ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 9 : PALI ROMAN Ma.A. (papa–ca.3)

                         5. Cankisuttavannana
      [422] Evammeva sutanti cankisuttam. Tattha devavane salavaneti tasmim
kira devatanam balikammam kariyati, tena tam devavanantipi salavanantipi vuccati.
Opasadam ajjhavasatiti opasadanamake brahmanagame vasati, abhibhavitva va avasati,
tassa sami hutva yaya mariyadaya tattha vasitabbam, taya mariyadaya vasati. Upasaggavasena
panettha bhummatthe upayogavacanam veditabbam. Tassa upayogattava sesapadesu. Tattha lakkhanam
saddasatthato pariyesitabbam. Sattussadanti sattehi ussadam ussannam, 1-
bahujanam akinnamanussam posavaniyahatthiassamoramigadianekasattasamakinnancati
attho. Yasma pana so gamo bahi avijjhitva jatena hatthiassadinam ghasatinena ceva
gehacchadanatinena ca sampanno, tatha darukatthehi ceva gehasmabharakatthehi ca, yasma
cassa abbhantare vattacaturassadisanthana bahu pokkharaniyo, jalajakusumavicittani ca bahi
anekani talakani va udakassa niccabharitaneva honti, tasma satinakatthodakanti vuttam.
      Saha dhannena sadhannam, pubbannaparannadibhedam bahudhannasannicayanti
attho. Ettavata yasmim game brahmano setacchattam ussapetva rajalilaya
vasati. Tassa samiddhisampatti dipita hoti. Rajato laddham bhoggam rajabhoggam.
Kena dinnanti ce, ranna pasenadina kosalena dinnam. Rajadayanti ranno
dayabhutam, dayajjanti attho. Brahmadeyyanti setthadeyyam, chattam ussapetva
rajasankhepena bhunjitabbanti attho. Athava rajabhogganti sabbam chejjabhejjam
anusasantena titthapabbatadisu sunkam ganhantena 2- setacchattam ussapetva
ranna hutva bhunjitabbam. Tattha ranna pasenadina kosalena dinnam rajadayanti
ettha ranna dinnatta rajadayam, dayakarajadipanattham panassa "ranna pasenadina
kosalena dinnan"ti idam vuttam. Brahmadeyyanti setthadeyyam, yatha dinnam
na puna gahetabbam hoti nissattham pariccattam, evam dinnanti attho.
@Footnote: 1 Ma. sattehi ussannam              2 Si. ganhantena setacchattam patigganhantena
      [423] Bahu bahu hutva ca sanghatati 1- samgha. 2- Ekekissa disaya 3-
samgho etesam atthiti sanghi. Pubbe gamassa anto agana bahi nikkhamitva
gana sampannati 4- ganibhuta. Uttarena mukhati uttaradisabhimukha. Khattam
amantesiti khatta vuccati pucchitapanhabyakaranasamattho mahamatto, tam
amantesi. Agamentuti muhuttam patimanentu 5- acchantuti vuttam hoti.
      [424] Nanaverajjakananti nanavidhesu rajjesu annesu kasikosaladisu
jata va nivasanti va, tato va agatati nanaverajjaka, tesam nanaverajjakanam.
Kenacidevati aniyamitena yannupasanadina kenaci kiccena. Te tassa gamanam
sutva cintesum "ayam cankiuggatabrahmano, yebhuyyena ca anne brahmana
samanam gotamam saranam gata, ayameva na gato. Svayam sace tattha gamissati, addha
samanassa gotamassa avattiyamayaya avattito 6- saranam gamissati. Tato etassapi
gehadvare brahmananam asannipato bhavissati. Handassa gamanantarayam karoma"ti
sammantayitva tattha agamamsu. Tam sandhaya "athakho te brahmana"tiadi vuttam.
