ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                       ๓. นตฺถิปุตฺตสมสุตฺตวณฺณนา
       [๑๓] ตติเย นตฺถิ ปุตฺตสมํ เปมนฺติ วิรูเปปิ  หิ อตฺตโน ปุตฺเต ๒-
สุวณฺณพิมฺพกํ วิย มญฺญนฺติ, มาลาคุเฬ วิย สีสาทีสุ กตฺวา ปริหรมานา เตหิ
โอหานิตาปิ ๓- โอปิติหิตาปิ คนฺธวิเลปนํ ปฏิจฺฉนฺตา ๓- วิย โสมนสฺสํ อาปชฺชนฺติ.
เตนาห "นตฺถิ ปุตฺตสมํ เปมนฺ"ติ. ปุตฺตเปเมน สมํ เปมํ นาม นตฺถีติ วุตฺตํ
โหติ. โคสมิกํ ๔- ธนนฺติ โคหิ สมํ โคธนสมํ โคธนสทิสํ อญฺญํ ธนํ นาม
นตฺถิ ภควาติ อาห. สุริยสมา อาภาติ สุริยาภาย สมา อญฺญา อาภา นาม
นตฺถีติ ทสฺเสติ. สมุทฺทปรมาติ เย เกจิ อญฺเญ สรา นาม, สพฺเพ เต
สมุทฺทปรมา, สมุทฺโท เตสํ อุตฺตโม, สมุทฺทสทิสํ อญฺญํ อุทกนิทานนฺนาม
นตฺถิ ภควาติ.
       ยสฺมา ปน อตฺตเปเมน สมํ เปมํ นาม นตฺถิ. มาตาปิตาทโย ๕- หิ
ฉทฺเฑตฺวาปิ ปุตฺตธีตาทโย ๖- จ ฉฑฺเฑตฺวา อาวาเสตฺวาปิ ๗- สตฺตา อตฺตานเมว
โปเสนฺติ. ธญฺเญน จ สมํ ธนํ นาม นตฺถิ. ยทา หิ สตฺตา ทุพฺภิกฺขา
โหนฺติ, ตถารูเป หิ กาเล ๘-  หิรญฺญสุวณฺณาทีนิปิ โคมหิสาทีนิปิ ธญฺญคฺคหนตฺถํ
ธญฺญสามิกานเมว สนฺติกํ คเหตฺวา คจฺฉนฺติ. ปญฺญาย จ สมา อาภา นาม นตฺถิ.
สุริยาทโยปิ ๙- เอกเทสํเยว โอภาเสนฺติ, ปจฺจุปฺปนฺนเมว จ ตมํ วิโนเทนฺติ. ปญฺญา
ปน ทสสหสฺสิโลกธาตุํ ๑๐- เอกปฺปโชตํ กาตุํ สกฺโกติ, อตีตํสาทิปฏิจฺฉาทกญฺจ
@เชิงอรรถ:  ฉ.ม., อิ. อิติสทฺโท น ทิสฺสติ    ฉ.ม., อิ. ปุตฺตเก
@๓-๓ ฉ.ม. โอหทิตาปิ โอมุตฺติกาปิ คนฺธวิเลปนปติตา, อิ. โอปติตาปิ โอมุตฺติตาปิ
@โอหนิตาปิ คนฺธวิเลปนํ ปติตํ   ฉ. โคสมิตํ ธนนฺติ อิ. โคสมิตนฺติ
@ ม. มาตาปิตโร   ม. ปุตฺตธีตโร   ฉ.ม., อิ. อโมเสตฺวาปิ   อิ. กูเล.
@ ฉ.ม., อิ. หิ.  ๑๐ ฉ.ม., อิ. ทสสหสฺสิมฺปิ โลกธาตุํ
ตมํ วิธมติ. เมฆวุฏฺฐิยา จ สโม สโร นาม นตฺถิ. นที วาปิ โหตุ ตฬากาทีนิ
วา, วุฏฺฐิสโม สโร นาม นตฺถิ. เมฆวุฏฺฐิยา หิ ปจฺฉินฺนาย มหาสมุทฺเท ๑-
องฺคุลิปพฺพเตมนมตฺตํปิ อุทกํ น โหติ, วุฏฺฐิยา ปน ปวตฺตมานาย ยาว
อาภสฺสรภวนาปิ เอโกทกํ โหติ. ตสฺมา ภควา เทวตาย ปฏิคาถํ วทนฺโต นตฺถิ
อตฺตสมํ เปมนฺติอาทิมาห.
                     นตฺถิปุตฺตสมสุตฺตวณฺณนา นิฏฺฐิตา.
                     -----------------------


             อรรถกถาภาษาบาลีอักษรไทย เล่มที่ ๑๑ หน้า ๓๒-๓๓. http://84000.org/tipitaka/atthapali/read_th.php?B=11&A=831&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=11&A=831&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=28              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=170              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=154              The Pali Tipitaka in Roman Character :- http://84000.org/tipitaka/read/roman_read.php?B=15&A=154              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]