ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                        ๘. กฏฺหารสุตฺตวณฺณนา
      [๒๐๔] อฏฺเม อนฺเตวาสิกาติ เวยฺยาวจฺจํ  กตฺวา สิปฺปํ อุคฺคณฺหิกา ๒-
ธมฺมนฺเตวาสิกา. นิสินฺนนฺติ ฉพฺพณฺณรสฺมิโย วิสฺสชฺเชตฺวา นิสินฺนํ.
        คมฺภีรรูเปติ คมฺภีรสภาเว. พหุเภรเวติ ตตฺรฏฺกสวิญฺาณกาวิญฺาณกเภรเวหิ
พหุเภรเว. วิคาหิยาติ อนุปวิสิตฺวา. อนิญฺชมาเนนาติอาทีนิ กายวิเสสนานิ,
เอวรูเปน กาเยนาติ อตฺโถ. สุจารุรูปํ วตาติ อติสุนฺทรํ วต ฌานํ
ฌายสีติ วทติ.
        วนวสฺสิโต มุนีติ วนํ อวสฺสิโต พุทฺธมุนิ. อิทนฺติ อิทํ ตุมฺหากํ เอวํ
วเน นิสินฺนการณํ มยฺหํ อจฺเฉรรูปํ ปฏิภาติ. ปีติมโนติ ตุฏฺจิตฺโต. วเน
วเสติ วนมฺหิ วสิ.
        มญฺามหนฺติ มญฺามิ อหํ.   โลกาธิปติสหพฺยตนฺติ โลกาธิปติสฺส
มหาพฺรหฺมุโน สหภาวํ. อากงฺขมาโนติ อิจฺฉมาโน. ติทิวํ อนุตฺตรนฺติ อิทํ
พฺรหฺมโลกเมว สนฺธายาห. กสฺมา ภวํ วิชนมรญฺมสฺสิโตติ อหํ ตาว พฺรหฺมโลกํ
อากงฺขมาโนติ มญฺามิ. ยทิ เอวํ น โหติ,   อถ เม อาจิกฺข, กสฺมา ภวนฺติ
ปุจฺฉติ. พฺรหฺมปตฺติยาติ เสฏฺปฺปตฺติยา. อิธ อิทํ ตโป กสฺมา กโรสีติ อปเรนปิ
อากาเรน ปุจฺฉติ.
        กงฺขาติ ตณฺหา. อภินนฺทนาติ อภินนฺทนวเสน ตณฺหาปิ ๓- วุตฺตา.
อเนกธาตูสูติ อเนกสภาเวสุ อารมฺมเณสุ.  ปุถูติ นานปฺปการา ตณฺหา เสสกิเลสา
วา. สทา สิตาติ นิจฺจกาลํ วเส ๔- อวสฺสิตา. อญฺาณมูลปฺปภวาติ อวิชฺชามูลา
หุตฺวา ชาตา. ปชปฺปิตาติ ตณฺหา จ ๕- "อิทมฺปิ มยฺหํ, อิทมฺปิ มยฺหนฺ"ติ
ปชปฺปาปนวเสน ปชปฺปิตา นามาติ วุตฺตา. สพฺพา มยา พฺยนฺตีกตาติ สพฺพา
@เชิงอรรถ:  ฉ.ม., อิ....เสนาสเนสุ เจว      ฉ.ม., อิ. สิปฺปุคฺคณฺหนกา    ฉ.ม. ตณฺหาว
@ ฉ.ม. อยํ ปาโ น ทิสฺสติ      ฉ.ม. ตณฺหาว
ตณฺหา มยา อคฺคมคฺเคน วิคตนฺตา นิรนฺตา กตา. สมูลิกาติ สทฺธึ
อาณมูเลน.
        อนูปโยติ อนูปคมโน. สพฺเพสุ ธมฺเมสุ วิสุทฺธทสฺสโนติ อิมินา
สพฺพญฺุตาณํ ทีเปติ. สมฺโพธิมนุตฺตรนฺติ อรหตฺตํ สนฺธายาห. สิวนฺติ เสฏฺ.
ฌายามีติ ทฺวีหิ ฌาเนหิ ฌายามิ. วิสารโทติ วิคตสารชฺโช. อฏฺมํ.


             อรรถกถาภาษาบาลีอักษรไทย เล่มที่ ๑๑ หน้า ๒๕๒-๒๕๓. http://84000.org/tipitaka/atthapali/read_th.php?B=11&A=6542&modeTY=1              The Pali Atthakatha in Roman :- http://84000.org/tipitaka/atthapali/read_rm.php?B=11&A=6542&modeTY=1              อ่านอรรถกถาแปลไทย :- http://84000.org/tipitaka/attha/attha.php?b=15&i=709              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=5833              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5174              The Pali Tipitaka in Roman Character :- http://84000.org/tipitaka/read/roman_read.php?B=15&A=5174              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]