      Tattha ubhatoti dvihipi pakkhehi. Matito ca pitito cati bhoto
mata brahmani, matumata brahmani, tassapi mata brahmani. Pita
brahmano, pitupita brahmano, tassapi pita brahmanoti evam bhavam ubhato
sujato matito ca pitito ca. Samsuddhagahanikoti samsuddha te matugahani, samsuddha
te kucchiti attho. Yava sattama pitamahayugati ettha pitupita pitamaho,
pitamahassa yugam pitamahayugam. Yuganti ayuppamanam vuccati. Pabhilapamattameva cetam,
atthato pana pitamahova pitamahayugam. Tato uddham sabbepi pubbapurisa
pitamahagahaneneva gahita. Evam yava sattamo puriso, tava samsuddhagahaniko. Athava
akkhitto anupakuttho jativadenati dasseti. Akkhittoti apanetha etam, kim
iminati evam akkhitto anuvakkhitto. Anupakutthoti na upakuttho, na akkosam
@Footnote: 1 Si.,ka.,Ma. samghatati         2 Si. samgho
@3 Ma. na ekikayadinna viya
@4 Ma. gana samhatati, ganasampattati su.vi 1/301-2/251
@5 Ma. adhivasentu             6 Ma. avancito
Va nindam va pattapubbo. Kena karanenati. Jativadena, itipi hinajatiko
esoti evarupena vacanenati attho. Iminapangenati iminapi karanena.
      Addhoti issaro. Mahaddhanoti mahata dhanena samannagato. Bhoto hi
gehe pathaviyam pamsuvalika viya bahudhanam, samano pana gotamo adhano bhikkhaya
udaram puretva yapetiti dasseti. Mahabhogoti pancakamagunavasena mahaupabhogo.
Evam yam yam gunam vadanti, tassa tassa patipakkhavasena bhagavato agunamyeva
dassessamati mannamana vadanti.
      Abhirupoti annehi manussehi adhikaruPo. Dassaniyoti divasampi passantanam
atittikaranato dassanayoggo dassaneneva cittappasadajananato pasadiko.
Pokkharata vuccati sundarabhavo, vannassa pokkharata vannapokkharata taya
vanna pokkharataya, vannasampattiyati attho. Porana pana pokkharanti sariram
vadanti, vannam vannameva. Tesam matena vanno ca pokkharanca vannapokkharani,
tesam bhavo vannapokkharata. Iti paramaya vannapokkharatayati uttamaparisuddhena
vannena ceva sarirasanthanasampattiya cati attho. Brahmavanniti setthavanni,
parisuddhavannesupi setthena suvannavanneneva samannagatoti attho. Brahmavacchasiti
mahabrahmuno sarirasadisena sarirena samannagato. Akhuddavakaso dassanayati
bhoto sariradassanassa okaso na khuddako maha. Sabbaneva te angapaccangani
dassaniyaneva, tani capi mahantanevati dipeti.
      Silamassa atthiti silava. Vuddham vaddhitam silamassati vuddhasili.
Vuddhasilenati vuddhena vaddhitena silena. Samannagatoti yutto, idam
vuddhasilipadasseva vevacanam. Sabbametam pancasilamattameva sandhaya vadanti.
      Kalyanavacotiadisu kalyana sundara parimandalapadabyanjana vaca
assati kalyanavaco. Kalyanam madhuram vakkaranam assati kalyanavakkarano.
Vakkarananti udaharanaghoso. Gunaparipunnabhavena pure bhavati pori. Pare
Va bhavatta pori. Nagarikitthiya sukhumalattanena sadisatipi pori. Taya poriya.
Vissatthayati apalibuddhaya, sandit 1- thavilambitadidosarahitaya. Anelagalayati
elagalena virahitaya. Ekaccassa hi kathentassa ela galati, lala va
paggharati, khelaphusitani va nikkhamanti, tassa vaca elagala nama hoti.
Tabbiparitayati attho. Atthassa vinnapaniyati adimajjhapariyosanam pakatam
katva bhasitatthassa vinnapanasamatthaya. Sesamettha brahmanavanne uttanameva.
