ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                         ๒. คารวสุตฺตวณฺณนา
      [๑๗๓] ทุติเย อุทปาทีติ อยํ วิตกฺโก ปญฺจเม สตฺตาเห อุทปาทิ.
อคารโวติ อญฺตรสฺมึ คารวรหิโต, กิญฺจิ ครุฏฺาเน อฏฺเปตฺวาติ อตฺโถ.
อปฺปติสฺโสติ ปติสฺเสน รหิโต, ๓- กิญฺจ เชฏฺกฏฺาเน อฏฺเปตฺวาติ อตฺโถ.
          สเทวเกติอาทีสุ สทฺธึ เทเวหิ สเทวเก. เทวคฺคหเณน เจตฺถ มารพฺรหฺเมสุ
คหิเตสุปิ มาโร นาม วสวตฺตี สพฺเพสํ อุปริ สํวตฺเตติ, พฺรหฺมา นาม
มหานุภาโว เอกงฺคุลิยา เอกสฺมึ จกฺกวาเฬ ๔- อาโลกํ ผรติ. ทฺวีหิ ทฺวีสุ ฯเปฯ
@เชิงอรรถ:  อภิ. วิภงฺค. ๓๕/๘๒๖-๗/๔๑๗ าณวิภงฺค, ขุ.ปฏิ.  ๓๑/๒๘๒-๓/๑๓๑ าณกถา (สฺยา)
@ อิ. โส หิ มยา    ฉ.ม., อิ. ปติสฺสยรหิโต    ฉ.ม., อิ. จกฺกวาฬสหสฺเส
ทสหิ องฺคุลีหิ ทสสุปิ จกฺกวาฬสหสฺเสสุ อาโลกํ ผรติ, โส อิมินา สีลสมฺปนฺนตโรติ
วตฺตุํ มา ลภตูติ ๑- สมารเก สพฺรหฺมเกติ วิสุํ วุตฺตํ. ตถา สมณา นาม
เอกนิกายาทิวเสน พหุสฺสุตา สีลวนฺโต ปณฺฑิตา, พฺราหฺมณาปิ วตฺถุวิชฺชาทิวเสน
พหุสฺสุตา ปณฺฑิตา, เต อิมินา สีลสมฺปนฺนตรนฺติ วตฺตุํ มา ลภตูติ
สสฺสมณพฺราหฺมณิยา ปชายาติ วุตฺตํ. สเทวมนุสฺสายาติ อิทํ ปน นิปฺปเทสโต
ทสฺสนตฺถํ คหิตเมว คเหตฺวา วุตฺตํ. อปิเจตฺถ ปุริมานิ ตีณิ ปทานิ โลกวเสน
วุตฺตานิ, ปจฺฉิมานิ เทฺว ปชาวเสน. สีลสมฺปนฺนตรนฺติ สีเลน สมฺปนฺนตรํ,
อธิกตรนฺติ อตฺโถ. เสเสสุปิ เอเสว นโย. เอตฺถ จ สีลาทโย จตฺตาโร ธมฺมา
โลกิยโลกุตฺตรา กถิตา, วิมุตฺติาณทสฺสนํ โลกิยเมว. ปจฺจเวกฺขณาณํ เหตํ.
         ปาตุรโหสีติ "อยํ สตฺถา อวีจิโต ยาว ภวคฺคา สีลาทีหิ อตฺตโน ๒-
อธิกตรํ อปสฺสนฺโต `มยา ปฏิวิทฺธํ นวโลกุตฺตรธมฺมเมว สกฺกตฺวา ครุํ กตฺวา
อุปนิสฺสาย วิหริสฺสามี"ติ จินฺเตติ, การณํ ภควาปิ จนฺเตติปิ, อตฺถวิเสสํ ๓-
จินฺเตติ, คจฺฉามิสฺส อุสฺสาหํ ชเนสฺสามี"ติ จินฺเตตฺวา ปุรโต ปากโฏ อโหสิ,
อภิมุเข อฏฺาสีติ อตฺโถ.
          วิหรึสุ วิหรนฺติ จาติ เอตฺถ โย วเทยฺย "วิหรนฺตีติ วจนโต
ปจฺจุปฺปนฺเนปิ พหู พุทฺธา"ติ, โส "ภควาปิ ภนฺเต เอตรหิ อรหํ
สมฺมาสมฺพุทฺโธ"ติ อิมินา วจเนน ปฏิพาหิตพฺโพ.
              "น เม อาจริโย อตฺถิ         สทิโส เม น วิชฺชติ
               สเทวกสฺมึ โลกสฺมึ          นตฺถิ เม ปฏิปุคฺคโล"ติ ๔-
อาทีหิ ปนสฺส สุตฺเตหิ อญฺเสํ พุทฺธานํ อภาโว ทีเปตพฺโพ. ตสฺมาติ ยสฺมา
สพฺเพปิ พุทฺธา สทฺธมฺมครุโน, ตสฺมา. มหตฺตมภิกงฺขตาติ มหนฺตภาวํ
ปตฺถยมาเนน. สรํ พุทฺธาน สาสนนฺติ พุทฺธานํ สาสนํ สรนฺเตน. ทุติยํ.
@เชิงอรรถ:  สี. ลภนฺตูติ                       ฉ.ม. อตฺตนา
@ ฉ.ม. อตฺถํ วุฑฺฒิวิเสสํ, สี. อตฺถวุฑฺฒิวิเสสํ, ฏีกา. อตฺถํ วุฑฺฒึ วิเสสํ
@ วินย. มหา. ๔/๑๑/๑๑ ปญฺจวคฺคิยกถา, ม. มู. ๑๒/๒๘๕/๒๔๖ ปาสราสิสุตฺต


             อรรถกถาภาษาบาลีอักษรไทย เล่มที่ ๑๑ หน้า ๑๙๒-๑๙๓. http://84000.org/tipitaka/atthapali/read_th.php?B=11&A=5004&modeTY=1              The Pali Atthakatha in Roman :- http://84000.org/tipitaka/atthapali/read_rm.php?B=11&A=5004&modeTY=1              อ่านอรรถกถาแปลไทย :- http://84000.org/tipitaka/attha/attha.php?b=15&i=559              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=4483              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=3950              The Pali Tipitaka in Roman Character :- http://84000.org/tipitaka/read/roman_read.php?B=15&A=3950              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]