อรรถกถาเล่มที่ ๑๑ ภาษาบาลีอักษรไทย
 สํ.อ. (สารตฺถ.๑)

                      ๕. อปราทิฏฺิสุตฺตวณฺณนา *-
     [๑๗๖] ปญฺจเม เตโชธาตุํ สมาปชฺชิตฺวาติ เตโชกสิณปริกมฺมํ กตฺวา
ปาทกชฺฌานโต วุฏฺาย "สรีรโต ชาลา นิกฺขมนฺตู"ติ อธิฏฺหนฺโต อธิฏฺาน-
จิตฺตานุภาเวน สกลสรีรโต ชาลา นิกฺขมนฺติ, เอวํ เตโชธาตุํ สมาปนฺโน นาม
โหติ, ตถา สมาปชฺชิตฺวา. ตสฺมึ พฺรหฺมโลเกติ กสฺมา เถโร ตตฺถ อคมาสิ?
เถรสฺส กิร เตโชธาตุํ สมาปชฺชิตฺวา ตสฺส พฺรหฺมุโน อุปริ นิสินฺนํ ตถาคตํ
ทิสฺวา "อฏฺิเวธี อยํ ปุคฺคโล, มยาเปตฺถ คนฺตพฺพนฺ"ติ อโหสิ, ตสฺมา
@เชิงอรรถ: ๑ ฉ.ม. วิเหเตุกามตายาติ   ๒ ฉ.ม. พทฺธจโร อนฺเตวาสิโก    ๓ ฉ.ม. อตฺถจโร
@๔ ฉ.ม. เอวํ, อิ. เอวํ ตํ     ๕ สี. อญฺมฺปิ  ๖ ฉ.ม. เอวํ-สทฺโท น ทิสฺสติ
@* ฉ.ม. อญฺตรพฺรหฺมสุตฺต...
อคมาสิ. เสสานํ คมเนปิ เอเสว นโย. โสปิ ๑- พฺรหฺมา  ตถาคตสฺส เจว
ตถาคตสาวกานญฺจ อานุภาวํ อทิสฺวา อภพฺโพ วินยํ อุปคนฺตุํ, เตน โส
สนฺนิปาโต อโหสิ. ตตฺถ ตถาคตสฺส สรีรโต อุคฺคตชาลา สกลพฺรหฺมโลกํ
อติกฺกมิตฺวา อชฏากาเส ปกฺขนฺทา, ตา จ ปน ฉพฺพณฺณา อเหสุํ, ตถาคตสาวกานํ
สรีรปกติวณฺณาว. ๒-
         ปสฺสสิ วีติวตฺตนฺตนฺติ อิมสฺมึ พฺรหฺมโลเก อญฺพฺรหฺมสรีร-
วิมานาลงฺการาทีนํ ปภา อติกฺกมมานํ พุทฺธสฺส ภควโต ปภสฺสรํ ปภํ ปสฺสสีติ ปุจฺฉติ.
น เม มาริส สา ทิฏฺีติ ยา เม สา "อิธาคนฺตุํ สมตฺโถ อญฺโ สมโณ วา พฺราหฺมโณ
วา นตฺถี"ติ ปุเร ทิฏฺิ, นตฺถิ เม สา. กถํ วชฺชนฺติ เกน การเณน วเทยฺยํ.
นิจฺโจมฺหิ สสฺสโตติ อิมสฺส กิร พฺรหฺมุโน ลทฺธิทิฏฺิ จ สสฺสตทิฏฺิ จาติ เทฺว
ทิฏฺิโย, ตตฺราสฺส ตถาคตญฺเจว ตถาคตสาวเก จ ปสฺสโต ลทฺธิทิฏฺิ ปหีนา.
ภควา ปเนตฺถ มหนฺตํ ธมฺมเทสนํ เทเสสิ, พฺรหฺมา เทสนาปริโยสาเน
โสตาปตฺติผเล ปติฏฺหิ. อิติสฺส มคฺเคน สสฺสตทิฏฺิ ปหีนา, ตสฺมา เอวมาห.
         พฺรหฺมปาริสชฺชนฺติ พฺรหฺมปาริจาริกํ. เถรานํ หิ  ภณฺฑคาหกทหรา วิย
พฺรหฺมานํปิ ปาริสชฺชา พฺรหฺมาโน นาม โหนฺติ. เตนุปสงฺกมาติ กสฺมา เถรสฺเสว
สนฺติกํ เปเสสิ? เถเร กิรสฺส ตตฺตเกเนว กถาสลฺลาเปน วิสฺสาโส อุทปาทิ,
ตสฺมา ตสฺเสว สนฺติกํ เปเสสิ. อญฺเปีติ ยถา ตุเมฺห จตฺตาโร ชนา, กินฺนุ
โข เอวรูปา อญฺเปิ อตฺถิ, อุทาหุ ตุเมฺห จตฺตาโร เอวํ ๓- มหิทฺธิกาติ.
เตวิชฺชาติ ปุพฺเพนิวาสทิพฺพจกฺขุอาสวกฺขยสงฺขาตาหิ ตีหิ วิชฺชาหิ สมนฺนาคตา.
อิทฺธิปตฺตาติ อิทฺธิวิธิาณํ ๔- ปตฺตา. เจโตปริยายโกวิทาติ ปเรสํ จิตฺตวาเร ๕-
กุสลา. เอวเมตฺถ ปญฺจ อภิญฺาปิ สรูเปน วุตฺตา. ทิพฺพโสตํ ปน ตาสํ วเสน
อาคตเมว อโหสิ. ๖- พหูติ เอวรูปา ฉฬภิญฺา พุทฺธสาวกา พหู คณนปถํ
อติกฺกนฺตา, สกลชมฺพูทีปํ กาสาวปชฺโชตํ กตฺวา วิจรนฺตีติ. ปญฺจมํ.
@เชิงอรรถ: ๑ ฉ.ม. โส หิ    ๒ ฉ.ม., อิ.อาภา ปกติวณฺณาว     ๓ ฉ.ม., อิ. เอว
@๔ ฉ.ม. อิทฺธิวิธาณํ   ๕ ฉ.ม. จิตฺตาจาเร          ๖ ฉ.ม. โหติ

             อรรถกถาภาษาบาลีอักษรไทย เล่มที่ ๑๑ หน้า ๒๐๑-๒๐๒.
http://84000.org/tipitaka/atthapali/read_th.php?B=11&A=5235&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=5235&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=15&i=573
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=4654
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=4118
             The Pali Tipitaka in Roman Character :-
http://84000.org/tipitaka/read/roman_read.php?B=15&A=4118
             สารบัญพระไตรปิฎกเล่มที่ ๑๕
http://84000.org/tipitaka/read/?index_15