      [425] Evam vutteti evantehi brahmanehi vutte canki "ime
brahmana attano vanne vuccamane atussanakasatto nama natthi, vannamassa
bhanitva nivaressamati jatiadihi mama vannam vadanti, na kho pana me
yuttam attano vanne rajjitum. 2- Handaham etesam vadam bhinditva samanassa
gotamassa mahantabhavam napetva etesam tattha gamanam karomi"ti cintetva
tenahi bho mamapi sunathatiadimaha. Tattha yepi "ubhato sujato"tiadayo
attano gunehi sadisa guna, tepi "kocaham, ke ca samanassa gotamassa
jatisampattiadayo guna"ti attano gunehi uttaritareyeva mannamano, itare
pana ekanteneva bhagavato mahantabhavadipattham pakaseti. Mayameva arahamati
evam niyamento cettha idam dipeti:- yadi gunamahantataya upasankamitabbo
nama hoti, yatha sinerum upanidhaya sasapo, mahasamuddam upanidhaya gopadakam,
sattasu mahasaresu udakam upanidhaya ussavabindu paritto lamako, evameva
samanassa gotamassa jatisampattiadayo gune upanidhaya amhakam guna paritta
lamaka, tasma mayameva arahama tam bhagavantam gotamam dassanaya upasankamitunti.
      Bhumigatanca vehasatthancati ettha rajangane ceva uyyane ca sudhamattha
pokkharaniyo sattaratanapurim katva bhumiyam thapitam dhanam bhumigatam nama, pasadaniyuhadayo
pana puretva thapitam vehasattham nama. Evam tava kulapariyayena agatam. Tathagatassa
pana jatadivaseyeva sankho elo uppalo pundarikoti cattaro nidhayo upagata.
Tesu sankho gavutiko, elo addhayojaniko, uppalo tigavutiko, pundariko
@Footnote: 1 Si. sandiddha                               2 Si. ranjitum
Yojanikoti. Tesupi gahitagahitatthanam puratiyeva. Iti bhagava pahutahirannasuvannam
ohaya pabbajitoti veditabbo. Daharo vatiadini hettha vittharitaneva.
      Akhuddavakasoti ettha bhagavati aparimanoyeva dassanavakasoti veditabbo.
Tatridam vatthu:- rajagahe kira annataro brahmano "samanassa kira gotamassa
pamanam gahetum na sakka"ti sutva bhagavato pindaya pavisanakale satthihattham
velum gahetva nagaradvarassa bahi thatva sampatte bhagavati velum gahetva
samipe atthasi, velu bhagavato jannumattam papuni. Punadivase dve velu ghatetva
samipe atthasi, bhagava dvinnam velunam upari dvivelumattameva 1- pannayamano
"brahmana kim karosi"ti aha. Tumhakam pamanam ganhamiti. "brahmana sacepi
tvam sakalacakkavalagabbham puretva thitavelum ghatetva agamissasi, neva me pamanam
gahetum sakkhissasi. Na hi maya cattari asankhyeyyani kappasatasahassanca tatha
paramiyo purita, yatha me paropamanam ganheyya, atulo brahmana tathagato
appameyyo"ti vatva dhammapade gathamaha. Gathapariyosane caturasitipanasahassani
amatam pivimsu.
      Aparampi vatthum:- rahu kira asurindo cattari yojanasahassani attha
ca yojanasatani ucco, bahantaramassa dvadasa yojanasatani, hatthatalapadatalani
puthulato tini yojanasatani, angulipabbani pannasayojanani, bhamukantaram
pannasayojanam, nalatam tiyojanasatam, sisam navayojanasatam. So "aham uccosmi, sattharam
onamitva oloketum na sakkhissami"ti na gacchati. So ekadivasam bhagavato
vannam sutva "yatha kathanca olokessami"ti agato. Bhagava tassa ajjhasayam
viditva "catusu iriyapathesu katarena dassemi"ti cintetva "thitako nama
nicopi ucco viya pannayati, nipannovassa attanam dassessami"ti "ananda
gandhakutiparivene mancakam pannapehi"ti vatva tattha sihaseyyam kappesi. Rahu
agantva nipannam bhagavantam givam unnametva nabhamajjhe punnacandam viya
ulloketi. Kimidam asurindati ca vutte bhagava onamitva oloketum na sakkhissamita
@Footnote: 1 Si. velumattameva
Na gacchanti. Na maya asurinda adhomukhena paramiyo purita, uddhaggam me
katva danam dinnanti. Tamdivasam rahu saranam agamasi. Evam bhagava akhuddavakaso
dassanaya.
