อรรถกถาเล่มที่ ๑๑ ภาษาบาลีอักษรไทย
 สํ.อ. (สารตฺถ.๑)

                        ๕. อานนฺทสุตฺตวณฺณนา
      [๒๒๕] ปญฺจเม อานนฺโทติ ธมฺมภณฺฑาคาริโก เถโร. ๗- อติเวลนฺติ
อติกฺกนฺตํ เวลํ. คิหิสญฺตฺติพหุโลติ รตฺตึ จ ทิวา จ พหุกาลํ คิหี
สญฺาปยนฺโต. ภควติ หิ ปรินินฺพุเต มหากสฺสปตฺเถโร เถรํ อาห "อาวุโส
มยํ ราชคเห วสฺสํ อุปคนฺตฺวา ธมฺมํ สงฺคายิสฺสาม, คจฺฉ ตฺวํ อรญฺ ปวิสิตฺวา
อุปริมคฺคตฺตยตฺถาย วายามํ กโรหี"ติ. โส ภควโต ปตฺตจีวรํ อาทาย โกสลรฏฺ
คนฺตฺวา เอกสฺมึ อรญฺาวาเส วสิตฺวา ปุนทิวเส เอกํ คามํ ปาวิสิ. มนุสฺสา
เถรํ ทิสฺวา "ภนฺเต อานนฺท ตุเมฺห ปุพฺเพ สตฺถารา สทฺธึ อาคจฺฉถ, อชฺช
@เชิงอรรถ: ๑ สี. สพฺพรตฺตึ   ๒ ฉ.ม. อรุโณ
@๓ ฉ.ม. มธุรํ ธมฺมสฺสวนํ ปญฺหากถนํ, อิ. มธุรธมฺมสฺสวนํ ปญฺหกถํ
@๔ ฉ.ม., อิ. วชฺชิรฏฺาภิมุขา คตา        ๕ ก.มกฺกฏา, เอวมุปริปิ
@๖ ฉ.ม. ปุคฺคลสปฺปายํ เสนาสนสปฺปายํ, อิ. อิเม ปาา น ทิสฺสนฺติ
@๗ ฉ.ม., อิ. ธมฺมภณฺฑาคาริกตฺเถโร
เอกกาว อาคตา, ๑- กหํ สตฺถารํ เปตฺวา อาคตตฺถ, อิทานิ กสฺส ปตฺตจีวรํ
คเหตฺวา วิจรถ, กสฺส มุโขทกํ ทนฺตกฏฺ เทถ, ปริเวณํ สมฺมชฺชถ, วตฺตปฏิวตฺตํ
กโรถา"ติ พหุํ วตฺวา ปริเทวึสุ. เถโร "อาวุโส มา โสจิตฺถ, มา ปริเทวิตฺถ,
อนิจฺจา วต ๒- สงฺขารา"ติอาทีนิ วตฺวา เต สญฺาเปตฺวา กตภตฺตกิจฺโจ ๓-
วสนฏฺานเมว คจฺฉติ. มนุสฺสา สายํปิ ตตฺถ คนฺตฺวา ตเถว ปริเทวนฺติ. เถโรปิ
ตเถว โอวทติ. ตํ สนฺธาเยตํ วุตฺตํ. อชฺฌภาสีติ "อยํ เถโร ภิกฺขุสํฆสฺส กถํ
สุตฺวา `สมณธมฺมํ กริสฺสามี'ติ อรญฺ ปวิสิตฺวา อิทานิ คิหี สญฺาเปนฺโต
วิหรติ สตฺถุ สาสนํ อสงฺคหิตปุปฺผราสิ วิย ิตํ, ธมฺมสงฺคหํ น กโรติ
โจเทสฺสามิ นนฺ"ติ จินฺเตตฺวา อภาสิ.
      ปสกฺกิยาติ ปวิสิตฺวา. หทยสฺมึ โอปิยาติ กิจฺจโต จ อารมฺมณโต จ
หทยมฺหิ ปกฺขิปิตฺวา. "นิพฺพานํ ปาปุณิสฺสามี"ติ วิริยํ กโรนฺโต นิพฺพานํ กิจฺจโต
หทยมฺหิ โอเปติ นาม, นิพฺพานารมฺมณํ ปน สมาปตฺตึ อปฺเปตฺวา นิสีทนฺโต
อารมฺมณโต. ตทุภยํปิ สนฺธาเยสา ภาสติ. ฌายาติ ทฺวีหิ ฌาเนหิ ฌายิตา ๔-
ภว. ปีฬิปีฬิกาติ ๕- อยํ คิหีหิ สทฺธึ ปีฬิปีฬิกถา. ๖- ปญฺจมํ.

             อรรถกถาภาษาบาลีอักษรไทย เล่มที่ ๑๑ หน้า ๒๗๖-๒๗๗.
http://84000.org/tipitaka/atthapali/read_th.php?B=11&A=7147&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=7147&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=15&i=771
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=6457
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=5744
             The Pali Tipitaka in Roman Character :-
http://84000.org/tipitaka/read/roman_read.php?B=15&A=5744
             สารบัญพระไตรปิฎกเล่มที่ ๑๕
http://84000.org/tipitaka/read/?index_15