อรรถกถาเล่มที่ ๓๗ ภาษาบาลีอักษรไทย
 ชา.อ.๓ ทุกนิปาตวณฺณนา

ยมาหุ โกมาริปตีติปิ ปาโ ฯ อยเมว หิ โปตฺถเกสุ ลิขิโต ฯ
ตสฺสาปิ อยเมวตฺโถ ฯ วจนวิปลฺลาโส ปเนตฺถ เวทิตพฺโพ ฯ ยํ หิ
เตน รญฺา วุตฺตํ ตเทว อิธ อาคตํ ฯ วชฺฌิตฺถิโยติ อิตฺถิโย นาม
วชฺฌา วธิตพฺพา เอว ฯ นตฺถิ อิตฺถีสุ สจฺจนฺติ เอตาสุ สจฺจภาโว
นาเมโก นตฺถิ ฯ อิมญฺจ ชมฺมนฺติ อาทิ ทฺวินฺนมฺปิ เตสํ ทณฺฑาณาปนวเสน ๑-
วุตฺตํ ฯ ตตฺถ ชมฺมนฺติ ลามกํ ฯ มุสเลน หนฺตฺวาติ มุสเลน
ปหริตฺวา โปเถตฺวา อฏฺีนิ ภญฺชิตฺวา จุณฺณวิจุณฺณํ กตฺวา ฯ
ลุทฺทนฺติ ทารุณํ ฯ ฉวนฺติ คุณาภาเวน นิชฺชีวมตสทิสํ ๒- ฯ อิมิสฺสา
จ นนฺติ เอตฺถ นนฺติ นิปาตมตฺตํ ฯ อิมิสฺสา จ ปาปปติพฺพตาย
อนาจาราย ทุสฺสีลาย ชีวนฺติยา ว กณฺณนาสํ ฉินฺทถาติ อตฺโถ ฯ
     โพธิสตฺโต โกธํ อธิวาเสตุํ อสกฺโกนฺโต เอวํ เตสํ ทณฺฑานิ
อาณาเปตฺวาปิ น ตถา กาเรสิ ฯ โกธํ ปน มนฺทํ กตฺวา, ยถา
สา ปจฺฉึ สีสโต โอโรเปตุํ น สกฺโกติ, เอวํ คาฬฺหํ ตํ พนฺธาเปตฺวา
โกณฺฑํ ตตฺถ ปกฺขิปาเปตฺวา อตฺตโน ชีวิตา นีหราเปสิ ฯ
     สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา
ชาตกํ สโมธาเนสิ ฯ สจฺจปริโยสาเน อุกฺกณฺิตภิกฺขุ โสตาปตฺติผเล
ปติฏฺหิ ฯ ตทา ฉ ภาตโร อญฺตรา เถรา อเหสุํ ฯ ภริยา
จิญฺจมานวิกา, โกณฺโฑ เทวทตฺโต, โคธราชา อานนฺโท, ปทุมราชา
ปน อหเมวาติ ฯ
                   จุลฺลปทุมชาตกํ ตติยํ ฯ
@เชิงอรรถ: ๑ ทณฺฑาโรปนวเสนาติปิ ฯ    ๒ นิชฺชีวํ มตสทิสนฺติปิ ฯ

             อรรถกถาภาษาบาลีอักษรไทย เล่มที่ ๓๗ หน้า ๑๖๐.
http://84000.org/tipitaka/atthapali/read_th.php?B=37&A=3163&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=37&A=3163&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=235
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=1416
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=1401
             The Pali Tipitaka in Roman Character :-
http://84000.org/tipitaka/read/roman_read.php?B=27&A=1401
             สารบัญพระไตรปิฎกเล่มที่ ๒๗
http://84000.org/tipitaka/read/?index_27