      Catuparisuddhisilena silava. Tam pana silam ariyam uttamam parisuddham, tenaha
ariyasiliti. Tadeva anavajjatthena kusalam, tenaha kusalasiliti. Kusalena silenati
idamassa vevacanam. Bahunnam acariyapacariyoti bhagavato ekekaya dhammadesanaya
caturasitipanasahassani aparimanapi devamanussa maggaphalamatam pivanti. Tasma
bahunnam acariyo, savakavineyyanam pana pacariyoti.
      Khinakamaragoti ettha kamanca bhagavato sabbepi kilesa khina,
brahmano pana te na janati, attano jananatthaneyeva gunam katheti.
Vigatacapalloti "pattamandana civaramandana senasanamandana imassa va
putikayassa .pe. Kelana patikelana"ti 1- evam vuttacapalyavirahito.
      Apapapurekkharoti apape navalokuttaradhamme purato katva vicarati.
Brahmannaya pajayati sariputtamoggallanamahakassapadibhedaya brahmanapajaya.
Aviruddho hi so etissava pajaya purekkharo. Ayam hi paja samanam gotamam
purato katva caratiti attho. Apica apapapurekkharoti na papapurekkharo, na
papam purato katva carati, papam na icchatiti attho. Kassa? brahmannaya pajaya,
attana saddhim pativiruddhayapi brahmapajaya aviruddho hitasukhatthikoyevati vuttam
hoti.
      Tiroratthati pararatthato. Tirojanapadati parajanapadato. Sampucchitum agacchantiti
khattiyapanditadayo ceva brahmanagandhabbadayo ca panhe abhisankharitva
pucchissamati agacchanti. Tattha keci pucchaya va dosam vissajjanasampaticchane
va asamatthatam sallakkhetva apucchitvava tunhi nisidanti, keci pucchanti,
kesanci bhagava pucchayam ussaham janetva vissajjeti. Evam sabbesampi tesam
@Footnote: 1 Si. mu kelayana patikelayana, abhi. vi. 35/854/429
Vimatiyo tiram patva mahasamuddassa umiyo viya bhagavantam patvava bhijjanti.
Sesamettha tathagatassa vanne uttanameva.
      Atithi no te hontiti te amhakam agantuka navaka pahunaka
pahunaka hontiti attho. Pariyapunamiti janami. Aparimanavannoti. Tatharupeneva
sabbannunapi appameyyavanno, pageva madisenati dasseti. Vuttampi cetam:-
                 "buddhopi buddhassa bhaneyya vannam
                  kappampi ce annamabhasamano
                  khiyetha kappo ciradighamantare
                  vanno na khiyetha tathagatassa"ti.
      Imam pana gunakatham sutva te brahmana cintayimsu "yatha canki samanassa
gotamassa vannam bhasati, anomaguno so bhavam gotamo, evam tassa gune
janamanena kho pana imina aticiram adhivasitam, handa nam anuvattama"ti
anuvattamana "tenahi bho"tiadimahamsu.
      [426] Opatetiti paveseti. Sampurekkharontiti puttamattanattamattampi
samanam purato katva vicaranti.
      [427] Mantapadanti mantayeva mantapadam, vedoti attho. Itihitihaparamparayati
evam kira evam kirati paramparabhavena agatanti dipeti. Pitakasampadayati
pavacanasankhatasampattiya. Savittiadihi chandabandhehi ca vaggabandhehi ca
sampadetva agatanti dasseti. Tattha cati tasmim mantapade. Pavattaroti
pavattayitaro. Yesanti yesam santakam. Mantapadanti vedasankhatam mantameva. 1-
Gitanti atthakadihi dasahi poranakabrahmanehi padasampattivasena 2- sajjhayitam.
Pavuttanti annesam vuttam, vacitanti attho. Samihitanti samupabyulham 3-
rasikatam, pindam katva thapitanti attho. Tadanugayantiti etarahi brahmana tam tehi
pubbegitam 4- anugayanti anusajjhayanti vadenti. Tadanubhasantiti tam anubhasanti,
@Footnote: 1 Si. mantapadameva   2 si ka. sarasampattikasena    3 Si. samupabbulham
@4 Si. tehi sabbehi gitam
Idam purimasseva vevacanam. Bhasitamanubhasantiti tehi bhasitum sajjhayitam anusajjhayanti.
