อรรถกถาเล่มที่ ๑๑ ภาษาบาลีอักษรไทย
 สํ.อ. (สารตฺถ.๑)

                            ๖. ชราวคฺค
                         ๑. ชราสุตฺตวณฺณนา
    [๕๑] ชราวคฺคสฺส ปฐเม สาธูติ ลทฺธกํ ภทฺทกํ. สีลํ ยาว ชราติ
อิมินา อิทํ ทสฺเสติ:- ยถา มุตฺตามณิรตนวตฺถาทีนิ ๒- อาภรณานิ ตรุณกาเลเยว
โสภนฺติ, ชราชิณฺณกาเล ตานิ ธาเรนฺโต "อยํ อชฺชาปิ พาลภาวํ ปตฺเถติ,
อุมฺมตฺตโก มญฺเญ"ติ วตฺตพฺพตํ อาปชฺชติ, น เอวํ สีลํ. สีลํ หิ นิจฺจกาลํ
โสภติ. พาลกาเลปิ หิ สีลํ รกฺขนฺติ ๓- "กึ อิมสฺส สีเลนา"ติ วตฺตาโร นตฺถิ,
มชฺฌิมกาเลปิ มหลฺลกกาเลปีติ.
        สทฺธา สาธุ ปติฏฺฐิตาติ หตฺถอาฬวกจิตฺตคหปติอาทีนํ วิย มคฺเคน
อาคตา ปติฏฺฐิตสทฺธา นาม สาธุ. ปญฺญา นรานํ รตนนฺติ เอตฺถ จิตฺตีกตฏฺฐาทีหิ
รตนํ เวทิตพฺพํ. วุตฺตํ เหตํ:-
            "ยทิ จิตฺตีกตนฺติ รตนํ, นนุ ภควา จิตฺตีกโต ปุริสสีโห, เยปิ ๔-
        โลเก จิตฺตีกตา, เตสํ จิตฺตีกโต ภควา. ยทิ รติกรนฺติ ๕- รตนํ, นนุ
        ภควา รติกโร ปุริสสีโห, ตสฺส วจเนน จรนฺตา ฌานรติสุเขน
        รติสุเขน ๖- อภิรมนฺติ. ยทิ อตุลฺยนฺติ รตนํ, นนุ ภควา อตุลฺโย ๗-
        ปุริสสีโห. น หิ สกฺกา ตุเลตุํ คุเณหิ คุณปารมิคโต. ยทิ ทุลฺลภนฺติ
        รตนํ, นนุ ภควา ทุลฺลโภ ปุริสสีโห. ยทิ อโนมสตฺตปริโภคนฺติ
@เชิงอรรถ: ๑ ฉ.ม., อิ. กุสลํ อนวชฺชํ   ๒ ฉ.ม., อิ. มุตฺตามณิรตฺตวตฺถาทีนิ
@๓ ฉ.ม., อิ. รกฺขนฺตํ  ๔ ฉ.ม., อิ.เย จ   ๕ สี. รติกตนฺติ
@๖ ฉ.ม., อิ. อยํ สทฺโท น ทิสฺสติ   ๗ ฉ.ม. อตุโล
        รตนํ, นนุ ภควา อโนโม สีเลน สมาธินา ปญฺญาย วิมุตฺติยา
        วิมุตฺติญาณทสฺสเนนา"ติ.
        อิธ ปน ทุลฺลภปาตุภาวฏฺเฐน ปญฺญา "รตนนฺ"ติ วุตฺตํ. ปุญฺญนฺติ
ปุญฺญเจตนา, สา หิ อรูปตฺตา ปริหริตุํ น สกฺกาติ. ปฐมํ.

             อรรถกถาภาษาบาลีอักษรไทย เล่มที่ ๑๑ หน้า ๘๙-๙๐.
http://84000.org/tipitaka/atthapali/read_th.php?B=11&A=2343&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=2343&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=15&i=158
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=1075
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=936
             The Pali Tipitaka in Roman Character :-
http://84000.org/tipitaka/read/roman_read.php?B=15&A=936
             สารบัญพระไตรปิฎกเล่มที่ ๑๕
http://84000.org/tipitaka/read/?index_15