaya dinnatta migadayoti
vuccati, tasmim kannakatthale migadaye kenacideva karaniyenati na annena,
anantarasutte vuttakaraniyena. 3- Soma ca bhagini sakula ca bhaginiti ima dve
bhaginiyo ranno pajapatiyo. Bhattabhihareti bhattam abhiharanatthane. Ranno
bhunjanatthanam hi sabbapi orodha katacchuadini gahetva rajanam upatthatum
gacchanti, tapi tatheva agamamsu.
      [376] Kim pana maharajati kasma evamaha? ranno garahaparimocanattham.
Evam hi parisa cinteyya 4- "ayam raja agacchamanova matugamanam sasanam
aroceti, mayam attano dhammataya bhagavantam datthum agatoti mannama, ayam pana
matugamanam sasanam gahetva agato, matugamadaso manne, esa pubbepi iminava
karanena agacchati"ti. Pucchito pana so attano agamanakaranam kathessati,
evamassa ayam garaha na uppajjissatiti garahamocanattham evamaha.
      [378] Abbhudahasiti kathesi. Sakideva sabbam nassati sabbam dakkhititi
yo ekavajjanena ekacittena atitanagatapaccuppannam sabbam nassati va
dakkhiti va, so natthiti attho. Ekena hi cittena atitam sabbam janissamiti
avajjitvapi atitam sabbam janitum na sakka, ekadesameva janati. Anagatapaccuppannam
pana tena cittena sabbeneva sabbam na janatiti. Esa nayo itaresu. Evam
ekacittavasenayam panho kathito. Heturupanti hetusabhavam karanajatikam. Saheturupanti
sakaranajatikam. Samparayikaham bhanteti samparayagunam aham bhante pucchami.
@Footnote: 1 cha.Ma. urunnayanti                   2 cha.Ma. urunnati, evamuparipi
@3 cha.Ma. vuttakaraniyeneva                4 Ma. cinteyyum
      [379] Pancimaniti imasmim sutte panca padhaniyangani lokuttaramissakani
kathitani. Kavalanganavasiculasamuddatthero 1- pana "tumhakam bhante kim
ruccati"ti vutte "mayham lokuttaranevati ruccati"ti aha. Padhanavemattatanti
padhanananattam. Annadisameva hi puthujjanassa padhanam, annadisam sotapannassa,
annadisam sakadagamino, annadisam anagamino, annadisam arahato,
annadisam asitimahasavakanam, annadisam dvinnam aggasavakanam, annadisam
paccekabuddhanam, annadisam sabbannubuddhanam. Puthujjanassa padhanam sotapannassa
padhanam na papunati .pe. Paccekabuddhassa padhanam sabbannubuddhassa padhanam
na papunati. Imamattham sandhaya "padhanavemattatam vadami"ti aha. Dantakaranam
gaccheyyunti  yam akutkaranam, anavacchindanam, dhurassa 2- acchindananti dantesu
karanam dissati, tam karanam upagaccheyyunti attho. Dantabhuminti dantehi
gantabbabhumim. Assaddhotiadisu puthujjanasotapannasakadagamianagamino cattaropi
assaddha nama. Puthujjano hi sotapannassa saddham appattoti assaddho, sotapanno
sakadagamissa, sakadagami anagamissa, anagami arahato saddham appattoti
assaddho. Abadho arahatopi uppajjatiti pancapi bahvabadha nama honti.
Ariyasavakassa pana satho mayaviti namam natthi. Teneva thero "pancangani
lokuttarani kathitaniti mayham ruccati"ti aha. Assakhalunkasuttante pana
"tayo ca bhikkhave assakhalunke tayo ca parisakhalunke desessami"ti 3- ettha
ariyasavakassapi sambodhinamam agatam, tassa vasena lokuttaramissaka kathitati
vuttam. Puthujjano pana sotapattimaggaviriyam asampatto .pe. Anagami
arahattamaggaviriyam asampattoti. Kusitopi assaddho viya cattaro ca honti, tatha
duppanno.