Vacitamanuvacentiti tehi annesam vacitam anuvacenti. Seyyathidanti te katameti
attho. Atthakotiadini tesam namani, te kira dibbena cakkhuna oloketva
parupaghatam akatva kassapasammasambuddhassa bhagavato pavacanena saha samsandetva
mante ganthesum, apare pana brahmana panatipatadini pakkhipitva tayo
vede bhinditva buddhavacanena saddhim viruddhamakamsu.
      [428] Andhaveniti andhaveni. Ekena hi cakkhumata gahitayatthiya kotim
eko andho ganhati, tam andham anno, tam annoti evam pannasa satthi
andha patipatiya ghatita andhaveniti vuccati. Paramparasamsattati annamannam
lagga, yatthiggahakenapi cakkhumata virahitati attho. Eko kira dhutto andhaganam
disva "asukasmim nama game khajjabhojjam sulabhan"ti ussadetva tehi "tattha
no sami nehi, idam nama te dema"ti vutte lancam gahetva antaramagge
magga okkamma mahantam gaccham anuparigantva purimassa hatthena pacchimassa
kaccham ganhapetva "kinci kammam atthi, gacchatha tava tumhe"ti vatva palayi.
Te divasampi gantva maggam avindamana "kaham bho cakkhuma kaham maggo"ti
paridevitva maggam avindamana tattheva marimsu. Te sandhaya vuttam
"paramparasamsatta"ti. Purimopiti purimesu dasasu brahmanesu ekopi. Majjhimopiti
majjhe acariyapacariyesu ekopi. Pacchimopiti idani brahmanesu ekopi.
      Panca khoti paliagatesu dvisu annepi evarupe tayo pakkhipitva
vadati. Dvidha vipakati bhutavipaka va abhutavipaka va. Nalametthati bharadvaja
saccam anurakkhissamiti patipannena vinnuna "yam maya gahitam, idameva saccam
moghamannan"ti ettha ekamseneva nittham gantum nalam na yuttanti upari pucchaya
maggam vicaritva thapesi.
      [430] Idha bharadvaja bhikkhuti jivakasutte 1- viya mahavacchasutte 2- viya
ca attanameva sandhaya vadati. Lobhaniyesu dhammesuti lobhadhammesu. Sesapadadvayepi
eseva nayo.
@Footnote: 1 Ma.Ma. 13/51 adi/33                      2 Ma.Ma. 13/193 adi/170
      [432] Saddham nivesetiti okappaniyasaddham niveseti. Upasankamatiti
upagacchati. Payirupasatiti santike nisidati. Sotanti pasadasotam odahati. Dhammanti
desanadhammam sunati. Dharetiti pagunam katva dhareti. Upaparikkhatiti atthato ca
karanato ca vimamsati. Nijjhanam khamantiti olokanam khamanti, idha silam kathitam,
idha samadhiti evam upatthahantiti attho. Chandoti kattukamyatachando. Ussahatiti
vayamati. Tuletiti aniccadivasena tireti. Padahatiti maggappadhanam padahati. Kayena
ceva paramatthasaccanti 1- sahajatanamakayena ca nibbanam sacchikaroti, pannaya
ca kilese nibbijjhitva tadeva vibhutam pakatam karonto passati.
      [433] Saccanubodhoti magganubodho. Saccanuppattiti phalasacchikiriyata. 2-
Tesamyevati hettha vuttanam dvadasannam, evam digham maggavadam anulometi,
tasma nayamattho. Ayam panettha attho:- tesamyevati tesam maggasampayuttadhammanam.
Padhananti maggappadhanam. Tam hi phalasacchikiriyasankhataya saccanuppattiya bahukaram,
magge asati phalabhavatoti imina nayena sabbapadesu attho veditabbo. Sesam sabbattha
uttanamevati.
                    Papancasudaniya majjhimanikayatthakathaya
                       cankisuttavannana nitthita.
                          -------------



             The Pali Atthakatha in Roman Book 9 page 298-306. http://84000.org/tipitaka/atthapali/read_rm.php?B=9&A=7504&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=7504&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=13&i=646              เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=10194              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=12085              The Pali Tipitaka in Roman Character :- http://84000.org/tipitaka/read/roman_read.php?B=13&A=12085              Contents of The Tipitaka Volume 13 http://84000.org/tipitaka/read/?index_13

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]