อรรถกถาเล่มที่ ๓๖ ภาษาบาลีอักษรไทย
 ชา.อ.๒ เอกนิปาต(๒)

                       ๘ มูสิกชาตกํ
     โย เว ธมฺมทฺธชํ กตฺวาติ อิทํ สตฺถา เชตวเน วิหรนฺโต
เอกํ กุหกํ ภิกฺขุํ อารพฺภ กเถสิ ฯ
     ตทา หิ สตฺถา ตสฺส กุหกภาเว อาโรจิเต น ภิกฺขเว อิทาเนว
ปุพฺเพเปส กุหโกเยวาติ วตฺวา อตีตํ อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
มูสิกโยนิยํ ปฏิสนฺธึ คเหตฺวา วุฑฺฒิมนฺวาย มหาสรีโร
สูกรจฺฉาปกสทิโส หุตฺวา อเนกสตมูสิกาหิ ปริวุโต อรญฺเ วิจรติ ฯ
อเถโก สิคาโล อิโต จิโต จ วิจรนฺโต ตํ มูสิกยูถํ ทิสฺวา
อิมา มูสิกา วญฺเจตฺวา ขาทิสฺสามีติ จินฺเตตฺวา มูสิกานํ อาสยสฺส
อวิทูเร สุริยาภิมุโข วาตํ ปิวนฺโต เอเกน ปาเทน อฏฺาสิ ฯ
โพธิสตฺโต โคจราย จรมาโน ตํ ทิสฺวา สีลวา เอโส ภวิสฺสตีติ
ตสฺส สนฺติกํ คนฺตฺวา ภนฺเต ตฺวํ โก นามาติ ปุจฺฉิ ฯ ธมฺมิโก
นามาติ ฯ จตฺตาโร ปาเท ภูมิยํ อฏฺเปตฺวา กสฺมา เอเกเนว
ิโตสีติ ฯ มยิ จตฺตาโร ปาเท ปวิยํ เปนฺเต ปวี สหิตุํ น
สกฺโกติ ตสฺมา เอเกเนว ติฏฺามีติ ฯ มุขํ วิวริตฺวา กสฺมา
โตสีติ ฯ มยํ อญฺ น ภกฺขยาม วาตเมว ภกฺขยามาติ ฯ
อถ กสฺมา สุริยาภิมุขา ติฏฺถาติ ฯ สุริยํ นมสฺสามาติ ฯ
โพธิสตฺโต ตสฺส วจนํ สุตฺวา สีลวา เอโส ภวิสฺสตีติ ตโต
ปฏฺาย มูสิกคเณน สทฺธึ สายํ ปาตํ ตสฺส อุปฏฺานํ คจฺฉติ ฯ
อถสฺส อุปฏฺานํ กตฺวา คมนกาเล สิคาโล สพฺพปจฺฉิมํ มูสิกํ
คเหตฺวา มํสํ ขาทิตฺวา อชฺโฌหริตฺวา มุขํ ปุญฺฉิตฺวา ติฏฺติ ฯ
อนุปุพฺเพน มูสิกคโณ ตนุโก ชาโต ฯ มูสิกา ปุพฺเพ อมฺหากํ
อาสโย นปฺปโหติ มยํ นิรนฺตรา ติฏฺาม อิทานิ สิถิโล เอวมฺปิ
อาสโย น ปูรเตว กึ นุ โข เอตนฺติ โพธิสตฺตสฺส ปวุตฺตึ
อาโรเจสุํ ฯ โพธิสตฺโต เกน นุ โข การเณน มูสิกา ตนุกาติ จินฺเตนฺโต
สิคาเล อาสงฺกํ เปตฺวา วีมํสิสฺสามิ นนฺติ อุปฏฺานกาเล
เสสมูสิกา ปุรโต กตฺวา สยํ ปจฺฉโต อโหสิ ฯ สิคาโล ตสฺส อุปริ
ปกฺขนฺทิ ฯ โพธิสตฺโต อตฺตโน คหณตฺถาย ตํ ปกฺขนฺตํ ทิสฺวา
นิวตฺเตตฺวา โภ สิคาล อิทนฺเต วตฺตสมาทานํ น ธมฺมสุธมฺมตาย
ปเรสมฺปน วิหึสนตฺถาย ธมฺมทฺธชํ กตฺวา จรสีติ วตฺวา อิมํ คาถมาห
         โย เว ธมฺมทฺธชํ กตฺวา  นิคุยฺโห ปาปมาจเร
         วิสฺสาสยิตฺวา ภูตานิ     พิฬารนฺนาม ตํ วตนฺติ ฯ
     ตตฺถ โย เวติ ขตฺติยาทีสุ โยโกจิเทว ฯ ธมฺมทฺธชํ กตฺวาติ
ทสกุสลกมฺมปถํ ธมฺมทฺธชํ กตฺวา ตํ กโรนฺโต วิย อุสฺสาเปตฺวา
ทสฺเสนฺโตติ อตฺโถ ฯ วิสฺสาสยิตฺวาติ สีลวา อยนฺติ สญฺาย
สญฺชาตวิสฺสาสานิ กตฺวา ฯ พิฬารนฺนาม ตํ วตนฺติ ตํ เอวํ ธมฺมทฺธชํ
กตฺวา รโห ปาปานิ กโรนฺตสฺเสว วตํ เกราฏิกวตนฺนาม โหตีติ
อตฺโถ ฯ
     มูสิกราชา กเถนฺโตว อุปฺปติตฺวา ตสฺส คีวายํ ปติตฺวา
หนุกสฺส เหฏฺา อนฺโตคลนาฬิยํ ฑํสิตฺวา ชีวิตกฺขยํ ปาเปสิ ฯ
มูสิกคโณ นิวตฺติตฺวา สิคาลํ มุรุมุราติ ขาทิตฺวา อคมาสิ ฯ
ปมาคตาปิ กิรสฺส มํสํ ลภึสุ ปจฺฉา อาคตา น ลภึสุ ฯ ตโต
ปฏฺาย มูสิกคโณ นิพฺภโย ชาโต สุขลาโภ ฯ
     สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา
สิคาโล กุหกภิกฺขุ อโหสิ มูสิกราชา ปน อหเมวาติ ฯ
                     มูสิกชาตกํ อฏฺมํ ฯ
                        -------

             อรรถกถาภาษาบาลีอักษรไทย เล่มที่ ๓๖ หน้า ๓๓๘-๓๔๐.
http://84000.org/tipitaka/atthapali/read_th.php?B=36&A=6737&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=36&A=6737&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=128
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=843
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=836
             The Pali Tipitaka in Roman Character :-
http://84000.org/tipitaka/read/roman_read.php?B=27&A=836
             สารบัญพระไตรปิฎกเล่มที่ ๒๗
http://84000.org/tipitaka/read/?index_27