อรรถกถาเล่มที่ ๓๒ ภาษาบาลีอักษรไทย
 เถร.อ.๑ (ปรมตฺถที.๑)

      ตตฺถ อปีติ สมฺภาวเน นิปาโต. เจติ ปริกปฺปเน. โหตีติ ภวติ. ติสฺโส
วิชฺชา เอตสฺสาติ เตวิชฺโช. มจฺจุํ ปชหตีติ มจฺจุหายี. กามาสวาทีนํ อภาเวน
อนาสโว. อิทํ วุตฺตํ โหติ:- ทิพฺพจกฺขุาณํ ปุพฺเพนิวาสาณํ อาสวกฺขย-
าณนฺติ อิมาสํ ติสฺสนฺนํ วิชฺชานํ อธิคตตฺตา เตวิชฺโช ตโตเอว สพฺพโส
กามาสวาทีนํ ปริกฺขีณตฺตา อนาสโว อายตึ ปุนพฺภวสฺส อคฺคหณโต มรณาภาเวน
มจฺจุหายี ยทิปิ โหติ, เอวํ สนฺเตปิ อปฺปญฺาโตติ นํ พาลา อวชานนฺติ ยสฺสตฺถาย
กุลปุตฺตา สมฺมเทว อคารสฺมา อนคาริยํ ปพฺพชนฺติ, ตํ สทตฺถํ อนุปาปุณิตฺวา ิตมฺปิ
นํ อุตฺตมํ ปุริสํ "ธุตวาโท พหุสฺสุโต ธมฺมกถิโก"ติ อุปฺปนฺนลาภสฺส ๑- อภาวโต
"น ปญฺาโต น ปากโฏ"ติ พาลา ทุมฺเมธปุคฺคลา อวชานนฺติ, กสฺมา? อชานตา
อชานนการณา คุณานํ อชานนเมว ๒- ตตฺถ การณนฺติ ทสฺเสติ.
      ยถา จ คุณานํ อชานนโต พาลา ลาภครุตาย สมฺภาวนียมฺปิ อวชานนฺติ,
เอวํ คุณานํ ๓- อชานนโต ลาภครุตาย เอวํ อวชานิตพฺพมฺปิ สมฺภาเวนฺตีติ ทสฺเสนฺโต
ทุติยํ คาถํ อาห. ตตฺถ โยติ อนิยมวจนํ. จสทฺโท พฺยติเรเก, เตน ยถาวุตฺตปุคฺคลโต
อิมสฺส ปุคฺคลสฺส วุจฺจมานํเยว วิเสสํ ชเนติ. โขติ อวธารเณ. อนฺนปานสฺสาติ
นิทสฺสนมตฺตํ. ลาภีติ ลาภวา. อิธาติ อิมสฺมึ โลเก. ชรามรเณหิ ตสฺส ตสฺส
สตฺตาวาสสฺส ปูรณโต คลนโต จ ปุคฺคโล. ปาปธมฺโมติ ลามกธมฺโม. อยเญฺหตฺถ
อตฺโถ:- โย ปน ปุคฺคโล จีวราทิปจฺจยมตฺตสฺเสว ลาภี โหติ, น ฌานาทีนํ,
โส ปาปิจฺฉตาย ทุสฺสีลภาเวน หีนธมฺโมปิ สมาโน อิธ อิมสฺมึ โลเก พาลานํ
ลาภครุตาย สกฺกโต ครุกโต โหตีติ.
                     อชินตฺเถรคาถาวณฺณนา นิฏฺิตา.
@เชิงอรรถ: ๑ ม. อุปฺปชฺชนลาภสฺส    ๒ ม. อชานตา คุณานํ อชานนเมว   ๓ ม. อคุณานํ

             อรรถกถาภาษาบาลีอักษรไทย เล่มที่ ๓๒ หน้า ๓๘๘.
http://84000.org/tipitaka/atthapali/read_th.php?B=32&A=8641&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=32&A=8641&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=26&i=262
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5701
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5867
             The Pali Tipitaka in Roman Character :-
http://84000.org/tipitaka/read/roman_read.php?B=26&A=5867
             สารบัญพระไตรปิฎกเล่มที่ ๒๖
http://84000.org/tipitaka/read/?index_26