      Evam panettha opammasamsandanam veditabbam:- adantahatthiadayo viya hi
maggapadhanarahito puggalo. Dantahatthiadayo viya maggapadhanava. Yatha adantahatthiadayo
@Footnote: 1 cha.Ma. kathinanganavasiculasamuddatthero      2 Ma., ka. dhuraya
@3 an. tika. 20/141/280
Kutakaram akatva avicchinditva dhuram apatetva dantagamanam va gantum
dantabhumim va pattum na sakkonti, evameva 1- maggapadhanarahito maggapadhanavata
pattabbam papunitum nibbattetabbam gunam nibbattetum na sakkoti. Yatha pana
dantahatthiadayo kutakaram akatva avicchinditva dhuram apatetva dantagamanam
va gantum dantabhumim va pattum sakkonti, evameva maggapadhanava maggapadhanavata
pattabbam papunitum nibbattetabbam gunam nibbattetum sakkoti, idam vuttam hoti
"sotapattimaggapadhanava sotapattimaggapadhanavata pattokasam papunitum
nibbattetabbagunam nibbattetum sakkoti .pe. Arahattamaggapadhanava
arahattamaggapadhanavata pattokasam papunitum nibbattetabbagunam nibbattetum
sakkoti"ti.
      [380] Sammappadhanati maggapadhanena sammappadhana. Na kinci nanakaranam
vadami yadidam vimuttiya vimuttananti yam ekassa phalavimuttiya itarassa
phalavimuttim arabbha nanakaranam vattabbam siya, tam na kinci vadamiti attho.
Acciya va accinti acciya va accimhi. Sesapadadvayepi eseva nayo, bhummatthe
hi etam upayogavacanam. Kim pana tvam maharajati maharaja kim tvam "santi deva
catummaharajika, santi deva tavatimsa .pe. Santi deva paranimmitavattino,
santi deva taduttarin"ti 2- evam devanam atthibhavam na janasi, yena evam
vadehiti. Tato atthibhavam janami, manussalokam pana agacchanti nagacchantiti
idampucchanto yadi va te bhantetiadimaha. Sabyapajjhati sadukkha,
samucchedappahanena appahinacetasikadukkha. Agantaroti upapattivasena agantaro.
Abyapajjhati samucchinnadukkha. Anagantaroti upapattivasena anagantaro.
      [381] Pahotiti sakkoti. Raja hi punnavantampi labhasakkarasampannam
yatha na koci upasankamati, evam karonto tamha thana cavetum sakkoti.
Apunnavantampi sakalagamam pindaya caritva yapanamattam alabhantam yatha
labhasakkarasampanno hoti, evam karonto tamha thana cavetum sakkoti.
Brahmacariyavantampi itthihi saddhim sampayojetva silavinasam papento balakkarena va
@Footnote: 1 cha.Ma. evamevam, evamuparipi                  2 cha.Ma. tatuttarinti
Uppabbajento tamha thana cavetum sakkoti. Abrahmacariyavantampi sampannakamagunam
amaccam bandhanagaram pavesetva itthinam mukhampi passitum adento tamha thana
caveti nama. Ratthato pana yam icchati, tam pabbajeti nama.
      Dassanayapi nappahontiti kamavacare tava abyapajjhe deve sabyapajjha
deva cakkhuvinnanadassanayapi nappahonti. Kasma? arahato tattha thanabhavato.
Rupavacare pana ekavimanasmimyeva 1- titthanti ca nisidanti cati
cakkhuvinnanadassanaya pahonti, etehi dittham pana sallakkhitam patividdham salakkhanam 2-
datthum sallakkhitum pativijjhitum na sakkontiti nanacakkhuna 3- dassanaya nappahonti,
uparideve ca cakkhuvinnanadassanenapiti.
      [382] Ko namo ayam bhanteti raja theram janantopi ajananto viya
pucchati. Kasma? pasamsitukamataya. Anandarupoti anandasabhavo. Brahmapucchapi
vuttanayeneva veditabba. Athakho annataro purisoti sa kira katha vidudabheneva
kathita, te "taya kathita, taya kathita"ti kupita annamannam imasmimyeva thane
attano attano balakayam utthapetva kalahampi kareyyunti nivaranattham so
rajapuriso etadavoca. Sesam sabbattha uttanamevati. Ayam pana desana
neyyapuggalassa vasena nitthitati.
                    Papancasudaniya majjhimanikayatthakathaya
                     kannakatthalasuttavannana nitthita.
                       Catutthavaggavannana nitthita.
                          ------------
@Footnote: 1 Si. ekavimanasmim ye      2 cha.Ma. lakkhanam          3 Ma. vinnanacakkhuna



             The Pali Atthakatha in Roman Book 9 page 258-261. http://84000.org/tipitaka/atthapali/read_rm.php?B=9&A=6494&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=6494&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=13&i=571              เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=8962              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=10575              The Pali Tipitaka in Roman Character :- http://84000.org/tipitaka/read/roman_read.php?B=13&A=10575              Contents of The Tipitaka Volume 13 http://84000.org/tipitaka/read/?index_13

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com