อรรถกถาเล่มที่ ๔๐ ภาษาบาลีอักษรไทย
 ชา.อ.๖ เอกาทสก-ปกิณฺณก

     ตตฺถ วุตฺถํ เม ภวนํ ทิพฺยนฺติ เวชยนฺตํ สนฺธายาห ฯ
โสหํ เอตาทิสนฺติ ตาต นารท โสหํ พุทฺธาเณน อปริฉินฺทิยํ
เอวรูปํ กามคุณสมฺปตฺตึ ปหาย ปุญฺกรณตฺถาย อิธาคโต ฯ
อทณฺฑาวจรนฺติ อทณฺเฑหิ นิกฺขิตฺตทณฺฑสตฺเถหิ อวจริตพฺพํ
สมฺมาทิฏฺิปุเรกฺขารํ อฏฺงฺคิกํ มคฺคํ ฯ สุพฺพตาติ เยน มคฺเคน
สุพฺพตา สพฺพญฺู พุทฺธา คจฺฉนฺติ อหมฺปิ อคตปุพฺพํ ทิสํ คนฺตุํ
โพธิตเล นิสีทิตฺวา ตเมว มคฺคํ ปฏิปชฺชิสฺสามีติ ฯ
     เอวํ โพธิสตฺโต อิมา คาถา สพฺพญฺุตาเณ ขิปิตฺวา
กเถสิ ฯ อถ นํ นารโท ปุนปิ อาห รชฺชํ เยว อนุสาสาติ ฯ
ตาต น เม รชฺเชนตฺโถ สตฺต วสฺสสตานิ นิฏฺิตทานํ สตฺตาเหเนว
ทาตุกาโมมฺหีติ ฯ นารโท สาธูติ ตสฺส วจนํ สมฺปฏิจฺฉิตฺวา
มหาทานํ ปฏิยาเทสิ ฯ ราชา สตฺตาหํ มหาทานํ ทตฺวา สตฺตเม
ทิวเส กาลํ กตฺวา ตาวตึสภวเนเยว นิพฺพตฺติ ฯ
     สตฺถา อิมํ ธมฺมเทสนํ อาหริตฺวา เอวํ อุปาสกา วสิตพฺพยุตฺตกํ
อุโปสถกมฺมนฺนามาติ ทสฺเสตฺวา สจฺจานิ ปกาเสตฺวา ชาตกํ
สโมธาเนสิ (สจฺจปริโยสาเน เตสุ อุโปสถิเกสุ เกจิ โสตาปตฺติผเล
เกจิ สกทาคามิผเล เกจิ อนาคามิผเล เกจิ อรหตฺตผเล ปติฏฺหึสุ)
ตทา นารทราชา สารีปุตฺโต มาตลิ อานนฺโท อโหสิ สกฺโก
อนุรุทฺโธ เสสปริสา พุทฺธปริสา สาธินราชา ปน อหเมวาติ ฯ
                 สาธินราชชาตกํ เอกาทสมํ ฯ
                    ---------------

             อรรถกถาภาษาบาลีอักษรไทย เล่มที่ ๔๐ หน้า ๓๖๒.
http://84000.org/tipitaka/atthapali/read_th.php?B=40&A=7382&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=40&A=7382&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=1994
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=7758
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=8152
             The Pali Tipitaka in Roman Character :-
http://84000.org/tipitaka/read/roman_read.php?B=27&A=8152
             สารบัญพระไตรปิฎกเล่มที่ ๒๗
http://84000.org/tipitaka/read/?index_27