ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                     ๔. สตฺตวสฺสานุพนฺธสุตฺตวณฺณนา
      [๑๖๐] จตุตฺเถ สตฺต วสฺสานีติ ปุเร โพธิยํ ฉพฺพสฺสานิ, โพธิโต
ปจฺฉา เอกํ วสฺสํ. โอตาราเปกฺโขติ "สเจ สมณสฺส โคตมสฺส กายทฺวาราทีสุ
กิญฺจิเทว อนนุจฺฉวิกํ ปสฺสามิ, โจเทสฺสามิ นนฺ"ติ เอวํ วิวรํ อเปกฺขมาโน.
อลภมาโนติ รชเรณุมตฺตมฺปิ ๗- อวกฺขลินํ อปสฺสนฺโต. เตนาห:-
         "สตฺต วสฺสานิ ภควนฺตํ       อนุพนฺธึ ปทาปทํ
          โอตารํ นาธิคจฺฉิสฺสํ        สมฺพุทฺธสฺส สิรีมโต"ติ. ๘-
@เชิงอรรถ:  ม. ปจฺจเวกฺขณา,   สี. ปริวฏฺฏกฺขนฺธํ   ฉ.ม. เสมานนฺติ, สี. โสปฺปมานนฺติ
@ ฉ.ม., อิ. สยิตํ โหติ   ฉ.ม., อิ. เพลุวปณฺฑุวีณนฺติ เพลุวปกฺกํ วิย
@ปณฺฑุวณฺณํ   ฉ.ม. ขุทฺทกทารกวณฺณี    ฉ.ม. รถเรณุมตฺตมฺปิ
@ ฉ.ม. สตีมโต..., ขุ. สุตฺต. ๒๕/๔๔๙/๔๑๗ ปธานสุตฺต
อุปสงฺกมีติ "อชฺช สมณํ โคตมํ อภิวาเทตฺวา อาคมิสฺสามี"ติ ๑- อุปสงฺกมิ.
        ฌายสีติ ฌายนฺโต อวชฺฌายนฺโต ๒- นิสินฺโนสีติ วทติ. วิตฺตํ นุ ชีโนติ
สตํ วา สหสฺสํ วา ชิโตสิ นุ. อาคุนฺนุ คามสฺมินฺติ กินฺนุ อนฺโตคาเม
ปมาณาติกฺกนฺตํ ปาปกมฺมํ อกาสิ, เยน อญฺเญสํ มุขํ โอโลเกตุํ อวิสหนฺโต
อปชฺฌายนฺโต นิสินฺโน ๓- อรญฺเญ วิจรสิ. สกฺขินฺติ มิตฺตภาวํ.
         ปลิขายาติ ขนิตฺวา. ภวโลภชปฺปนฺติ ภวโลภสงฺขาตํ ตณฺหํ. อนาสโว
ฌายามีติ นิตฺตโณฺห หุตฺวา ทฺวีหิ ฌาเนหิ ฌายามิ. ปมตฺตพนฺธูติ มารํ อาลปติ.
โส หิ เย เกจิ โลเก ปมตฺตา, เตสํ พนฺธุ.
         สเจ มคฺคํ อนุพุทฺธนฺติ ยทิ ตยา ๔- มคฺโค อนุพุทฺโธ. อเปหีติ อปยาหิ.
อมจฺจุเธยฺยนฺติ มจฺจุโน อโนกาสภูตํ นิพฺพานํ. ปารคามิโนติ เยปิ ปารํ คตา,
เตปิ ปารคามิโน. เยปิ ปารํ คนฺตุกามา, เตปิ ปารคามิโน.
         วิสูกายิกานีติ ๕- มารวิสูกานิ. วิเสวิตานีติ วิรุทฺธเสวิตานิ, "อปฺปมายุ
มนุสฺสานํ, อจฺจยนฺติ อโหรตฺตา"ติ วุตฺเต "ทีฆมายุมนุสฺสานํ, นาจฺจยนฺติ
อโหรตฺตา"ติอาทีนิ ปฏิโลมการณานิ. วิปฺผนฺทิตานีติ ๖- ตมฺหิ ตมฺหิ กาเล
หตฺถิราชวณฺณสปฺปวณฺณาทิทสฺสนานิ. นิพฺเพชนียาติ อุกฺกณฺฑนียา.
          อนุปริยคาติอาทีสุ กิญฺจาปิ อตีตวจนํ กตํ, อตฺโถ ปน วิกปฺปวเสน
เวทิตพฺโพ. อิทํ วุตฺตํ โหติ:- ยถา เมทวณฺณํ ปาสาณํ วายโส ทิสฺวา
"อเปตฺถ ๗- มุทุํ วินฺเทยฺยาม, อปิ อสฺสาโท สิยา"ติ อนุปริคจฺเฉยฺย, อถ โส
ตตฺถ อสฺสาทํ อลภิตฺวาว วายโส เอโต อปกฺกเม, ๘- ตโต ปาสาณา อปคจฺเฉยฺย,
เอวํ มยมฺปิ โส กาโก วิย เสลํ โคตมํ อาสชฺช อสฺสาทํ วา สนฺถวํ วา
อลภนฺตา โคตมํ ๙- นิพฺพินฺทิตฺวา อปคจฺฉาม. จตุตฺถํ.
@เชิงอรรถ:  สี. อติคเหตฺวา อาคมิสฺสามีติ, ฉ.ม. อติคเหตฺวา คมิสฺสามีติ
@ สี., อิ. อปชฺฌายนฺโต   ฉ.ม., อิ. อปชฺฌายนฺโต นิสินฺโนติ ปาฐา น ทิสฺสนฺติ
@ อิ. ตสฺส   ก. วิสูกายิตานีติ    สี.,ม. วิปฺผนฺทิตานิ กานิจิ กานิจีติ
@ ฉ.ม.อปิ นาเมตฺถ   ฉ.ม. อปกฺกเมยฺย    ฉ.ม. โคตมา


             อรรถกถาภาษาบาลีอักษรไทย เล่มที่ ๑๑ หน้า ๑๗๖-๑๗๗. http://84000.org/tipitaka/atthapali/read_th.php?B=11&A=4601&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=11&A=4601&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=496              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=3952              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=3480              The Pali Tipitaka in Roman Character :- http://84000.org/tipitaka/read/roman_read.php?B=15&A=3480              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]