ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                        ๕. อานนฺทสุตฺตวณฺณนา
      [๒๒๕] ปญฺจเม อานนฺโทติ ธมฺมภณฺฑาคาริโก เถโร. ๗- อติเวลนฺติ
อติกฺกนฺตํ เวลํ. คิหิสญฺญตฺติพหุโลติ รตฺตึ จ ทิวา จ พหุกาลํ คิหี
สญฺญาปยนฺโต. ภควติ หิ ปรินินฺพุเต มหากสฺสปตฺเถโร เถรํ อาห "อาวุโส
มยํ ราชคเห วสฺสํ อุปคนฺตฺวา ธมฺมํ สงฺคายิสฺสาม, คจฺฉ ตฺวํ อรญฺญํ ปวิสิตฺวา
อุปริมคฺคตฺตยตฺถาย วายามํ กโรหี"ติ. โส ภควโต ปตฺตจีวรํ อาทาย โกสลรฏฺฐํ
คนฺตฺวา เอกสฺมึ อรญฺญาวาเส วสิตฺวา ปุนทิวเส เอกํ คามํ ปาวิสิ. มนุสฺสา
เถรํ ทิสฺวา "ภนฺเต อานนฺท ตุเมฺห ปุพฺเพ สตฺถารา สทฺธึ อาคจฺฉถ, อชฺช
@เชิงอรรถ:  สี. สพฺพรตฺตึ    ฉ.ม. อรุโณ
@ ฉ.ม. มธุรํ ธมฺมสฺสวนํ ปญฺหากถนํ, อิ. มธุรธมฺมสฺสวนํ ปญฺหกถํ
@ ฉ.ม., อิ. วชฺชิรฏฺฐาภิมุขา คตา         ก.มกฺกฏา, เอวมุปริปิ
@ ฉ.ม. ปุคฺคลสปฺปายํ เสนาสนสปฺปายํ, อิ. อิเม ปาฐา น ทิสฺสนฺติ
@ ฉ.ม., อิ. ธมฺมภณฺฑาคาริกตฺเถโร
เอกกาว อาคตา, ๑- กหํ สตฺถารํ ฐเปตฺวา อาคตตฺถ, อิทานิ กสฺส ปตฺตจีวรํ
คเหตฺวา วิจรถ, กสฺส มุโขทกํ ทนฺตกฏฺฐํ เทถ, ปริเวณํ สมฺมชฺชถ, วตฺตปฏิวตฺตํ
กโรถา"ติ พหุํ วตฺวา ปริเทวึสุ. เถโร "อาวุโส มา โสจิตฺถ, มา ปริเทวิตฺถ,
อนิจฺจา วต ๒- สงฺขารา"ติอาทีนิ วตฺวา เต สญฺญาเปตฺวา กตภตฺตกิจฺโจ ๓-
วสนฏฺฐานเมว คจฺฉติ. มนุสฺสา สายํปิ ตตฺถ คนฺตฺวา ตเถว ปริเทวนฺติ. เถโรปิ
ตเถว โอวทติ. ตํ สนฺธาเยตํ วุตฺตํ. อชฺฌภาสีติ "อยํ เถโร ภิกฺขุสํฆสฺส กถํ
สุตฺวา `สมณธมฺมํ กริสฺสามี'ติ อรญฺญํ ปวิสิตฺวา อิทานิ คิหี สญฺญาเปนฺโต
วิหรติ สตฺถุ สาสนํ อสงฺคหิตปุปฺผราสิ วิย ฐิตํ, ธมฺมสงฺคหํ น กโรติ
โจเทสฺสามิ นนฺ"ติ จินฺเตตฺวา อภาสิ.
      ปสกฺกิยาติ ปวิสิตฺวา. หทยสฺมึ โอปิยาติ กิจฺจโต จ อารมฺมณโต จ
หทยมฺหิ ปกฺขิปิตฺวา. "นิพฺพานํ ปาปุณิสฺสามี"ติ วิริยํ กโรนฺโต นิพฺพานํ กิจฺจโต
หทยมฺหิ โอเปติ นาม, นิพฺพานารมฺมณํ ปน สมาปตฺตึ อปฺเปตฺวา นิสีทนฺโต
อารมฺมณโต. ตทุภยํปิ สนฺธาเยสา ภาสติ. ฌายาติ ทฺวีหิ ฌาเนหิ ฌายิตา ๔-
ภว. ปีฬิปีฬิกาติ ๕- อยํ คิหีหิ สทฺธึ ปีฬิปีฬิกถา. ๖- ปญฺจมํ.


             อรรถกถาภาษาบาลีอักษรไทย เล่มที่ ๑๑ หน้า ๒๗๖-๒๗๗. http://84000.org/tipitaka/atthapali/read_th.php?B=11&A=7147&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=11&A=7147&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=771              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6457              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5744              The Pali Tipitaka in Roman Character :- http://84000.org/tipitaka/read/roman_read.php?B=15&A=5744              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]