อรรถกถาเล่มที่ ๑๑ ภาษาบาลีอักษรไทย
 สํ.อ. (สารตฺถ.๑)

                      ๑๔. *- ปทุมปุปฺผสุตฺตวณฺณนา
      [๒๓๔] จุทฺทสเม อชฺฌภาสีติ ตํ ภิกฺขุํ นาเฬ คเหตฺวา ปทุมํ
สิงฺฆมานํ ๑- ทิสฺวาว "อยํ ภิกฺขุ สตฺถุ สนฺติเก กมฺมฏฺานํ คเหตฺวา สมณธมฺมํ
กาตุํ อรญฺ ปวิฏฺโ คนฺธารมฺมณํ อุปนิชฺฌายติ, สฺวายํ อชฺช อุปสิงฺฆิตฺวา ๒-
เสฺวปิ ปุนทิวเสปิ อุปสิงฺฆิสฺสติ, เอวมสฺส สา คนฺธตณฺหา วฑฺฒิตฺวา ทิฏฺธมฺมิก-
สมฺปรายิกํ อตฺถํ นาเสสฺสติ, มา มยิ ปสฺสนฺติยา นสฺสตุ, โจเทสฺสามิ นนฺ"ติ
อุปสงฺกมิตฺวา อภาสิ.
      เอกงฺคเมตํ เถยฺยานนฺติ เถนิตพฺพานํ รูปารมฺมณาทีนํ ปญฺจนฺนํ
โกฏฺาสานํ อิทํ เอกํ องฺคํ, เอกโกฏฺาโสติ อตฺโถ. น หรามีติ น คเหตฺวา
คจฺฉามิ. อาราติ ทูเร, นาเฬ คเหตฺวา นาเมตฺวา ทูเร ิโต อุปสิงฺฆามีติ
วทติ. วณฺเณนาติ การเณน.
      ยฺวายนฺติ โย อยํ. ตสฺมึ กิร เทวตาย สทฺธึ กเถนฺเตเยว เอโก ตาปโส
โอตริตฺวา ภิสขนนาทีนิ กาตุํ อารทฺโธ, ตํ สนฺธาเยวมาห. อากิณฺณกมฺมนฺโตติ
เอวํ อปริสุทฺธกมฺมนฺโต. อขีณกมฺมนฺโตติปิ ปาโ, กกฺขลกมฺมนฺโตติ อตฺโถ. น
วุจฺจตีติ คนฺธโจโรติ วา ปุปฺผโจโรติ วา กสฺมา น วุจฺจติ.
@เชิงอรรถ: ๑ สี.,อิ. ฆายมานํ  ๒ ฉ.,อิ. อุปสิงฺฆํ, ม.อุปสิงฺฆิ   *ฉ.ม. คนฺธตฺเถน...
      อากิณฺณลุทฺโทติ พหุปาโป คาฬฺหปาโป วา, ตสฺมา น วุจฺจติ ๑- ธาติเจลํว
มกฺขิโตติ ยถา ธาติยา นิวตฺถกิลิฏฺวตฺถํ อุจฺจารปสฺสาวปํสุมสิกทฺทมาทีหิ
มกฺขิตํ, เอวเมว ราคโทสาทีหิ มกฺขิโต. อรหามิ วตฺตเวติ อรหามิ วตฺตุํ.
เทวตาย โจทนา กิร สุคตานุสิฏฺิสทิสา, น ตํ ลามกา หีนาธิมุตฺติกา
มิจฺฉาปฏิปนฺนกปุคฺคลา ลภนฺติ. ตสฺมึ ปน อตฺตภาเว มคฺคผลานํ ภพฺพรูปา
ปุคฺคลา ตํ ลภนฺติ. ตสฺมา เอวมาห.
      สุจิคเวสิโนติ สุจีนิ สีลสมาธิาณานิ คเวสนฺตสฺส. อพฺภามตฺตํวาติ
วลาหกกูฏมตฺตํ วิย. ชานาสีติ สุทฺโท อยนฺติ ชานาสิ. วชฺชาสีติ วเทยฺยาสิ.
เนว ตํ อุปชีวามีติ ๒- เทวตา กิร จินฺเตสิ "อยํ ภิกฺขุ อตฺถิ เม หิตกามา
เทวตา, สา มํ โจเทสฺสติ สาเรสฺสตีติ ปมาทํปิ อนุยุญฺเชยฺย, นาสฺส นาสฺส วจนํ
สมฺปฏิจฺฉิสฺสามี"ติ. ตสฺมา เอวมาห. ตฺวเมวาติ ตฺวํเยว. ชาเนยฺยาติ ชาเนยฺยาสิ.
เยนาติ เยน กมฺเมน สุคตึ คจฺเฉยฺยาสิ, ตํ กมฺมํ ตฺวํเยว ชาเนยฺยาสีติ. จุทฺทสมํ.
                      อิติ วนสํยุตฺตวณฺณนา นิฏฺิตา.
                         --------------
@เชิงอรรถ: ๑ อิ. กสฺมา น วุจฺจติ            ๒ ฉ.ม. อุปชีวามาติ

             อรรถกถาภาษาบาลีอักษรไทย เล่มที่ ๑๑ หน้า ๒๘๒-๒๘๓.
http://84000.org/tipitaka/atthapali/read_th.php?B=11&A=7294&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=7294&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=15&i=795
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=6591
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=5887
             The Pali Tipitaka in Roman Character :-
http://84000.org/tipitaka/read/roman_read.php?B=15&A=5887
             สารบัญพระไตรปิฎกเล่มที่ ๑๕
http://84000.org/tipitaka/read/?index_15