บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๖. ปิยงฺกรสุตฺตวณฺณนา [๒๔๐] ฉฏฺเฐ เชตวเนติ เชตวนสฺส ปจฺจนฺเต โกสมฺพกุฏิกา ๔- นาม อตฺถิ, ตตฺถ วิหรติ. ธมฺมปทานีติ อิธ ปาฏิเยกฺกํ สงฺคหํ อารุฬฺหา ฉพฺพีสติวคฺคา ตนฺติ อธิปฺเปตา. ตตฺร เถโร ตสฺมึ สมเย อนฺโตวิหาเร นิสินฺโน มธุรสฺสเรน สรภญฺญํ กตฺวา อปฺปมาทวคฺคํ ภาสติ. เอวํ โตเสสีติ สา กิร ปุตฺตํ ปิยงฺกรํ องฺเกนาทาย เชตวนสฺส ปจฺฉิมภาคโต ปฏฺฐาย โคจรํ ปริเยสนฺตี อนุปุพฺเพน นคราภิมุขี หุตฺวา อุจฺจารปสฺสาวเขฬสิงฺฆาณิกทุพฺโภชนานิ ปริเยสมานา เถรสฺส วสนฏฺฐานํ ปตฺวา มธุรสฺสรํ อสฺโสสิ. ตสฺสา โส สทฺโท ฉวิจมฺมาทีนิ ๕- เฉตฺวา @เชิงอรรถ: ๑ ฉ.ม. นีหตภณฺฑํ ๒ ฉ.ม. ปพฺพชิโต ๓ ฉ.ม. เตปิฏโก @๔ ฉ.ม. โกสมฺพกกุฏิ ๕ ฉ.ม. ฉวิอาทีนิ อฏฺฐิมิญฺชํ อาหจฺจ หทยคมนีโย หุตฺวา อฏฺฐาสิ. อถสฺสา โคจรปริเยสเน จิตฺตํปิ น อุปฺปชฺชิ, โอหิตโสตา ธมฺมเมว สุณนฺตี ฐิตา. ยกฺขทารกสฺส ปน ทหรตาย ธมฺมสฺสวเน จิตฺตํ นตฺถิ. โส ชิฆจฺฉาย ปีฬิตตฺตา "กสฺมา อมฺมา คตฏฺฐาเน ขาณุโก วิย ติฏฺฐสิ, น มยฺหํ ขาทนียํ วา โภชนียํ วา ปริเยสสี"ติ ปุนปฺปุนํ มาตรํ โจเทติ. สา "ธมฺมสฺสวนสฺส เม อนฺตรายํ กโรตี"ติ ปุตฺตกํ "มา สทฺทมกริ ปิยงฺการา"ติ เอวํ โตเสสิ. ตตฺถ มา สทฺทมกรีติ สทฺทํ มา อกริ. ปาเณสุ จาติ คาถาย สา อตฺตโน ธมฺมตาย สมาทินฺนํ ปญฺจสีลํ ทสฺเสติ. ตตฺถ ๑- สญฺญมามเสติ สญฺญมาม สญฺญตา ๑- โหม. อิมินา ปาณาติปาตา วิรติ คหิตา, ทุติยปเทน มุสาวาทา วิรติ, ตติยปเทน เสสา ติสฺโส วิรติโย. อปิ มุจฺเจม ปิสาจโยนิยาติ อมี นาม ยกฺขโลเก อุปฺปนฺนานิ อิมานิ ๒- ปญฺจ เวรานิ ปหาย โยนิโส ปฏิปชฺชิตฺวา อิมาย ฉาตกทุพฺภิกฺขาย ปิสาจยกฺขโยนิยา มุจฺเจม ตาตาติ วทติ. ฉฏฺฐํ.อรรถกถาภาษาบาลีอักษรไทย เล่มที่ ๑๑ หน้า ๒๙๒-๒๙๓. http://84000.org/tipitaka/atthapali/read_th.php?B=11&A=7547&modeTY=2 The Pali Atthakatha in Roman :- http://84000.org/tipitaka/atthapali/read_rm.php?B=11&A=7547&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=819 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6741 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=6021 The Pali Tipitaka in Roman Character :- http://84000.org/tipitaka/read/roman_read.php?B=15&A=6021 สารบัญพระไตรปิฎกเล่มที่ ๑๕ http://84000.org/tipitaka/read/?index_15
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]