ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                         ๖. สปฺปสุตฺตวณฺณนา
     [๑๔๒] ฉฏฺเฐ โสณฺฑิกา กิลญฺชนฺติ สุราการกานํ ปิฐปตฺถรณกิลญฺชํ. ๑-
โกสลิกา ๒- กํสจาฏีติ ๓- โกสลรญฺโญ รถจกฺกปฺปมาณา ปริโภคจาฏิ. ๓- คฬคฬายนฺเตติ
คชฺเชนฺเต. ๔- กมฺมารคคฺคริยาติ กมฺมารุทฺธนปนาฬิยา. ธมมานายาติ
ภสฺมวาเตน ๕- ปูริยมานาย. อิติ วิทิตฺวาติ "สมโณ โคตโม ปธานมนุยุตฺโต
สุขนิสินฺโน, ฆฏฺฏยิสฺสามิ นนฺ"ติ วุตฺตปฺปการํ อตฺตภาวํ มาเปตฺวา ปธานภูมิยํ ๖-
อิโต จิโต จ สญฺจรนฺตํ ๗- วิชฺชุลตาโลเกน ทิสฺวา "โก นุโข เอโส สตฺโต"ติ
อาวชฺเชนฺโต "มาโร อยนฺ"ติ เอวํ วิทิตฺวา.
       สุญฺญเคหานีติ สุญฺญาคารานิ. เสยฺยาติ เสยฺยตฺถาย, ฐสฺสามิ จงฺกมิสฺสามิ
นิสีทิสฺสามิ นิปชฺชิสฺสามีติ เอตทตฺถาย โย สุญฺญาคารานิ เสวตีติ อตฺโถ. โส มุนิ
อตฺตสญฺญโตติ โส พุทฺธมุนิ หตฺถปาทกุกฺกุจฺจาภาเวน สญฺญตฺตภาโว. โวสฺสชฺช
จเรยฺย ตตฺถ โสติ โส ตสฺมึ อตฺตภาเว อาลยํ นิกนฺตึ โวสฺสชฺชิตฺวา ปหาย
จเรยฺย. ปฏิรูปํ หิ ตถาวิธสฺส ตนฺติ ตาทิสสฺส ตํสณฺฐิตสฺส พุทฺธมุนิโน ตํ
อตฺตภาเว นิกนฺตึ โวสฺสชฺเชตฺวา จรณํ นาม ปฏิรูปํ ยุตฺตํ อนุจฺฉวิกํ.
       จรกาติ สีหพฺยคฺฆาทิกา สญฺจรณสตฺตา. เภรวาติ สวิญฺญาณกาวิญฺญาณกา
เภรวา. ตตฺถ สวิญฺญาณกา สีหพฺยคฺฆาทโย, อวิญฺญาณกา รตฺติภาเค
ขาณุวมฺมิกาทโย. เตปิ หิ ตสฺมึ กาเล ยกฺขา วิย อุปฏฺฐหนฺติ, รชฺชุวลฺลิยาทีนิ ๘-
สปฺปา วิย อุปฏฺฐหนฺติ. ตตฺถาติ เตสุ เภรเวสุ สุญฺญาคารคโต พุทฺธมุนิ
โลมหํสมตฺตกํปิ ๙- น กโรติ.
       อิทานิ อฏฺฐานปริกปฺปํ ทสฺเสนฺโต นภํ ผเลยฺยาติอาทิมาห. ตตฺถ
ผเลยฺยาติ กากปทํ วิย หีรหีรโส ผเลยฺย. จเลยฺยาติ โปกฺขรปตฺเต วาตาหโต อุทกพินฺทุ
วิย จเลยฺย. สลฺลมฺปิ เจ อุรสิ ปกปฺปเยยฺยุนฺติ ๑๐- ติณฺหสตฺติสลฺลํ เจปิ อุรสฺมึ
ธาเรยฺยุํ. ๑๐-  อุปธีสูติ ขนฺธูปธีสุ. ตาณํ น กโรนฺตีติ ติณฺหสลฺลํ ๑๑- อุรสฺมึ
@เชิงอรรถ:  ฉ.ม., อิ. ปิฏฺฐปตฺถรณกกิลญฺชํ   ม. โกสลกา   ฉ.ม., อิ. กํสปาตีติ.....ปาติ
@ ฉ.ม. คชฺชนฺเต    ฉ.ม. ภสฺตวาเตน, สี. ตสฺสา วาเตน      ฉ.ม.นิยามภูมิยํ
@ สี., อิ. สํสรนฺตํ   ฉ.ม., อิ. รชฺชุวลฺลิยาทีนิ สพฺพานิ
@ ฉ.ม., อิ. โลมจลนมตฺตกมฺปิ  ๑๐-๑๐ ฉ.ม. ติขิณสตฺติสลฺลํ เจปิ อุรสฺมึ
@จารเยยฺยุํ, อิ. ติขิณา สตฺติสลฺลํ...   ๑๑ ฉ.ม., อิ. ติขิเณ สลฺเล
ธารยมาเน ๑- ภเยน คุยฺหนฺตรกุฏนฺตราทีนิ ๒- ปวิสนฺตา ตาณํ กโรนฺติ นาม.
พุทฺธา ปน สมุจฺฉินฺนสพฺพภยา เอวรูปํ ตาณํ น กโรนฺติ. ฉฏฺฐํ.


             อรรถกถาภาษาบาลีอักษรไทย เล่มที่ ๑๑ หน้า ๑๖๕-๑๖๖. http://84000.org/tipitaka/atthapali/read_th.php?B=11&A=4303&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=11&A=4303&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=431              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=3423              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=2997              The Pali Tipitaka in Roman Character :- http://84000.org/tipitaka/read/roman_read.php?B=15&A=2997              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]