อรรถกถาเล่มที่ ๒ ภาษาบาลีอักษรไทย
 วินย.อ. (สมนฺต.๒)

                ปาฏิเทสนียกณฺฑวณฺณนา
         ปาฏิเทสนียา ธมฺมา   ขุทฺทกานํ อนนฺตรา
         ปิตา เย อยํ ทานิ   เตสํ ภวติ วณฺณนา ฯ
     {๕๕๒} ปมปาฏิเทสนีเย ตาว ฯ ปฏิกฺกมนกาเลติ ปิณฺฑาย จริตฺวา
ปฏิอาคมนกาเล ฯ สพฺเพว อคฺคเหสีติ สพฺพเมว อคฺคเหสิ ฯ
ปเวเธนฺตีติ กมฺปมานา ฯ อเปหีติ อปคจฺฉ น โอกาสํ เทถาติ
อตฺโถ ฯ {๕๕๓-๕๕๕} คารยฺหํ อาวุโสติอาทิ ปฏิเทเสตพฺพาการทสฺสนํ ฯ
รถิกาติ รจฺฉา ฯ พฺยูหนฺติ อนิวิชฺฌิตฺวา ิตา คตปจฺจาคตรจฺฉา ฯ
สึฆาฏกนฺติ จตุกฺโกณํ วา ติโกณํ วา มคฺคสโมธานฏฺานํ ฯ ฆรนฺติ
กุลฆรํ ฯ เอเตสุ รถิกาทีสุ ยตฺถกตฺถจิ ตฺวา คณฺหนฺตสฺส คหเณ
ทุกฺกฏํ ฯ อชฺโฌหารคณนาย ปาฏิเทสนียํ ฯ หตฺถิสาลาทีสุ
คณฺหนฺตสฺสาปิ เอเสว นโย ฯ ภิกฺขุนี รถิกาย ตฺวา เทติ ภิกฺขุ
อนฺตรารามาทีสุ ตฺวา คณฺหาติ อาปตฺติเยว ฯ อนฺตรฆรํ
ปวิฏฺายาติ หิ วจนโต ภิกฺขุนิยา อนฺตรฆเร ตฺวา ททมานาย
วเสเนตฺถ อาปตฺติ เวทิตพฺพา ฯ ภิกฺขุสฺส ิตฏฺานํ ปน
อปฺปมาณํ ฯ ตสฺมา สเจปิ วีถิอาทีสุ ิโต ภิกฺขุ อนฺตรารามาทีสุ
ตฺวา ททมานาย ภิกฺขุนิยา คณฺหาติ อนาปตฺติเยว ฯ ยามกาลิกํ
สตฺตาหกาลิกํ ยาวชีวิกํ อาหารตฺถาย ปฏิคฺคณฺหาติ อาปตฺติ
ทุกฺกฏสฺส อชฺโฌหาเร อชฺโฌหาเร อาปตฺติ ทุกฺกฏสฺสาติ อิทํ
อามิเสน อสํภินฺนํ สนฺธาย วุตฺตํ ฯ สํภินฺเน ปน เอกรเส
ปาฏิเทสนียเมว ฯ เอกโต อุปสมฺปนฺนายาติ ภิกฺขุนีนํ สนฺติเก
อุปสมฺปนฺนาย ฯ ภิกฺขูนํ สนฺติเก อุปสมฺปนฺนาย ปน ยถาวตฺถุกเมว ฯ
     {๕๕๖} ทาเปติ น เทตีติ อญฺาติกา อญฺเน เกนจิ ทาเปติ ตํ
คณฺหนฺตสฺส อนาปตฺติ ฯ อุปนิกฺขิปิตฺวา เทตีติ ภูมิยํ เปตฺวา
อิทํ อยฺย ตุมฺหากํ ทมฺมีติ เทติ ฯ เอวํ ทินฺนํ สาธุ ภคินีติ
สมฺปฏิจฺฉิตฺวา ตายเอว วา ภิกฺขุนิยา อญฺเน วา เกนจิ
ปฏิคฺคาหาเปตฺวา ภุญฺชิตุํ วฏฺฏติ ฯ สเจ หิ หตฺถคเต ปตฺเต
อามิสํ คณฺเหยฺย ปริจฺจตฺตํ เต มยาติ เทติ ภิกฺขุ คหิตํ
ภคินีติ ปฏิคฺคณฺหาติ คณฺหนฺตสฺส อาปตฺตีติ วทนฺติ ฯ สิกฺขมานาย
สามเณริยาติ เอตาสํ ททมานานํ คณฺหนฺตสฺส อนาปตฺติ ฯ
เสสเมตฺถ อุตฺตานเมว ฯ เอฬกโลมสมุฏฺานํ กิริยา โนสญฺาวิโมกฺขํ
อจิตฺตกํ ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ
                     ปมปาฏิเทสนียํ ฯ

             อรรถกถาภาษาบาลีอักษรไทย เล่มที่ ๒ หน้า ๔๘๘-๔๘๙.
http://84000.org/tipitaka/atthapali/read_th.php?B=2&A=10284&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=10284&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=2&i=781
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=2&A=14785
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=2&A=9267
             The Pali Tipitaka in Roman Character :-
http://84000.org/tipitaka/read/roman_read.php?B=2&A=9267
             สารบัญพระไตรปิฎกเล่มที่ ๑
http://84000.org/tipitaka/read/?index_2