อรรถกถาเล่มที่ ๒ ภาษาบาลีอักษรไทย
 วินย.อ. (สมนฺต.๒)

     {๕๘๖} รูปิเย รูปิยสญฺญีติ เอตฺถ สพฺพํปิ ชาตรูปรชตญฺจ
รูปิยสงฺคหเมว คตนฺติ เวทิตพฺพํ ฯ รูปิเย เวมติโกติ สุวณฺณํ นุโข
ขรปตฺตํ นุโขติ อาทินา นเยน สํสยชาโต ฯ รูปิเย อรูปิยสญฺญีติ
สุวณฺณาทีสุ ขรปตฺตาทิสญฺญี ฯ อปิจ ปุญฺญกามา ราโชโรธาทโย
ภตฺตขชฺชกคนฺธปิณฺฑาทีสุ ปกฺขิปิตฺวา หิรญฺญสุวณฺณํ เทนฺติ
โจลภิกฺขาย จรนฺตานํ ทุสฺสนฺเต พทฺธกหาปณาทีหิเยว สทฺธึ โจลกานิ
เทนฺติ  ภิกฺขู ภตฺตาทิสญฺญาย วา โจลกสญฺญาย วา ปฏิคฺคณฺหนฺติ
เอวํ รูปิเย อรูปิยสญฺญี รูปิยํ ปฏิคฺคณฺหาตีติ เวทิตพฺโพ ฯ
ปฏิคฺคณฺหนฺเตน ปน อิมสฺมึ เคเห อิทํ ลทฺธนฺติ สลฺลกฺเขตพฺพํ ฯ
เยน หิ อสติยา ทินฺนํ โหติ โส สตึ ปฏิลภิตฺวา ปุน อาคจฺฉติ ฯ
อถสฺส วตฺตพฺพํ ตว โจลกํ ปสฺสาหีติ ฯ เสสเมตฺถ
อุตฺตานตฺถเมว ฯ
     สมุฏฺฐานาทีสุ ฉสฺสมุฏฺฐานํ สิยา กิริยา คหเณน อาปชฺชนโต
สิยา อกิริยา ปฏิกฺเขปสฺส อกรณโต รูปิยอญฺญวาทกอุปสฺสุติสิกฺขาปทานิ
หิ ตีณิ เอกปริจฺเฉทานิ โนสญฺญาวิโมกฺขํ อจิตฺตกํ
ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ
                   รูปิยสิกฺขาปทํ นิฏฺฐิตํ ฯ

             อรรถกถาภาษาบาลีอักษรไทย เล่มที่ ๒ หน้า ๒๓๓.
http://84000.org/tipitaka/atthapali/read_th.php?B=2&A=4892&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=4892&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=2&i=105
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=2&A=2567
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=2&A=1560
             The Pali Tipitaka in Roman Character :-
http://84000.org/tipitaka/read/roman_read.php?B=2&A=1560
             สารบัญพระไตรปิฎกเล่มที่ ๑
http://84000.org/tipitaka/read/?index_2