อรรถกถาเล่มที่ ๑๑ ภาษาบาลีอักษรไทย
 สํ.อ. (สารตฺถ.๑)

                สจฺจวาที อธิมุตฺโต              ยํ ทิสฺวา น นิวารเย
                อธิมุตฺตสฺส สุจิณฺเณน             สจฺจวาทิสฺส ภิกฺขุโน.
                สพฺเพว อภยํ ปตฺตา             โสตฺถึ คจฺฉนฺตุ าตโยติ.
       เอวํ เต โจเรหิ วิสฺสชฺชิตา คนฺตฺวา อธิมุตฺตํ อาหํสุ:-
               "ตว ตาต สุจิณฺเณน              สจฺจวาทิสฺส ภิกฺขุโน
                สพฺเพว อภยํ ปตฺตา             โสตฺถิปจฺจาคมามฺหเส"ติ. ๑-
          เต ๒- ปญฺจสตา โจรา ปสาทํ อาปชฺชิตฺวา อธิมุตฺตสฺส สามเณรสฺส
สนฺติเก ปพฺพชึสุ. โส เต อาทาย อุปชฺฌายสฺส สนฺติกํ คนฺตฺวา ปมํ อตฺตนา
อุปสมฺปนฺโน ปจฺฉา เต ปญฺจสเต อตฺตโน อนฺเตวาสิเก กตฺวา อุปสมฺปาเทสิ.
เต อธิมุตฺตตฺเถรสฺส โอวาเท ิตา สพฺเพ อคฺคผลํ อรหตฺตํ ปาปุณึสุ. อิมมตฺถํ
คเหตฺวา เทวตา "สตํ  สทฺธมฺมมญฺาย, าติมชฺเฌ วิโรจตี"ติ อาห.
          สาตตนฺติ สตตํ สุขํ วา จิรํ สุขํ วา ๓- ติฏฺนฺตีติ วทติ. สพฺพาสํ โวติ
สพฺพาสํ ตุมฺหากํ. ปริยาเยนาติ การเณน. สพฺพทุกฺขา ปมุจฺจตีติ น เกวลํ
เสยฺโยว โหติ, น จ เกวลํ ปญฺ ลภติ, โสกมชฺเฌ น โสจติ, าติมชฺเฌ
วิโรจติ, สุคติยํ นิพฺพตฺตติ, จิรํ สุขํ ติฏฺติ, สกลสฺมา ปน วฏฺฏทุกฺขาปิ
ปมุจฺจตีติ. ปมํ.

             อรรถกถาภาษาบาลีอักษรไทย เล่มที่ ๑๑ หน้า ๕๗.
http://84000.org/tipitaka/atthapali/read_th.php?B=11&A=1492&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=1492&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=15&i=78
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=480
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=424
             The Pali Tipitaka in Roman Character :-
http://84000.org/tipitaka/read/roman_read.php?B=15&A=424
             สารบัญพระไตรปิฎกเล่มที่ ๑๕
http://84000.org/tipitaka/read/?index_15