อรรถกถาเล่มที่ ๑๐ ภาษาบาลีอักษรไทย
 ม.อ. (ปปญฺจ.๔)

                     ๗. คณกโมคฺคลฺลานสุตฺตวณฺณนา
      [๗๔] เอวมฺเม สุตนฺติ คณกโมคฺคลฺลานสุตฺตํ. ตตฺถ ยาว ปจฺฉิมา
โสปานกเฬวราติ ยาว ปมโสปานผลกา เอกทิวเสเนว สตฺตภูมิโก ปาสาโท น
สกฺกา กาตุํ, วตฺถุํ โสเธตฺวา ถมฺภุสฺสาปนโต ปฏฺาย ปน ยาว จิตฺตกมฺมกรณา
อนุปุพฺพกิริยา เจตฺถ ปญฺายตีติ ทสฺเสติ. ยทิทํ อชฺเฌเนติ ตโยปิ เวทา น
สกฺกา เอกทิวเสเนว อธิยิตุํ, เอเตสํ อชฺเฌเนปิ ปน อนุปุพฺพกิริยาว ปญฺายตีติ
ทสฺเสติ. อิสฺสตฺเถติ อาวุธวิชฺชายปิ เอกทิวเสเนว วาลเวธี นาม น สกฺกา
กาตุํ, านสมฺปาทนมุฏฺิกรณาทีหิ ปน เอตฺถาปิ อนุปุพฺพกิริยา ปญฺายตีติ
ทสฺเสติ. สงฺขาเนติ คณนาย. ตตฺถ ๒- อนุปุพฺพกิริยํ อตฺตนาว ทสฺเสนฺโต เอวํ
คณาเปมาติอาทิมาห. ๓-
@เชิงอรรถ: ๑ ฉ.ม. อิมญฺจ ปน     ๒ ม. อตฺถ    ๓ สี., ม. คณฺหาเปมาติอาทิมาห
      [๗๕] เสยฺยถาปิ พฺราหฺมณาติ อิธ ภควา ยสฺมา พาหิรสมเย ยถา
ยถา สิปฺปํ อุคฺคณฺหนฺติ, ตถา ตถา เกราฏิกา โหนฺติ, ตสฺมา อตฺตโน สาสนํ
พาหิรสมเยน อนุปเมตฺวา ภทฺรอสฺสาชานีเยน อุปเมนฺโต เสยฺยถาปีติอาทิมาห.
ภโทฺร หิ อสฺสาชานีโย ยสฺมึ การเณ ทมิโต โหติ, ตํ ชีวิตเหตุปิ นาติกฺกมติ.
เอวเมว สาสเน สมฺมาปฏิปนฺโน กุลปุตฺโต สีลเวลํ นาติกฺกมติ. มุขาธาเนติ
มุขฏฺปเน.
      [๗๖] สติสมฺปชญฺาย จาติ สติสมฺปชญฺาหิ สมงฺคิภาวตฺถาย. เทฺว หิ
ขีณาสวา สตตวิหารี จ โนสตตวิหารี จ. ตตฺถ สตตวิหารี ยงฺกิญฺจิ กมฺมํ
กตฺวาปิ ผลสมาปตฺตึ สมาปชฺชิตุํ สกฺโกติ, โนสตตวิหารี ปน อปฺปมตฺตเกปิ
กิจฺเจ กิจฺจปฺปสุโต หุตฺวา ผลสมาปตฺตึ อปฺเปตุํ น สกฺโกติ.
      ตตฺริทํ วตฺถุ:- เอโก กิร ขีณาสวตฺเถโร ขีณาสวสามเณรํ คเหตฺวา
อรญฺวาสํ คโต, ตตฺถ มหาเถรสฺส เสนาสนํ ปตฺตํ, สามเณรสฺส น ปาปุณาติ,
ตํ วิตกฺเกนฺโต เถโร เอกทิวสมฺปิ ผลสมาปตฺตึ อปฺเปตุํ นาสกฺขิ. สามเณโร ปน
เตมาสํ ผลสมาปตฺติรติยา วีตินาเมตฺวา "สปฺปาโย ภนฺเต อรญฺวาโส ชาโต"ติ
เถรํ ปุจฺฉิ. เถโร "น ชาโต อาวุโส"ติ อาห. อิติ โย เอวรูโป ขีณาสโว,
โส อิเม ธมฺเม อาทิโต ปฏฺาย อาวชฺเชตฺวาว สมาปชฺชิตุํ สกฺขิสฺสตีติ ทสฺเสนฺโต
"สติสมฺปชญฺาย จา"ติ อาห.
      [๗๘] เยเม โภ โคตมาติ ตถาคเต กิร กถยนฺเตเยว พฺราหฺมณสฺส
"อิเม ปุคฺคลา น อาราเธนฺติ, อิเม อาราเธนฺตี"ติ นโย อุทปาทิ, ตํ ทสฺเสนฺโต
เอวํ วตฺตุมารทฺโธ.
      ปรมชฺชธมฺเมสูติ อชฺชธมฺมา นาม ฉสตฺถารธมฺมา, เตสุ โคตมวาโทว
ปรโม อุตฺตโมติ อตฺโถ. เสสํ สพฺพตฺถ อุตฺตานเมวาติ.
                    ปปญฺจสูทนิยา  มชฺฌิมนิกายฏฺกถาย
                    คณกโมคฺคลฺลานสุตฺตวณฺณนา นิฏฺิตา
                        ----------------

             อรรถกถาภาษาบาลีอักษรไทย เล่มที่ ๑๐ หน้า ๔๖-๔๗.
http://84000.org/tipitaka/atthapali/read_th.php?B=10&A=1177&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=10&A=1177&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=14&i=93
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=14&A=1571
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=14&A=1602
             The Pali Tipitaka in Roman Character :-
http://84000.org/tipitaka/read/roman_read.php?B=14&A=1602
             สารบัญพระไตรปิฎกเล่มที่ ๑๔
http://84000.org/tipitaka/read/?index_14