อรรถกถาเล่มที่ ๓๗ ภาษาบาลีอักษรไทย
 ชา.อ.๓ ทุกนิปาตวณฺณนา

                      ๙ สีหจมฺมชาตกํ
     เนตํ สีหสฺส นทิตนฺติ อิทํ สตฺถา เชตวเน วิหรนฺโต โกกาลิกญฺเว
อารพฺภ กเถสิ ฯ
     โส อิมสฺมึ กาเล สรภญฺ ภณิตุกาโม อโหสิ ฯ สตฺถา
ตํ ปวตฺตึ สุตฺวา อตีตํ อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
กสกกุเล นิพฺพตฺติตฺวา วยปฺปตฺโต กสิกมฺเมเนว ชีวิตํ กปฺเปสิ ฯ
ตสฺมึ กาเล เอโก วาณิโช คทฺรภภารเกน โวหารํ กโรนฺโต วิจรติ ฯ
โส คตคตฏฺาเน คทฺรภสฺส ปิฏฺิโต ภณฺฑิกํ โอตาเรตฺวา คทฺรภํ
สีหจมฺเมน ปารุเปตฺวา สาลิยวเขตฺเตสุ วิสฺสชฺเชติ ฯ เขตฺตรกฺขิกา
ตํ ทิสฺวา สีโหติ สญฺาย อุปสงฺกมิตุํ น สกฺโกนฺติ ฯ อเถกทิวสํ
โส วาณิโช เอกสฺมึ คามทฺวาเร นิวาสํ คเหตฺวา ปาตราสํ ปจาเปนฺโต
ตโต คทฺรภํ สีหจมฺเมน ปารุเปตฺวา ยวเขตฺเต วิสฺสชฺเชสิ ฯ
เขตฺตรกฺขิกา ตํ ทิสฺวา สีโหติ สญฺาย ตํ อุปสงฺกมิตุํ อสกฺโกนฺโต
เคหํ คนฺตฺวา อาโรเจสุํ ฯ สกลคามวาสิโน อาวุธานิ คเหตฺวา
สงฺเข ธเมนฺตา เภริโย วาเทนฺตา เขตฺตสมีปํ คนฺตฺวา อุนฺนทึสุ ฯ
คทฺรโภ มรณภยภีโต คทฺรภรวํ รวิ ฯ อถสฺส คทฺรภภาวํ ตฺวา
โพธิสตฺโต ปมํ คาถมาห
         เนตํ สีหสฺส นทิตํ       น พฺยคฺฆสฺส น ทีปิโน,
         ปารุโต สีหจมฺเมน      ชมฺโม นทติ คทฺรโภติ ฯ
     ตตฺถ ชมฺโมติ ลามโก ฯ
     คามวาสิโนปิ ตสฺส คทฺรภภาวํ ตฺวา อฏฺีนิ ภญฺชนฺตา
โปเถตฺวา ปาเตตฺวา สีหจมฺมํ อาทาย อคมํสุ ฯ อถ โส วาณิโช
อาคนฺตฺวา ตํ พฺยสนปฺปตฺตํ คทฺรภํ ทิสฺวา ทุติยํ คาถมาห
         จิรมฺปิ โข ตํ ขาเทยฺย   คทฺรโภ หริตํ ยวํ
         ปารุโต สีหจมฺเมน      รวมาโนว ทูสยีติ ฯ
     ตตฺถ ตนฺติ นิปาตมตฺตํ ฯ อยํ คทฺรโภ อตฺตโน คทฺรภภาวํ
อชานาเปตฺวา สีหจมฺเมน ปารุโต จิรมฺปิ กาลํ หริตํ ยวํ ขาเทยฺยาติ
อตฺโถ ฯ รวมาโนว ทูสยีติ อตฺตโน ปน คทฺรภรวํ รวมาโน
เจส อตฺตานํ ทูสยิ, นตฺเถตฺถ สีหจมฺมสฺส โทโสติ ฯ
     ตสฺมึ เอวํ วทนฺเต เยว คทฺรโภ ตตฺเถว นิปนฺโน มริ ฯ
วาณิโชปิ ตํ ปหาย ปกฺกามิ ฯ
     สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา
คทฺรโภ โกกาลิโก อโหสิ, ปณฺฑิตกสโก ปน อหเมวาติ ฯ
                    สีหจมฺมชาตกํ นวมํ ฯ
                      -----------

             อรรถกถาภาษาบาลีอักษรไทย เล่มที่ ๓๗ หน้า ๑๔๔-๑๔๖.
http://84000.org/tipitaka/atthapali/read_th.php?B=37&A=2873&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=37&A=2873&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=227
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=1377
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=1364
             The Pali Tipitaka in Roman Character :-
http://84000.org/tipitaka/read/roman_read.php?B=27&A=1364
             สารบัญพระไตรปิฎกเล่มที่ ๒๗
http://84000.org/tipitaka/read/?index_27