ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                         ๔. ขตฺติยสุตฺตวณฺณนา
       [๑๔] จตุตฺเถ ขตฺติโย ทิปทนฺติ ๒- ทิปทานํ ๒- ราชา เสฏฺโฐ. โกมารีติ
กุมาริกาเล คหิตา. อยํ เสสภริยานํ เสฏฺฐาติ วทติ. ปุพฺพโชติ ปฐมํ ชาโต
กาโณ วาปิ โหตุ กุณิอาทีนํ วา อญฺญตโร, โย ปฐมํ ชาโต, อยเมว ปุตฺโต
อิมิสฺสา เทวตาย วาเท เสฏฺโฐ นาม โหติ. ยสฺมา ปน ทฺวิปทาทีนํ พุทฺธาทโย
เสฏฺฐา, ตสฺมา ภควา ปฏิคาถํ อาห. ตตฺถ กิญฺจาปิ ภควา สพฺเพสํเยว
อปทาทิเภทานํ สตฺตานํ เสฏฺโฐ, อุปฺปชฺชมาโน ปเนส สพฺพสตฺตเสฏฺโฐ
ทฺวิปเทสุเยว อุปฺปชฺชติ, ตสฺมา สมฺพุทฺโธ ทิปทํ เสฏฺโฐติ อาห. ทฺวิปเทสุ
อุปฺปนฺนสฺส จสฺส สพฺพตฺถ เสฏฺฐภาโว ๓- อปฺปฏิหโตว โหติ. อาชานีโยติ หตฺถี
วา โหตุ อสฺสาทีสุ วา อญฺญตโร, โย การณํ ชานาติ, อยํ อาชานีโยว
จตุปฺปทานํ เสฏฺโฐติ อตฺโถ. กูฏกณฺณรญฺโญ คุฬวณฺณอสฺโส วิย. ราชา กิร
ปาจีนทฺวาเรน นิกฺขมิตฺวา เจติยปพฺพตํ คมิสฺสามีติ กลมฺพนทีตีรํ ๔- สมฺปตฺโต,
อสฺโส ตีเร ฐตฺวา อุทกํ โอตริตุํ น อิจฺฉติ, ราชา อสฺสาจริยํ อามนฺเตตฺวา
"อโห วต ตยา อสฺโส สุสิกฺขาปิโต ๕- อุทกํ โอตริตุํ น อิจฺฉตี"ติ อาห.
อาจริโย "สุสิกฺขาปิโต เทว อสฺโส, เอตสฺส หิ จิตฺตํ `สจาหํ อุทกํ โอตริสฺสามิ,
วาลํ เตมิสฺสติ, วาเล ตินฺเต รญฺโญ องฺเค อุทกํ ปาเตยฺยา'ติ, เอวํ ตุมฺหากํ
สรีเร อุทกปาตนภเยน น โอตรติ, วาลํ คณฺหาเปถา"ติ อาห. ราชา ตถา
กาเรสิ. อสฺโส เวเคน โอตริตฺวา ปารํ คโต.  สุสฺสูสาติ สุสฺสูสมานา. กุมาริกาเล
@เชิงอรรถ:  ฉ.ม., อิ. มหาสมุทฺโท   ๒-๒ ฉ.ม., อิ. ทฺวิปทนฺติ ทฺวิปทานํ เอวมุปริปิ
@ ฉ.ม. สพฺพสตฺตเสฏฺฐภาโว      สี. กทมฺพนทีตีรํ     ฉ.ม. สิกฺขาปิโต

--------------------------------------------------------------------------------------------- หน้าที่ ๓๔.

วาปิ ๑- คหิตา โหตุ ปจฺฉา วา, สุรูปา วา วิรูปา วา, ยา สามิกํ สุสฺสูสติ ปริจรติ โตเสติ, สา ภริยานํ เสฏฺฐา. อสฺสโวติ อสุณมาโน. ๒- เชฏฺโฐ วา หิ โหตุ กนิฏฺโฐ วา, โย มาตาปิตูนํ วจนํ สุณาติ, สมฺปฏิจฺฉติ, โอวาทปฏิกาโร ๓- โหติ, อยํ ปุตฺตานํ เสฏฺโฐ, อญฺเญหิ สนฺธิจฺเฉทกาทิโจเรหิ ปุตฺเตหิ โก อตฺโถ เทวเตติ. ขตฺติยสุตฺตวณฺณนา นิฏฺฐิตา. -------------------

             อรรถกถาภาษาบาลีอักษรไทย เล่มที่ ๑๑ หน้า ๓๓-๓๔. http://84000.org/tipitaka/atthapali/read_th.php?B=11&A=860&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=11&A=860&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=15&i=30              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=180              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=162              The Pali Tipitaka in Roman Character :- http://84000.org/tipitaka/read/roman_read.php?B=15&A=162              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]