อรรถกถาเล่มที่ ๑๑ ภาษาบาลีอักษรไทย
 สํ.อ. (สารตฺถ.๑)

                         ๖. สปฺปสุตฺตวณฺณนา
     [๑๔๒] ฉฏฺเ โสณฺฑิกา กิลญฺชนฺติ สุราการกานํ ปิปตฺถรณกิลญฺชํ. ๑-
โกสลิกา ๒- กํสจาฏีติ ๓- โกสลรญฺโ รถจกฺกปฺปมาณา ปริโภคจาฏิ. ๓- คฬคฬายนฺเตติ
คชฺเชนฺเต. ๔- กมฺมารคคฺคริยาติ กมฺมารุทฺธนปนาฬิยา. ธมมานายาติ
ภสฺมวาเตน ๕- ปูริยมานาย. อิติ วิทิตฺวาติ "สมโณ โคตโม ปธานมนุยุตฺโต
สุขนิสินฺโน, ฆฏฺฏยิสฺสามิ นนฺ"ติ วุตฺตปฺปการํ อตฺตภาวํ มาเปตฺวา ปธานภูมิยํ ๖-
อิโต จิโต จ สญฺจรนฺตํ ๗- วิชฺชุลตาโลเกน ทิสฺวา "โก นุโข เอโส สตฺโต"ติ
อาวชฺเชนฺโต "มาโร อยนฺ"ติ เอวํ วิทิตฺวา.
       สุญฺเคหานีติ สุญฺาคารานิ. เสยฺยาติ เสยฺยตฺถาย, สฺสามิ จงฺกมิสฺสามิ
นิสีทิสฺสามิ นิปชฺชิสฺสามีติ เอตทตฺถาย โย สุญฺาคารานิ เสวตีติ อตฺโถ. โส มุนิ
อตฺตสญฺโตติ โส พุทฺธมุนิ หตฺถปาทกุกฺกุจฺจาภาเวน สญฺตฺตภาโว. โวสฺสชฺช
จเรยฺย ตตฺถ โสติ โส ตสฺมึ อตฺตภาเว อาลยํ นิกนฺตึ โวสฺสชฺชิตฺวา ปหาย
จเรยฺย. ปฏิรูปํ หิ ตถาวิธสฺส ตนฺติ ตาทิสสฺส ตํสณฺิตสฺส พุทฺธมุนิโน ตํ
อตฺตภาเว นิกนฺตึ โวสฺสชฺเชตฺวา จรณํ นาม ปฏิรูปํ ยุตฺตํ อนุจฺฉวิกํ.
       จรกาติ สีหพฺยคฺฆาทิกา สญฺจรณสตฺตา. เภรวาติ สวิญฺาณกาวิญฺาณกา
เภรวา. ตตฺถ สวิญฺาณกา สีหพฺยคฺฆาทโย, อวิญฺาณกา รตฺติภาเค
ขาณุวมฺมิกาทโย. เตปิ หิ ตสฺมึ กาเล ยกฺขา วิย อุปฏฺหนฺติ, รชฺชุวลฺลิยาทีนิ ๘-
สปฺปา วิย อุปฏฺหนฺติ. ตตฺถาติ เตสุ เภรเวสุ สุญฺาคารคโต พุทฺธมุนิ
โลมหํสมตฺตกํปิ ๙- น กโรติ.
       อิทานิ อฏฺานปริกปฺปํ ทสฺเสนฺโต นภํ ผเลยฺยาติอาทิมาห. ตตฺถ
ผเลยฺยาติ กากปทํ วิย หีรหีรโส ผเลยฺย. จเลยฺยาติ โปกฺขรปตฺเต วาตาหโต อุทกพินฺทุ
วิย จเลยฺย. สลฺลมฺปิ เจ อุรสิ ปกปฺปเยยฺยุนฺติ ๑๐- ติณฺหสตฺติสลฺลํ เจปิ อุรสฺมึ
ธาเรยฺยุํ. ๑๐-  อุปธีสูติ ขนฺธูปธีสุ. ตาณํ น กโรนฺตีติ ติณฺหสลฺลํ ๑๑- อุรสฺมึ
@เชิงอรรถ: ๑ ฉ.ม., อิ. ปิฏฺปตฺถรณกกิลญฺชํ  ๒ ม. โกสลกา  ๓ ฉ.ม., อิ. กํสปาตีติ.....ปาติ
@๔ ฉ.ม. คชฺชนฺเต   ๕ ฉ.ม. ภสฺตวาเตน, สี. ตสฺสา วาเตน     ๖ ฉ.ม.นิยามภูมิยํ
@๗ สี., อิ. สํสรนฺตํ  ๘ ฉ.ม., อิ. รชฺชุวลฺลิยาทีนิ สพฺพานิ
@๙ ฉ.ม., อิ. โลมจลนมตฺตกมฺปิ  ๑๐-๑๐ ฉ.ม. ติขิณสตฺติสลฺลํ เจปิ อุรสฺมึ
@จารเยยฺยุํ, อิ. ติขิณา สตฺติสลฺลํ...   ๑๑ ฉ.ม., อิ. ติขิเณ สลฺเล
ธารยมาเน ๑- ภเยน คุยฺหนฺตรกุฏนฺตราทีนิ ๒- ปวิสนฺตา ตาณํ กโรนฺติ นาม.
พุทฺธา ปน สมุจฺฉินฺนสพฺพภยา เอวรูปํ ตาณํ น กโรนฺติ. ฉฏฺ.

             อรรถกถาภาษาบาลีอักษรไทย เล่มที่ ๑๑ หน้า ๑๖๕-๑๖๖.
http://84000.org/tipitaka/atthapali/read_th.php?B=11&A=4303&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=4303&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=15&i=431
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=3423
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=2997
             The Pali Tipitaka in Roman Character :-
http://84000.org/tipitaka/read/roman_read.php?B=15&A=2997
             สารบัญพระไตรปิฎกเล่มที่ ๑๕
http://84000.org/tipitaka/read/?index_15