อรรถกถาเล่มที่ ๑๒ ภาษาบาลีอักษรไทย
 สํ.อ. (สารตฺถ.๒)

                       ๒. อโนตฺตปฺปีสุตฺตวณฺณนา
    [๑๔๕] ทุติเย อนาตาปีติ ยํ วิริยํ กิเลเส อาตปติ, เตน รหิโต.
อโนตฺตาปีติ นิพฺภโย กิเลสุปฺปตฺติโต กุสลานุปฺปตฺติโต จ ภยรหิโต. สมฺโพธายาติ
สมฺพุชฺฌนตฺถาย. นิพฺพานายาติ นิพฺพานสจฺฉิกิริยาย. อนุตฺตรสฺส โยคกฺเขมสฺสาติ
อรหตฺตสฺส ตํ หิ อนุตฺตรญฺเจว จตูหิ จ โยเคหิ เขมํ.
    อนุปฺปนฺนาติอาทีสุ เย ปุพฺเพ อปฺปฏิลทฺธปุพฺพํ จีวราทึ วา ปจฺจยํ
อุปฏฺากสทฺธิวิหาริกอนฺเตวาสีนํ วา อญฺตรโต มนุญฺ วตฺถุํ ๑- ปฏิลภิตฺวา ตํ
สุภํ สุขนฺติ อโยนิโส คณฺหนฺตสฺส อญฺตรํ วา ปน อนนุภูตปุพฺพํ อารมฺมณํ
ยถา วา ตถา วา อโยนิโส อาวชฺชนฺตสฺส โลภาทโย ปาปกา อกุสลา ธมฺมา
อุปฺปชฺชนฺติ, เต อนุปฺปนฺนาติ เวทิตพฺพา. อญฺถา หิ อนมตคฺเค สํสาเร
อนุปฺปนฺนา นาม ปาปกา ธมฺมา นตฺถิ. อนุภูติปุพฺเพปิ จ วตฺถุมฺหิ อารมฺมเณ
วา ยสฺส ปกติพุทฺธิยา วา อุทฺเทสปริปุจฺฉาย วา ปริยตฺตินวกมฺมโยนิโสมนสิการานํ
วา อญฺตรวเสน ปุพฺเพ อนุปฺปชฺชิตฺวา ปจฺฉา ตาทิเสน ปจฺจเยน สหสา
อุปฺปชฺชนฺติ, อิเมปิ "อนุปฺปนฺนา อุปฺปชฺชมานา อนตฺถาย สํวตฺเตยฺยุนฺ"ติ
เวทิตพฺพา. เตสุเยว ปน วตฺถารมฺมเณสุ ปุนปฺปุนํ อุปฺปชฺชมานา น ปหิยฺยนฺติ ๒-
นาม, เต "อุปฺปนฺนา อปฺปหียมานา อนตฺถาย สํวตฺเตยฺยุนฺ"ติ เวทิตพฺพา.
@เชิงอรรถ: ๑ สี. อญฺตรมนุญฺวตฺถุํ ก. อญฺตรํ มนุญฺ วตฺถุํ  ๒ ฉ.ม.,อิ. นปฺปหียนฺติ
อยเมตฺถ สงฺเขโป, วิตฺถารโต ปน อุปฺปนฺนานุปฺปนฺนเภโท จ ปหานปฺปหานวิธานญฺจ
สพฺพํ วิสุทฺธิมคฺเค าณทสฺสนวิสุทฺธินิทฺเทเส กถิตํ.
    อนุปฺปนฺนา เม กุสลา ธมฺมาติ อปฺปฏิลทฺธาปิ สีลสมาธิมคฺคผลสงฺขาตา
อนวชฺชธมฺมา. อุปฺปนฺนาติ เตเยว ปฏิลทฺธา. นิรุชฺฌมานา อนตฺถาย สํวตฺเตยฺยุนฺติ
เต สีลาทิธมฺมา ปริหานิวเสน ปุน อนุปฺปตฺติยา นิรุชฺฌมานา อนตฺถาย
สํวตฺเตยฺยุนฺติ เวทิตพฺพา. เอตฺถ จ โลกิยา ปริหายนฺติ, โลกุตฺตรานํ ปริหานิ
นตฺถิ. "อุปฺปนฺนานํ กุสลานํ ธมฺมานํ ิติยา"ติ อิมสฺส ปน สมฺมปฺปธานสฺส
วเสนายํ เทสนา กตา. ทุติยมคฺโค วา สีฆํ อนุปฺปชฺชมาโน, ปมมคฺโค
นิรุชฺฌมาโน อนตฺถาย สํวตฺเตยฺยาติ เอวเมตฺถ ๑- อตฺโถ ทฏฺพฺโพ. อิติ
อิมสฺมึ สุตฺเต อิเม จตฺตาโร สมฺมปฺปธานา ปุพฺพภาควิปสฺสนาวเสน กถิตาติ.
ทุติยํ.

             อรรถกถาภาษาบาลีอักษรไทย เล่มที่ ๑๒ หน้า ๑๘๕-๑๘๖.
http://84000.org/tipitaka/atthapali/read_th.php?B=12&A=4121&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=12&A=4121&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=16&i=464
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=16&A=5151
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=16&A=4642
             The Pali Tipitaka in Roman Character :-
http://84000.org/tipitaka/read/roman_read.php?B=16&A=4642
             สารบัญพระไตรปิฎกเล่มที่ ๑๖
http://84000.org/tipitaka/read/?index_16