อรรถกถาเล่มที่ ๓๖ ภาษาบาลีอักษรไทย
 ชา.อ.๒ เอกนิปาต(๒)

         อาสึเสเถว ปุริโส       น นิพฺพินฺเทยฺย ปณฺฑิโต
         ปสฺสามิ โวหํ อตฺตานํ     ยถา อิจฺฉึ ตถา อหูติ ฯ
     ตตฺถ อาสึเสเถวาติ เอวาหํ วิริยํ อารภนฺโต อิมมฺหา ทุกฺขา
มุจฺจิสฺสามีติ อตฺตโน วิริยพเลน อาสํ กโรเถว ฯ น นิพฺพินฺเทยฺย
ปณฺฑิโตติ อุปายกุสโล ยุตฺตปฺปยุตฺตฏฺาเน วิริยํ กโรนฺโต อหํ
อิมสฺส วิริยสฺส ผลํ น ลภิสฺสามีติ น อุกฺกณฺเยฺย อาสาจฺเฉทกมฺมํ น
กเรยฺยาติ อตฺโถ ฯ ปสฺสามิ โวหํ อตฺตานนฺติ เอตฺถ โวติ นิปาตมตฺตํ
อหํ อชฺช อตฺตานํ ปสฺสามิ ฯ ยถา อิจฺฉึ ตถา อหูติ อหํ หิ
อาวาเฏ นิกฺขาโต ตมฺหา ทุกฺขา มุจฺจิตฺวา ปุน อตฺตโน
รชฺชสมฺปตฺตึ อิจฺฉึ โสหํ อิมํ สมฺปตฺตึ ปตฺตํ อตฺตานํ ปสฺสามิ ยเถวาหํ
ปุพฺเพ อิจฺฉึ ตเถว เม อตฺตา ชาโตติ ฯ
     เอวํ โพธิสตฺโต อโห วต โภ สีลสมฺปนฺนานํ วิริยผลํ นาม
สมิชฺฌตีติ อิมาย คาถาย อุทานํ อุทาเนตฺวา ยาวชีวํ ปุญฺานิ
กริตฺวา ยถากมฺมงฺคโต ฯ
     สตฺถาปิ อิมํ ธมฺมเทสนํ อาหริตฺวา สจฺจานิ ปกาเสสิ ฯ
สจฺจปริโยสาเน โอสฺสฏฺวิริโย ภิกฺขุ อรหตฺเต ปติฏฺาสิ ฯ สตฺถา
อนุสนฺธึ ฆเฏตฺวา ชาตกํ สโมธาเนสิ ตทา ทุฏฺามจฺโจ เทวทตฺโต
อโหสิ อมจฺจสหสฺสา พุทฺธปริสา สีลวมหาราชา ปน อหเมวาติ ฯ
                   มหาสีลวชาตกํ ปมํ ฯ
                     -------------

             อรรถกถาภาษาบาลีอักษรไทย เล่มที่ ๓๖ หน้า ๔๙.
http://84000.org/tipitaka/atthapali/read_th.php?B=36&A=961&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=36&A=961&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=51
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=342
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=336
             The Pali Tipitaka in Roman Character :-
http://84000.org/tipitaka/read/roman_read.php?B=27&A=336
             สารบัญพระไตรปิฎกเล่มที่ ๒๗
http://84000.org/tipitaka/read/?index_27